QUIMELTUN 19
Pu Dunguquelu Ineingen Jehová, ¿rüfngechi cristiano am chi?
Iñchiñ pu Dunguquelu Ineingen Jehová maneluucüleiñ taiñ rüf cristianongen, ¿chumngelu (chemu)? Feula inaduamaiñ cheu entuqueiñ taiñ feyentuqueel, chumngelu Dunguquelu Ineingen Jehová feipingequeiñ ca chem chumqueiñ taiñ hueluconque piuqueyehual.
1. Ñi feyentuqueel pu Dunguquelu Ineingen Jehová, ¿cheu tuhui?
Jesús feipifi tañi Chau: “Tami dungun, fei tati rüfngelu” (Juan 17:17). Pu Dunguquelu Ineingen Jehová inaniequefiyiñ ta Jesús, feimu com taiñ feyentuqueel tripaquei Biblia meu. Cuifi meu, pu Chillcatuquelu Biblia pingerquefuiñ. Feichi 1870 tripantu püle, quiñeque che eluhuingün ñi cüme ngüneduamafiel Biblia ñi rüf quimeltuqueel. Fei ngüneduamingün Biblia tañi feipin trürngequelafui pu iglesia ñi quimeltuqueel meu. Fei hula, eluhuingün tañi quimeltulelafiel tati pu che chem ñi quimürpuel engün. a
2. ¿Chumngelu Dunguquelu Ineingen Jehová pingequeiñ?
Jehová feipi tañi pu püramyequeteu dunguquei tati rüf dungu quisu meu (Hebreos 11:4–12:1). Cuifi meu, Chau Ngünechen feipifi tañi pu che: “Eimün tati pu dunguquelu iñche ta ineingen” (papeltuaimi Isaías 43:10). Ca femngechi Biblia meu feipingequei ta Jesús “tati Manelfal Huldunguquelu” (Apocalipsis 1:5). Feimu 1931 tripantu meu, eluhuiyiñ taiñ feipingeal pu Dunguquelu Ineingen Jehová. Müna ayühulqueiñmu taiñ femngechi feipingeal.
3. ¿Chumngechi inayentuquefiyiñ Jesús ñi piuqueyechequen?
Jesús rume piuqueyerpufi tañi pu inaniequeteu, feimu tañi familia reque troquiquefeyu (papeltuaimi Marcos 3:35). Iñchiñ ca femngechi quiñeucüleiñ, quiñe fütra familia reque feleiñ huall Mapu meu. Feimu llemai “peñi” ca “lamngen” piuqueiñ (Filemón 1, 2). Cafei Biblia feipi: “Piuqueyeafimün com pu peñi ca pu lamngen” (1 Pedro 2:17). Iñchiñ caque rume dungu femqueiñ taiñ piuqueyeafiel taiñ pu peñi ca pu lamngen. Feimu quiñeque engün rupale huesaque dungu meu, iñchiñ eluucüleaiñ taiñ quelluafiel.
DOI QUIMAIMI
Doi quimürpunge pu Dunguquelu Ineingen Jehová tañi rupan ca ngüneduamnge quiñeque dungu pengelquelu tañi rüf cristianongen.
Pu rüfngechi cristiano inaniequeingün Biblia ñi quimeltuqueel ca quimeltulelquefingün ta caquelu che.
4. Inaniequeiñ Biblia ñi quimeltun
Jehová feipicünui Biblia tañi quimeltuqueel doi quimngerpuafui. Papeltuaiñ Daniel 12:4, ca ngüneduamaiñ tüfachi ramtun:
-
Jehová tañi pu che amulele tañi chillcatuniefiel Biblia, ¿chem dungu doi alün-ngerpuafui?
Peaiñ chumngechi quiñe troquiñche estudiamequei Biblia, fei tüfachi troquiñche meu mülei taiñ peñi Charles Russell. Peaiñ ti VIDEO, ca ngüneduamaiñ tüfachi ramtun.
