INU NKWEEN̄ 19
Ebi Ata-Ikọ Jiọba Ire Ata Ebi Eyi Karais Ni?
Kubọk Ebi Ata-Ikọ Jioba, eji michieek ibe ke eji ire ata ebi eyi Karais. Bak me lek keke ni? Kpọ-nu ere eji eyakabe nchieek kiji ibieen̄, erieen̄ eyi osusun̄ eji esese mè ima eji ekaan̄be me lek ge ge.
1. Keke ke Ebi Ata-Ikọ Jioba eyaka nchieek kiban̄ ibieen̄ me lek?
Jisọs ibe: “Ikọ kwun̄ [Awaji] ìre atikọ.” (Jọn 17:17) Kubọk Jisọs, Ebi Ata-Ikọ Jioba ekiyaka nchieek kiban̄ ibieen̄ me lek Usem Awaji. Kpọ-nu mfufuk kiji me chereyi. Me mkpọ obet lek acha 1870, urum ebi ikikween̄ Baibul ge mibene ikisa me ugbalachieen̄ iwọlọ Baibul. Ema miyaka nchieek kiban̄ ibieen̄ me lek Baibul, ikerere me mgbọ nchieek kiban̄ ojebe ntikwo me lek ijejeen̄ ebi church. Ike mgbọ okije, ema ebebene ikikpa atikọ Baibul inyi ebi ofifi ife. a
2. Keke orọ eji ekigwen lek kiji Ebi Ata-Ikọ Jioba?
Jioba ikigwen ebi usun̄ kan̄ ebi ata-ikọ kan̄ bak me lek ema ekikpa atikọ ofolek kan̄. (Ebi Iburu 11:4–12:1) Kubọk inu njeen̄, me ukot ikaan̄, Awaji itumu inyi ebi eyi kan̄ ibe: “Enyi ere ebi ata-ikọ n̄a.” (Fuk Asaya 43:10.) Migwen Jisọs si “ogwu Ata-Ikọ Ògbegbe Utoon̄-Ejit.” (Ichichili 1:5) Eya orọ eji egobobe erieen̄ yi Ebi Ata-Ikọ Jioba me acha 1931. Ichechieek erieen̄ yi ire mkpọ umin isa inyi eji.
3. Ike owa ke Ebi Ata-Ikọ Jioba ekisa ijeen̄ ima kubọk Jisọs?
Jisọs ima ebi udun̄ kan̄ enenen ire lek imọnọbe ema kubọk ebi ototun̄ ukan̄ kan̄. (Fuk Mak 3:35.) Ikeya ya si, Ebi Ata-Ikọ Jioba me otutuuk linyọn̄ yi ekukup me obọp ge, kubọk ototun̄ ukan̄ ge. Ọmọ orọ eji ekigwen ge ge gwun̄ ute. (Filimọn 1, 2) Eji ekiluk igọọk ikan obe: “Ìkimun̄ otutuuk bọn Nte me chieen̄.” (Pita Eyi Adasi 2:17) Ebi Ata-Ikọ Jioba ekijeen̄ ima yi me owuwa oniin̄, kubọk itatap ubọk inyi bọn nte kiban̄ me otutuuk linyọn̄ me mgbọ ufiak.
KWEEN̄ GBAALEK
Kween̄ mfufuk Ebi Ata-Ikọ Jioba gbaalek mè mun̄ mkpọ okijeen̄ si ibe ke eji ire ata ebi eyi Karais.
Ata ebi eyi Karais ekiyaka nchieek kiban̄ ibieen̄ me lek Baibul mè ikikpa inyi ebi ofifi ife
4. Eji ekiyaka nchieek kiji ibieen̄ me lek Baibul
Jioba iwuuk lek itumu ibe ke atikọ Baibul mokisibi utoon̄. Fuk Danien 12:4, mè igbaan̄ ikpa idodo yi:
-
Keke ‘obokiwa’ me etete ebi eyi Awaji ike ema ekupbe inye ikikween̄ Baibul?
Kpọ ike urum ebi ikikween̄ Baibul esabe ikween̄ Usem Awaji, ge me lek kiban̄ ire Charles Russell. Fit FIDIO yi, mè igbaan̄ ikpa idodo ogọgọọk.
-
Me emen fidio yi, ike owa ke Charles Russell mè ebi melek kan̄ esa ikween̄ Baibul?
Ire oriọọn̄ ni?
Usini mgbọ, eji mikirọ unwene me lek nchieek kiji. Bak me lek keke ni? Ike ura okitoon̄ ere sọnja sọnja, ikeya si ke Awaji okirọ inyi eji ekegobo Usem kan̄ etet sọnja sọnja. (Fuk Urọk 4:18.) Eya orọ, ikerere ibe ke Baibul ikakinwene, eji mikinwene ijejeen̄ kiji ike eji ekigobo Baibul itet ijaan̄.
