XOOK 18
¿Máaxoʼob jach u discípuloʼob Cristo?
Kex u millonesil máakoʼob ku yaʼalikoʼob ku beetkoʼob baʼax ku kaʼansik Cristoeʼ maʼ igual baʼax ku creerkoʼobiʼ yéetel maʼ igual baʼax ku beetkoʼobiʼ. ¿Bix túun jeʼel k-ojéeltik máaxoʼob jach tu jaajil u discípuloʼob Cristoeʼ?
1. ¿Baʼax ku beetik u discípuloʼob Jesús?
U discípuloʼob Jesús wa le cristianoʼoboʼ ku beetkoʼob le baʼaxoʼob ku yaʼalikoʼ (xok Hechos 11:26). ¿Bix túun u yeʼeskoʼob jach tu jaajil u discípuloʼob? Jesúseʼ tu yaʼalaj: «Wa ku pʼáatal ta puksiʼikʼaleʼex baʼax kin waʼalikeʼ jach tu jaajil in discípuloʼex» (Juan 8:31). Leloʼ u kʼáat u yaʼaleʼ le u jaajil discípuloʼoboʼ ku yuʼubikoʼob u tʼaan Jesús. Tsʼoʼoleʼ tuláakal le baʼax ku creerkoʼoboʼ teʼ Biblia ku jóoʼskoʼob jeʼex tu beetil Jesúsoʼ (xok Lucas 24:27).
2. ¿Bix u yeʼeskoʼob yaabilaj u discípuloʼob Jesús?
Jesúseʼ tu yaʼalaj tiʼ u discípuloʼob: «Paklan yaabiltabaʼex jeʼex teen tsʼoʼok in yaabiltikeʼexoʼ» (Juan 15:12). ¿Bix tu yeʼesil Jesús u yaabiltmaj u discípuloʼob? Letiʼeʼ tu jóoʼsaj tiempo utiaʼal u yantal tu yéeteloʼob, tu líiʼsaj u yóoloʼob, tu yáantoʼob yéetel hasta tu tsʼáaj u kuxtal tu yoʼolaloʼob (1 Juan 3:16). Jeʼex Jesúseʼ u discípuloʼob xaneʼ maʼ chéen ku yaʼalikoʼob u yaabiltmubaʼobiʼ, baʼaxeʼ ku yeʼeskoʼob yéetel tuláakal baʼax ku beetkoʼob.
3. ¿Baʼax meyajil kʼubéentaʼan tiʼ u discípuloʼob Cristo?
Jesúseʼ tu yaʼalaj tiʼ u discípuloʼob ka «u tsikbaltoʼob u Reino Dios» (Lucas 9:2). Le discípuloʼob teʼ yáax siglooʼ maʼ chéen ku kaʼansajoʼob teʼ lugaroʼob tuʼux ku adoraroʼoboʼ, baʼaxeʼ ku binoʼob kaʼansaj tu yotoch le máakoʼoboʼ yéetel teʼ lugaroʼob tuʼux yaʼab u máan máakoʼ (xok Hechos 5:42; 17:17). Teʼ kʼiinoʼobaʼ u discípuloʼob Jesúseʼ láayliʼ ku kaʼanskoʼob tiʼ le máakoʼob le baʼaxoʼob ku yaʼalik le Bibliaoʼ. Letiʼobeʼ jach u yaabiltmoʼob máak, le beetik ku xupik u tiempo yéetel u muukʼoʼob utiaʼal u yáantkoʼob le máakoʼob yéetel le Bibliaoʼ (Marcos 12:31).
UTIAʼAL A MAAS NAʼATIK
Koʼox ilik baʼax u jelaʼanil le jaajil cristianoʼob tiʼ le máaxoʼob maʼ tu beetkoʼob baʼax tu kaʼansaj Jesúsoʼ.
4. Teʼ Biblia ku jóoʼskoʼob le baʼax ku creerkoʼoboʼ
Le yáax cristianoʼoboʼ tu respetartoʼob u Tʼaan Dios
Kex yaan máakoʼob ku yaʼalikubaʼob u discípuloʼob Cristoeʼ maʼatech u tsʼáaik ichil u kuxtaloʼob le baʼaxoʼob ku kaʼansik le Bibliaoʼ. Chaʼanteʼex le VIDEOOʼ, kéen tsʼoʼokkeʼ ka tsikbaltikeʼex lelaʼ:
-
Yaan religiónoʼob ku yaʼalikubaʼob cristianoʼobeʼ tu prohibirtoʼob u kanik máak le baʼaxoʼob tu kaʼansaj Jesúsoʼ. ¿Bix túun tu beetiloʼob?
Jesúseʼ tu tsʼáaj ojéeltbil le jaajoʼ. Xokeʼex Juan 18:37, kéen tsʼoʼokkeʼ ka tsikbaltikeʼex lelaʼ:
-
Jeʼex u yaʼalik le tekstooʼ, ¿baʼax ku beetik le «máax uts tu tʼaan u yuʼubik le jaajoʼ»?
5. Ku kaʼanskoʼob baʼax ku yaʼalik le Bibliaoʼ
Le yáax cristianoʼoboʼ tu kaʼansoʼob baʼax ku yaʼalik
Antes tiʼ u suut Jesús teʼ kaʼanoʼ yaan baʼax tu yaʼalaj tiʼ u discípuloʼob ka u beetoʼob. Xokeʼex Mateo 28:19, 20 yéetel Hechos 1:8, kéen tsʼoʼokkeʼ ka tsikbaltikeʼex lelaʼ:
-
¿Tak tuʼux yéetel tak baʼax kʼiin kun kaʼansbil le máakoʼoboʼ?
