LESIONY 18
¿Ximod labúu ganno chú nac cristianos ni rasuidy xinésni?
Xidal millón buñ ná nac cristianos, diti toibsi mod rasobyibu ni ná la Biblia. Per ¿ximod labúu ganno chú layibu ni rasuidy xinésni?
1. ¿Chú láabu ngú toib cristiano?
Cristianos layibu ngú ni nac xpiin Jesucristo (bíil Hechos 11:26). ¿Ximod raslooyibu que nacyibu xpiin Jesús? Láabu goniʼbu ndeʼ: «Pal rasobto ni rasudi, nacto xpiina» (Juan 8:31). Ndeʼ radudy diitz que ni nac cristianos non guisobyibu xcalrrasuidy Jesús. Cristianos ni rasuidy xinésni guirá ni rasuidyibu rabeʼyibu láani ló la Biblia, xomod buny Jesús láani (bíil Lucas 24:27).
2. ¿Ximod raslooy cristianos ni rasuidy xinésni galnadxiʼ?
Jesús gochbu xpiimbu ndeʼ: «Colgandxiʼ saʼto xomodca naʼ ma gondxiʼya lóoto» (Juan 15:12). ¿Ximod bislooy Jesús que gondxiʼbu xpiimbu? Goleʼbu xtiempbu, buny animarbu, gocnébu né dada goitybu por xpiimbu (1 Juan 3:16). Xomodca buny Jesús láani, cristianos ni rasuidy xinésni diti nosi raniʼyibu de galnadxiʼ; raslooyibu láani mod raniʼyibu né mod ronyibu.
3. ¿Xí dxiin ni más rasac rony cristianos ni rasuidy xinésni?
Jesús bidudy toib dxiin a guirá xpiin, bixelbu guirá biinreʼ «naniʼ diitz sacró de Gobierno xtuny Dios» (Lucas 9:2). Cristianos ni goyoʼ ló primer siglo, diti nosi bisuidyibu buñ lagary ro buny adoraryibu Dios, láaca bisuidyibu buñ locay né gosaayibu yoʼ por yoʼ (bíil Hechos 5:42; 17:17). Ló naareʼ, cristianos ni rasuidy xinésni láaca rasuidyibu buñ rotísi lagary. Nadxiʼyibu buñ, por ngú rabeʼyibu xtiempyibu né xfuersyibu par gaibyibu buñ xi esperanza nap né ximod labúu guisialdó la Biblia xcalnabanyibu (Marcos 12:31).
NANOY GUISUIDYNO LÁANI
Guisuidyno ximod labúu guidudyno cuent chú layibu ngú cristianos ni rasuidy xinésni.
4. Rayopyibu galnigolú ni sieed ló la Biblia
Cristianos ni goyoʼ ló siglo primero nigolú gosac Xtiitz Dios par layibu.
Diti guirá buñ ni raniʼ que nac cristianos rasac par layibu galnigolú ni sieed ló la Biblia. Colguibiʼ VIDEO reʼ né colgooy xtiitzni:
-
Tipnés Iglesias ni laa cristianas, biyopyibu mod nacaayibu lóo buñ par diti nasuidyibu xcalrrasuidy Jesús, ¿ximod bunyibu láani?
Jesús bisuidybu galnigolú ni sieed ló Xtiitz Dios. Colgoʼol Juan 18:37 né colgooy xtiitzni:
-
Mod goniʼ Jesús, ¿ximod labúu guidudyno cuent chú layibu nac ni noʼ «lad galnigolú»?
5. Rasuidyibu galnigolú ni sieed ló la Biblia
Cristianos ni goyoʼ ló siglo primero buny predicaryibu saʼyibu.
Antes ni ñee Jesús lainy guibá, bunycuentbu toib dxiin xpiimbu ni cayac dada ló naareʼ. Colgoʼol Mateo 28:19, 20 né Hechos 1:8, né colgooy xtiitzni:
-
¿Dada pu dzú né dada pu lagary non naniʼyibu xtiitz Dios?
6. Ronyibu ni rasuidyibu
¿Ximod toib buñguieeu ni góc laa Tom bidudybu cuent que bidzelbu religión ni rasuidy xinésni? Colguibiʼ VIDEO reʼ né colgooy xtiitzni:
-
Mod bibiʼno ló video reʼ, ¿xigony religión goleʼganni a Tom?
-
¿Xigony Tom nap confianz que ma bidzelbu religión ni rasuidy xinésni?
Ni ranino non gonyno láani. Colgoʼol Mateo 7:21 né colgooy xtiitzni:
-
¿Xí láani ngú más rasac par Jesús: órni ranino ni ronyno crer la, o órni ronyno ni ranino?
7. Nadxiʼyibu saʼyibu
Cristianos ni goyoʼ ló siglo primero gondxiʼyibu saʼyibu.
Cristianos ni rasuidy xinésni, ¿ma goyoʼyibu ló riesga par guilaayibu xhermanyibu la? Colguibiʼ VIDEO reʼ né colgooy xtiitzni:
-
¿Xí bichiin hermano Lloyd par goyoʼbu ló riesga ñaitybu por hermano Johansson?
-
Xpensarylo, ¿bunybu xomod rony toib cristiano ni rasuidy xinésni la?
Colgoʼol Juan 13:34, 35 né colgooy xtiitzni:
-
¿Ximod non nagobioo cristianos ni rasuidy xinésni a buñ de stoib color o stoib gudx?
-
¿Né ximod labúu ñonyibu láani órni ñoʼ guerr?
TIPNÉS BUÑ NÁ: «Dios racacuent guirá religión».
-
¿Xí texto labúu ñoʼolo par naslooylo chú layibu ngú cristianos ni rasuidy xinésni?
¿XÍ BISUIDYLO?
Cristianos ni rasuidy xinésni rasobyibu xcalrrasuidy la Biblia, rioʼyibu galrrasaʼ por buñ né rasuidyibu buñ ni ná la Biblia.
Repas
-
Cristianos ni rasuidy xinésni, ¿pu lagary rabeʼyibu ni ronyibu crer?
-
¿Xí cualidad nap cristianos ni rasuidy xinésni?
-
¿Né xí dxiin ronyibu?
PAR GANLO MÁS
Bisuidy ximod toib grupo racanal ejemplo, né rasobyibu ni bisuidy Jesucristo.
Bíil ximod toib buñgonaʼ ni góc monja bidzelbu «toib familia espiritual».
«Cuapyibu né la Biblia guirá galrranabdiitz ni gopa» (Guiich ni caniʼ, 1 de abril íz 2014)
Bisuidy ximod cristianos ni rasuidy xinésni raslooyibu galnadxiʼ saʼyibu órni caquiinyibu galrracné.
Jesucristo goniʼ ximod labúu guidudyno cuent chú layibu nac xpiimbu. Bisuidy ximod cristianos ni goyoʼ ló siglo primero né cristianos ni noʼ ló naareʼ ronyibu ni goniʼ Cristo.
«¿Ximod labúu guimbuno cristianos ni rasuidy xinésni?» (Guiich ni caniʼ, 1 de marz íz 2012)
Sigory láaca sioladxlo ndeʼ
NI MÁS RANABDIITZ BUÑ
¿Ximod rasuidy testigos xtuny Jehová buñ?
Órni guisuidylo né testigos xtuny Jehová labúu guiquiinlo nitisi traducción xtuny la Biblia. Labúu guiruʼlo guirá xfamilo né ximiglo par gony compañer looy.