5. Eji ekiluk igọọk erieen̄ kiji
Keke orọ eji ebene ikichieek Ebi Ata-Ikọ Jioba? Fit FIDIO yi, mè igbaan̄ ikpa idodo ogọgọọk.
-
Keke orọ erieen̄ yi Ebi Ata-Ikọ Jioba ochubọk igbe eji?
Keke orọ Jioba ogobobe ebi ene ibe ere ebi ata-ikọ kan̄? Bak me lek ema ekijeen̄ atikọ ofolek Jioba, eyi irebe ibe ke mikan̄ owuwa ataak ikeme ọmọ. Kpọ-nu iba me lek ataak cha.
Me usini uwu uriaak, ekijeen̄ ibe ke Awaji iweek ibe ekesa inu ekọkọ etọbọ ebum enyi ọmọ. Ire, fuk Libitikọs 26:1, mè igbaan̄ ikpa idodo chi:
-
Kpasi atikọ okup me ere Baibul yi? Jioba ikimumun̄ mkpọ ekọkọ?
Usini ebi ibot uwu uriaak ekijeen̄ ibe ke Jisọs ire Awaji. Ire, fuk Jọn 20:17, mè igbaan̄ ikpa idodo chi:
-
Kpasi atikọ okup me ere Baibul yi? Awaji mè Jisọs ire ene yaage ni?
-
Ike owa ke ikup me lek kwun̄ irọriọọn̄ ibe ke Jioba iria ebi Ata-Ikọ kan̄ ibe ekekpa atikọ ofolek kan̄ mè Gwun̄ kan̄?
6. Eji mima ge ge
Baibul isa ntitiin̄ ebi eyi Karais itọt me lek akpalek ebilene. Fuk Ebi Kọrint Eyi Adasi 12:25, 26, mè igbaan̄ ikpa idodo chi:
-
Keke ke ata ebi eyi Karais eberọ ire ebi Karais ogbo kiban̄ ekibọkọ ukwook?
-
Keke ke omun̄ ofolek ima okup me etete Ebi Ata-Ikọ Jioba?
Mgbọ geelek Ebi Ata-Ikọ Jioba me agan̄ ge me linyọn̄ yi ekibọkọ ukwook, ebi bọn ute kiban̄ me otutuuk linyọn̄ ekigwagwat lek itap ubọk inyi ema. Inyi omun̄ inu njeen̄ ge, fit FIDIO yi. Mè igbaan̄ ikpa idodo ogọgọọk.
-
Ike owa ke ikwaan̄ ntap-ubọk ebi Ata-Ikọ Jioba okisa ijeen̄ ima?
Ata ebi eyi Karais ekijeen̄ ima me lek ebi ikup me una
USINI ENE EKIBE: “Ebi Ata-Ikọ Jioba ire uwu uriaak osibi ayaya.”
-
Karake mgbọ owa ke Jioba obene ikigwen ebi usun̄ kan̄ ebi ata-ikọ kan̄?
ME MGBIDIM
Ebi Ata-Ikọ Jioba ire ata ebi eyi Karais. Eji ire ototun̄ ukan̄ ge me otutuuk linyọn̄, ebi iyayaka nchieek kiban̄ ibieen̄ me lek Baibul mè ikijeen̄ atikọ ofolek Jioba.
Idodo
-
Keke orọ eji ekichieek Ebi Ata-Ikọ Jioba?
-
Ike owa ke eji ekirọ eru me lek ge ge?
-
Me nkeek kwun̄, Ebi Ata-Ikọ Jioba ire ata ebi eyi Karais ni?
WEEK
Kween̄ gbaalek mfufuk ofolek kiji.
Jehovah’s Witnesses —Faith in Action, Part 1: Out of Darkness (1:01:27)
Kpọ inu njeen̄ ge ofolek ubọk Ebi Ata-Ikọ Jioba esabe ikpọk mbum ijejeen̄ ataak.
Kaan̄ ufọọk-otu sa nyi idodo okaan̄be ofolek Ebi Ata-Ikọ Jioba.
“Frequently Asked Questions About Jehovah’s Witnesses” (web page)
Stephen ire ogwu owuwuuk lek ikirọ ebi ene nnaan̄ bak me lek ichabe ema. Kween̄ riọọn̄ inu imun̄be me etete Ebi Ata-Ikọ Jioba obebieen̄ ọmọ ibe inwene.
“My Life Was Going From Bad to Worse” (The Watchtower, July 1, 2015)
a Karake 1879, ebi eyi Jioba mikisan̄a okpan okpan ikpa okikpa atikọ Baibul orere, Watchtower isibi.
