NÍ KASEMI 19
Anɛ Yehowa Odasefohi Ji Anɔkuale Kristofohi Lo?
Yehowa Odasefohi he ye kaa a ji anɔkuale Kristofohi. Mɛni he je? Ha nɛ wa susu nɔ́ nɛ wa ngɔɔ wa hemi kɛ yemi ɔ kɛ daa nɔ, biɛ nɛ ha nɛ wa je ekpa, kɛ bɔ nɛ wa jeɔ suɔmi kpo kɛ tsɔɔ wa sibi ha a he nɛ waa hyɛ.
1. Mɛni nɔ nɛ Yehowa Odasefohi ngɔɔ a hemi kɛ yemi kɛ daa?
Yesu de ke: “[Mawu] munyu ɔ ji anɔkuale.” (Yohane 17:17) Kaa bɔ nɛ Yesu pee ɔ, Yehowa Odasefohi hu ngɔɔ a hemi kɛ yemi kɛ daa Mawu Munyu ɔ nɔ. Ha nɛ wa susu wa yi nɔ sane he bɔɔ nɛ waa hyɛ. Ngɛ jeha 1870 ɔ mi ɔ, nihi bɔɔ ko nɛ́ a bua jɔ Baiblo ɔ he ɔ kɛ hɛdɔ bɔni Baiblo ɔ kasemi konɛ a na anɔkualehi nɛ ngɛ Baiblo ɔ mi ɔ. A ngɔ a hemi kɛ yemi kɛ da Baiblo ɔ nɔ, be mi nɛ jami ɔmɛ ngɛ níhi nɛ be Baiblo ɔ mi ɔ tsɔɔe. Lɔ ɔ se ɔ, a bɔni ni kpahi anɔkualehi nɛ a kase ngɛ Baiblo ɔ mi ɔ tsɔɔmi. a
2. Mɛni he je nɛ wa tsɛɛ wa he ke Yehowa Odasefohi ɔ?
Yehowa tsɛɔ e sɔmɔli ke e we Odasefohi ejakaa a tsɔɔ nihi anɔkualehi nɛ kɔɔ e he ɔ. (Hebri Bi 11:4–12:1) Kaa nɔ hyɛmi nɔ́ ɔ, blema a, Yehowa de e we bi ke: ‘Nyɛ ji ye we odase.’ (Kane Yesaya 43:10.) A tsɛɛ Yesu hu ke “Odasefo No Anɔkualetsɛ.” (Kpo Jemi 1:5) Enɛ ɔ he ɔ, ngɛ jeha 1931 ɔ mi ɔ, wa ngɔ biɛ nɛ ji Yehowa Odasefohi ɔ kɛ fɔ wa nɔ. Wa bua jɔ wawɛɛ kaa a tsɛɛ wɔ ke Yehowa Odasefohi.
3. Mɛni blɔ nɔ nɛ Yehowa Odasefohi guɔ kɛ kaseɔ Yesu suɔmi ɔ?
Yesu suɔ e kaseli ɔmɛ wawɛɛ nitsɛ. Enɛ ɔ he ɔ, a ba pee kaa e weku li. (Kane Maako 3:35.) Jã nɔuu kɛ̃ nɛ Yehowa Odasefohi nɛ a ngɛ je ɔ mi hehi tsuo ɔ pee kake kaa weku. Enɛ ɔ he je nɛ wa tsɛɛ wa sibi ke nyɛminyumu kɛ nyɛmiyo ɔ nɛ. (Filemon 1, 2) Jehanɛ se hu ɔ, wa buɔ Baiblo ɔ fami nɛ tsɔɔ kaa waa ‘suɔ nyɛmimɛ ɔmɛ tsuo’ ɔ tue. (1 Petro 2:17) Yehowa Odasefohi jeɔ suɔmi nɛ ɔ kpo ngɛ blɔ slɔɔtohi a nɔ. Blɔ kake nɛ wa guɔ nɔ kɛ peeɔ jã ji kaa wa yeɔ bua wa nyɛmimɛ nɛ a ngɛ je kɛ wɛ ɔ ngɛ a fimi behi a mi.
MOO KASE BABAUU
Moo kase Yehowa Odasefohi a yi nɔ sane he ní fuu, nɛ́ o na nɔ́ he je nɛ wa ngɛ nɔ mi mami kaa wa ji anɔkuale Kristofohi ɔ.