6. Ku beetkoʼob baʼax ku kaʼanskoʼob
Ilawil baʼaxten juntúul máak ku kʼaabaʼtik Tomeʼ tu yaʼalaj tsʼoʼok u kaxtik u jaajil. Chaʼanteʼex le VIDEOOʼ, kéen tsʼoʼokkeʼ ka tsikbaltikeʼex lelaʼ:
-
Jeʼex t-ilil teʼ videooʼ, ¿baʼaxten xuʼul u confiar Tom tiʼ le religiónoʼoboʼ?
-
¿Baʼax eʼestiʼ tsʼoʼok u kaxtik u jaajil?
Maʼ chéen aʼalbil u beetaʼal junpʼéel baʼaliʼ, baʼaxeʼ kʼaʼabéet u yeʼesaʼal. Xokeʼex Mateo 7:21, kéen tsʼoʼokkeʼ ka tsikbaltikeʼex lelaʼ:
-
¿Baʼax maas importante u yilik Jesús, le baʼax k-aʼalikoʼ wa le baʼax k-beetkoʼ?
7. U yaabiltmubaʼob
Le yáax cristianoʼoboʼ tu yaabiltubaʼob
U discípuloʼob Jesúseʼ jeʼel tak u tsʼáaik u kuxtaloʼob yoʼolal u sukuʼunoʼobeʼ. Chaʼanteʼex le VIDEOOʼ, kéen tsʼoʼokkeʼ ka tsikbaltikeʼex lelaʼ:
-
¿Baʼaxten sukuʼun Lloydeʼ tu tsʼáaj u kuxtal tu chiʼ kíimil yoʼolal sukuʼun Johansson?
-
¿Tu yeʼesaj wa jach tu jaajil u discípulo Jesús yéetel le baʼax tu beetoʼ?
Xokeʼex Juan 13:34, 35, kéen tsʼoʼokkeʼ ka tsikbaltikeʼex lelaʼ:
-
U discípuloʼob Jesúseʼ, ¿bix unaj u tratartik le máaxoʼob yaanal u razaʼoboʼ wa yaanal tuʼux u taaloʼoboʼ?
-
¿Bix jeʼel u yeʼeskoʼob yaabilaj wa yaan guerra teʼ tuʼux kajaʼanoʼoboʼ?
BAʼAX SUUK U YAʼALAʼAL: «Le religiónoʼob ku yaʼalikubaʼob cristianoʼoboʼ jach yaʼab baʼaloʼob kʼaastak tsʼoʼok u beetkoʼob, ¿bix u táabal u yaʼaloʼob tiʼ letiʼob yaan u jaajil?».
-
¿Baʼax tekstoil jeʼel u meyajtech utiaʼal a weʼesik baʼax ku beetik le jaajil cristianoʼoboʼ?
BAʼAX TSOʼOLI
U discípuloʼob Jesúseʼ ku beetkoʼob le baʼax ku yaʼalik le Bibliaoʼ, ku kaʼanskoʼob tiʼ u maasil yéetel ku yeʼeskoʼob yaabilaj.
Baʼax ta kanaj
-
¿Tuʼux ku jóoʼsik u discípuloʼob Jesús le baʼaxoʼob ku creerkoʼoboʼ?
-
¿Máakalmáak le jatsʼuts modo maases ku yeʼesik u discípuloʼoboʼ?
-
¿Baʼax meyajil kʼubéentaʼantiʼob tumen Jesús?
KAN U MAASIL
Ojéelt máaxoʼob ku tsʼáaikoʼob ichil u kuxtal le baʼaxoʼob tu kaʼansaj Jesucristooʼ.
Xok bix juntúul monjaeʼ tu kʼaj óoltaj junjaats máakoʼob jach u yaabiltmubaʼob.
Ilawil bix u múul áantkubaʼob u discípuloʼob Jesús le kéen kʼaʼabéetchajkoʼ.
K-áantik k-sukuʼunoʼob ken úuchuk junpʼéel nojoch loob (junxóotʼ) (3:57)
Teʼ yáax siglooʼ kʼaj óoltaʼab máaxoʼob u discípuloʼob Jesús tumen tu beetoʼob le baʼax tu yaʼaloʼ. Teʼ kʼiinoʼobaʼ láayliʼ bey xan u kʼaj óoltaʼal máaxoʼob u discípuloʼoboʼ.
«¿Bix jeʼel k-kʼaj óoltik le jaajil cristianoʼoboʼ?» (U xookiloʼob U Pʼíich Tulumil Kanan)
Maʼ xaaneʼ jeʼel u yutstal xan ta wicheʼ
KʼÁATCHIʼOB SUUK U BEETAʼAL
¿Bix u tsʼáaikoʼob xook u testigoʼob Jéeoba yéetel le Bibliaoʼ?
Le xook ku tsʼáaik u testigoʼob Jéeobaoʼ gratis, jeʼel u páajtal a usartik a Bibliaeʼ yéetel jeʼel u páajtal a invitartik wa máax utiaʼal u láakʼintikech teʼ xookoʼ.
