DILONGI 18
Bue buzabila bakristu bakiedika?
Batu bawombo beta tuba ti badi Bakristu. Vayi basi ko luwiluku lumosi ayi batumukinanga ko mambu ma phila mosi. Bua bue buzabila Bakristu bakiedika?
1. Mukristu muna nani?
Bakristu badi balonguki ba Yesu. (Tanga Mavanga 11:26.) Bue beta monisina ti beta landakana Yesu? Yesu wutuba ti: “Enati beno lunkangamanga mu mambu mama buna luidi minlonguki miama mu kiedika.” (Yowani 8:31) Yawu yimmonisa ti Bakristu bakiedika beta tumukina malongi ma Yesu. Mu buela, malongi ma Yesu mu masonoko kaka madi, diawu bakristu bakiedika luwiluku luawu lufueti ba kaka lusimbama mu Bibila.—Tanga Luka 24:27.
2. Bue bakristu bakiedika beta monisina luzolo kuidi badiawu?
Yesu wukamba balonguki bandi ti: ‘luzolasananga beno na beno banga bo ndiluzodila.’ (Yowani 15:12) Bue Yesu kamonisina ti weba zolanga balonguki bandi? Wubeviokisanga thangu yiwombo ayi bawu, wubakindisa ayi wubasadisa. Wuvana phe luzingu luandi mu diambu di bawu. (1 Yowani 3:16) Buawu phe bakristu bakiedika beta luta monisina luzolo mu mavanga, bika kaka mu munu. Luzolo luawu kuidi badiawu lueta luta monika mu ziphova ayi mu mavanga.
3. Mu kisalu mbi bakristu bakiedika beta buedila mioko?
Yesu wuvana lutumu lumosi kuidi minlonguki miandi. ‘Wubatuma besamuna Kimfumu ki Nzambi.’ (Luka 9:2) Bakristu batheti beba samunanga ko kaka mu zinzo Nzambi vayi beba samunanga phe mu bibuangu biba batu bawombo ayi nzo ka nzo. (Tanga Mavanga 5:42; 17:17.) Mu lumbu kiaki phe, bakristu bakiedika beta longisa kiedika ki Bibila voso kuandi. Bo beta zola batu, badi na mayangi masadila thangu’awu, ayi zingolo ziawu, mu zabikisa tsangu yi vuvu ayi lukindusu luidi mu khati Bibila.—Malako 12:31.
TUVISA MBOTI MBOTI
Tutala buabu disuasanu mbi didi mu bakristu bakiedika ayi bobo ka balandakananga ko malongi ayi fuanusu ki Yesu.
4. Beba tombanga kiedika mu Bibila
Bakristu batheti beba zolanga Phova Nzambi
Bakristu babongilanga ko phila mosi mfunu wukiedika ki Bibila. Tala VIDEO ayi vana mvutu mu kiuvu kiaki kilandikini.
-
Mabundu mo meta tuba ti madi ma bukristu, mbi matula mu kakidila batu babika zaba malongi makiedika ma Yesu?
Yesu wulonga kiedika kio kidi mu mbembo Nzambi. Tanga Yowani 18:37 ayi vana mvutu mu kiuvu kiaki:
-
Banga phila Yesu katubidi, bue tulenda zabila bakristu bobo badi “mu kiedika?”
5. Beba samunanga kiedika ki Bibila
Bakristu batheti beba samunanga
Tuamina kakuma ku diyilu, Yesu wuvana kisalu kimosi kuidi balonguki bandi, kio bakhidi sadi tii lumbu kiaki. Tanga Matayi 28:19, 20 ayi Mavanga 1:8, ayi vana mvutu mu kiuvu kiaki:
-
Kue kiela kue sukila ayi tii thangu mbi kisalu kitsamununu kifueti salimina?
6. Beta sadila momo beta longa
Mbi bisadisa bakala dimosi nio batedidi Tom kakikinina ti wubakula bakristu bakiedika? Tala VIDEO ayi vana mimvutu mu biuvu biabi bilandikini.
-
Mbi bisadisa Tom kabika dibundu diandi?
-
Bila mbi kakikinina ti wuyiza bakula kiedika?
Mavanga meto mawu meta luta tuba viokila ziphova zieto. Tanga Matayi 7:21 ayi vana mvutu mu kiuvu kiaki:
-
Mbi bilutidi mfunu kuidi Yesu: tuba ti ndidi nkuikisi voti kubumonisina mu mavanga?
7. Beta zolasana bawu na bawu
Bakristu batheti beba zolasananga bawu na bawu
Bakristu bameteka tula luzingu luawu mu vonza mu diambu di badiawu bakristu? Tala VIDEO ayi vana mimvutu mu biuvu biabi bilandikini.
-
Bila mbi LIoyd katudila luzingu luandi mu vonza mu diambu di phangi Johansson?
-
Wum’banzila ti mambu momo kavanga mamonisa ti widi mukristu wukiedika?
Tanga Yowani 13:34, 35 ayi vana mimvutu mu biuvu biabi:
-
Bue balonguki ba Yesu (bakristu bakiedika) beta vangila batu bo badi nkanda wuviakana ayi bobo badi mu zitsi zinkaka mambu?
-
Bue beta vangila batu ba zitsi zinkaka mambu mu thangu mvita?
BATU BANKAKA BETA TUBA TI: “Bakristu beta vanga mambu makiadi ayi mambimbi. Bue balenda bela dibundu dikiedika?”
-
Verse mbi yi Bibila lenda tanga mu monisa bue buzabila bakristu bakiedika?
MU BUKHUFI
Bakristu bakiedika beta landakana malongi ma Bibila, beta zolasana bawu na bawu ayi beta samuna kiedika ki Bibila.
Phutukulu
-
Luwiluku lu bakristu bakiedika mu mbi lusingimini?
-
Kadulu mbi kilenda kusadisa wuzaba bakristu bakiedika?
-
Kisalu mbi bakristu bakiedika beta buedila mioko?
TALA MAMBU MANKAKA
Mua ndambu batu balembu tudi zingolo mu landakana fuanusu ayi malongi ma Yesu.
Bue Masela ma mosi kayiza bakudila “dikanda di kipheve dikiedika”?
“Basalelaki Biblia mpo na koyanola na motuna nyonso!” (Linɔ́ngi ya Mosɛnzɛli ya 01/04/2014)
Bue bakristu bakiedika beta monisina luzolo kuidi ba khomba ziawu bakristu bobo badi na phuila yi lusadusu?
Kosalisa bandeko na biso na ntango ya likama—Video ya mokuse (3:57)
Yesu wumonisa bidimbu bio bifueti kutusadisa mosi tuzaba balonguki bandi. Bue bakristu batheti ayi ba bilumbu biabi beta dedikisila bidimbu beni?
“Ndenge nini okoki koyeba bakristo ya solo?” (Linɔ́ngi ya Mosɛnzɛli ya 01/03/2012)