Anɔkuale Kristofohi ngɔɔ a hemi kɛ yemi kɛ daa Baiblo ɔ nɔ, nɛ a tsɔɔ ni kpahi anɔkualehi nɛ a kaseɔ ngɛ Baiblo ɔ mi ɔ
4. Waa kɛ wa hemi kɛ yemi daa Baiblo ɔ nɔ
Yehowa gba kɛ fɔ si kaa nihi ma ba le anɔkualehi nɛ ngɛ Baiblo ɔ mi ɔ. Nyɛɛ kane 2 Korinto Bi 4:6, nɛ nyɛ susu sane bimi nɛ ɔ he:
-
Mɛni la nɛ Mawu de ke e ma kpɛ ha e we bi ke a ngɛ Baiblo ɔ kasee?
Moo hyɛ blɔ nɔ nɛ Baiblo kaseli a kuu ko nɛ a tsɛɛ a kpɛti nɔ kake ke Charles Russell ɔ gu kɛ kase Mawu Munyu ɔ. Mo je VIDEO ɔ, nɛ nyɛ susu sane bimi nɛ ɔ he.
-
Ngɛ video ɔ mi ɔ, mɛni blɔ nɔ nɛ Charles Russell kɛ nihi nɛ a piɛɛ e he ɔ gu kɛ kase Baiblo ɔ?
Anɛ o le lo?
Be komɛ ɔ, wa tsakeɔ bɔ nɛ wa nu Baiblo ɔ tsɔɔmi komɛ a sisi ha a. Mɛni he je? Kaa nɔ hyɛmi nɔ́ ɔ, kaa bɔ nɛ ke pu ngɛ jee nɛ́ e haa nɛ wa naa bɔ nɛ zugba a ngɛ ha saminya a, jã nɔuu kɛ̃ nɛ Mawu haa nɛ e we bi nuɔ e Munyu ɔ sisi bɔɔbɔɔbɔɔ. (Kane Abɛ 4:18.) E ngɛ mi kaa Baiblo ɔ tsakee we mohu lɛɛ, se wa tsakeɔ bɔ nɛ wa nu ní komɛ a sisi ha a konɛ e kɛ nɔ́ nɛ Baiblo ɔ tsɔɔ nɛ kɔ.
5. Wa tsuɔ wa biɛ ɔ nya ní
Mɛni he je nɛ wa ngɔ biɛ nɛ ji Yehowa Odasefohi ɔ kɛ fɔ wa nɔ ɔ? Mo je VIDEO ɔ, nɛ nyɛ susu sane bimi nɛ ɔ he.
-
Mɛni he je nɛ biɛ nɛ ji Yehowa Odasefohi nɛ a kɛ tsɛɔ wɔ ɔ sa a?
Mɛni he je nɛ Yehowa hla ni komɛ kaa e we odasefohi ɔ? Akɛnɛ a tu lakpa munyuhi fuu kɛ gbe Mawu he guɛ he je ɔ, e we Odasefo ɔmɛ ma ha nɛ ni kpahi maa le kaa e ji anɔkuale Mawu. Ha nɛ wa susu lakpa munyu nɛ ɔmɛ a kpɛti enyɔ he nɛ waa hyɛ.
Jami komɛ tsɔɔ a jami mi bi ɔmɛ kaa Mawu suɔ nɛ waa ngɔ amagahi kɛ tsu ní ngɛ wa jami mi. Anɛ tsɔɔmi nɛ ɔ ji anɔkuale lo? Nyɛɛ kane 3 Mose 26:1 ɔ, nɛ nyɛ susu sane bimi nɛ ɔ he:
-
Ngɛ ngmami nɛ ɔ nya a, kɛ Yehowa naa amagahi kɛɛ?
Jami hɛ mi nyɛɛli komɛ tsɔɔ a jami mi bi ɔmɛ kaa Yesu nɔuu kɛ̃ ji Mawu. Anɛ tsɔɔmi nɛ ɔ ji anɔkuale lo? Nyɛɛ kane Yohane 20:17 ɔ, nɛ nyɛ susu sane bimihi nɛ nyɛɛ se nɛ ɔmɛ a he:
-
Ngɛ ngmami nɛ ɔ nya a, anɛ Yesu nɔuu kɛ̃ ji Mawu lo?
-
Kɛ tsɔmi nɛ Yehowa tsɔ e we Odasefo ɔmɛ kaa a ya fiɛɛ anɔkualehi nɛ kɔɔ e kɛ e Bi ɔ a he ɔ haa nɛ o nuɔ he ha kɛɛ?
6. Wa suɔ wa sibi
Baiblo ɔ ngɔ Kristofohi kɛ to nɔmlɔ tso ɔ he ní slɔɔto ɔmɛ a he. Nyɛɛ kane 1 Korinto Bi 12:25, 26, nɛ nyɛ susu sane bimihi nɛ nyɛɛ se nɛ ɔmɛ a he:
-
Mɛni e sa nɛ anɔkuale Kristofohi nɛ a pee ke a nyɛmimɛ Kristofohi ngɛ nɔ́ nae?
-
Kɛ o naa suɔmi nɛ ngɛ Yehowa Odasefohi a kpɛti ɔ ha kɛɛ?
Ke Yehowa Odasefohi nɛ a ngɛ ma ko mi ɔ ngɛ nɔ́ nae ɔ, a nyɛmimɛ Yehowa Odasefohi nɛ a ngɛ je kɛ wɛ ɔ yeɔ bua mɛ amlɔ nɔuu. Ke o suɔ nɛ o na enɛ ɔ he nɔ hyɛmi nɔ́ ɔ, mo je VIDEO ɔ, nɛ nyɛ susu sane bimi nɛ ɔ he.
-
Kɛ yemi kɛ buami nɛ Yehowa Odasefo ɔmɛ kɛ ya ha a maa nɔ mi kaa a ngɛ suɔmi ha kɛɛ?
Anɔkuale Kristofohi jeɔ suɔmi kpo kɛ tsɔɔ nihi nɛ a hia yemi kɛ buami ɔ
NI KOMƐ DEƆ KE: “Lingmi nɛ ɔ pɛ nɛ Yehowa Odasefohi a jami ɔ ba.”
-
Kɛ je mɛni be nɛ Yehowa bɔni e sɔmɔli tsɛmi ke e we odasefohi?
NYA MWƆMI
Yehowa Odasefohi ji anɔkuale Kristofohi. Wa ji weku kake ngɛ je kɛ wɛ, waa kɛ wa hemi kɛ yemi daa Baiblo ɔ nɔ, nɛ wa tsɔɔ nihi Yehowa he anɔkualehi nɛ ngɛ Baiblo ɔ mi ɔ.
Mi Nylɔmi
-
Mɛni he je nɛ wa tsɛɛɔ wa he ke Yehowa Odasefohi ɔ?
-
Kɛ Yehowa Odasefohi kɛ a sibi hiɔ si ha kɛɛ?
-
Anɛ o susu kaa Yehowa Odasefohi ji anɔkuale Kristofohi lo?
NÍ KPAHI NƐ MAA YE BUA MO
Moo kase wa yi nɔ sane he ní fuu.
Yehowa Odasefohi Ngɛ Hemi Kɛ Yemi Nitsɛnitsɛ—Fã 1: A Je Diblii Mi (1:00:53)
Moo hyɛ blɔ nɔ nɛ Yehowa Odasefohi gu kɛ kpa lakpa tsɔɔmi komɛ a he bo.
O ma nyɛ ma ná sanehi nɛ o ngɛ ngɛ Yehowa Odasefo ɔmɛ a he ɔ heto.
“Sanehi Nɛ Nihi Pɔɔ Bimi Kɛ Kɔ Yehowa Odasefohi A He” (E ngɛ wa wɛbsaiti ɔ nɔ)
Be ko nɛ be ɔ, Stephen ná ninyɛ nɛ mi wa kɛ ha nihi nɛ a je ma kpahi a nɔ ɔ, enɛ ɔ he ɔ, e kɛ mɛ pɔɔ kunɔ nɔmi. Moo hyɛ nɔ́ nɛ e na ngɛ Yehowa Odasefohi a he nɛ́ lɔ ɔ ha nɛ e pee tsakemi ngɛ e si himi mi ɔ.
a Kɛ je jeha 1879 ɔ mi ɔ, Yehowa Odasefohi gu Hwɔɔmi Mɔ ɔ nɔ kɛ bɔni nihi anɔkualehi nɛ ngɛ Baiblo ɔ mi ɔ tsɔɔmi.
Eko ɔ, O Bua Maa Jɔ Enɛ ɔ Hu He
SANEHI NƐ NIHI PƆƆ BIMI
Mɛni Blɔ Nya Yehowa Odasefohi To Nɛ́ Nihi Kɛ Kaseɔ Baiblo ɔ?
Yehowa Odasefohi kɛ nihi kaseɔ Baiblo ɔ nɛ a he we nɔ́ ko. Ke a kɛ mo ngɛ Baiblo ɔ kasee ɔ, o ma nyɛ maa ngɔ Baiblo sisi tsɔɔmi fɛɛ ko kɛ tsu ní. O ma nyɛ maa fɔ o weku ɔ, aloo o huɛmɛ nine nɛ a ba piɛɛ o he kɛ kase ní ɔ.