-
Charles Russell ca tañi pu hueni, ¿chem femingün ñi chillcatuafiel Biblia?
¡Tüfei!
Quiñeque mu, doi cüme elcünutuiñ taiñ raquiduamquefel Biblia meu, ¿chumngelu? Hunlu pulihuen meu, ñochiquechi ti antü huilüfquei ti mapu. Ca femngechi Jehová ñochiquechi quelluqueiñmu taiñ doi cüme adümafiel Biblia (papeltuaiñ Proverbios 4:18). Biblia tañi feipin cambiaquelai, huelu quiñeque mu duamfalngefui taiñ cüme elcünutual chem taiñ adümfiel Biblia meu.
5. Iñchiñ dunguqueiñ Jehová mu
¿Chumngelu eluhuiyiñ taiñ Dunguquelu Ineingen Jehová pingeal? Peaiñ ti VIDEO, ca ngüneduamaiñ tüfachi ramtun.
-
¿Chumngelu cümei taiñ feipingeal pu Dunguquelu Ineingen Jehová?
¿Chumngelu Jehová ayüquei ñi dungungeal quisu mu? Fillque coilaque dungu feipingequei Ngünechen meu, feimu iñchiñ eluucüleiñ ñi dungual ti rüf dungu. Ngüneduamaiñ quiñeque coilaque dungu ñi feipingequeel Ngünechen meu.
Quiñeque religion quimeltuquei mülei ñi poyengeal ta Ngünechen adentun meu, ¿felepei mai tüfa? Papeltuaiñ Levítico 26:1, ca ngüneduamaiñ tüfachi ramtun:
-
¿Chem quimeltuquei tüfachi troquiñ Biblia? Ca ¿chum duamnagquei Jehová poyengen mu adentun meu?
Quiñeque loncolechi religioso quimeltuquei Jesús ta Ngünechen-ngei, huelu ¿felepei mai tüfa? Papeltuaiñ Juan 20:17, ca ngüneduamaiñ tüfachi epu ramtun:
-
¿Chem quimeltuquei tüfachi troquiñ Biblia? Jesús, ¿Ngünechen-ngepei mai?
-
Jehová ñi pin mu mülei fentren che dungumequelu ti rüf dungu quisu meu ca Jesús mu, ¿chem raquiduamqueimi tüfachi dungu meu?
6. Hueluconque piuqueyeuqueiñ
Taiñ cuerpo fill troi niei ca com quiñeucülei, fei Biblia feipi pu cristiano ca femngechi mülei ñi quiñeucüleal. Papeltuaiñ 1 Corintios 12:25, 26, ca ngüneduamaiñ tüfachi epu ramtun:
-
Huesaque dungu rupale quiñe cristiano, ¿chem mülei ñi femal tañi chaf cristiano?
-
Tami pefiel mu, pu Dunguquelu Ineingen Jehová, ¿chumngechi pengeluuquei tañi hueluconque piuqueyeuquen?
Rupaquen mu huesaque dungu mu pu Dunguquelu Ineingen Jehová, tañi pu peñi ca pu lamngen pürüm eluuqueingün tañi quelluafiel. Fei, ¿chumngechi quelluquefingün tañi pu peñi ca pu lamngen? Peaiñ ti VIDEO, ca ngüneduamaiñ tüfachi ramtun.
-
¿Feipiafuimi pu Dunguquelu Ineingen Jehová ñi pengeluuquen piuqueyehun?
Pu rüfngechi cristiano pengeli ñi piuqueyefiel feichi pu che duamnielu ñi quellungeal.
QUIÑEQUE CHE FEIPIAFEIMU: “Pu Dunguquelu Ineingen Jehová quiñe hue religion tati”.
-
Jehová, ¿feula müten feipifi tañi pu che ñi dungual quisu meu?
TAMI QUIMEL
Iñchiñ pu Dunguquelu Ineingen Jehová rüfngechi cristianongeiñ. Com huall Mapu meu quiñeucüleiñ taiñ poyeafiel ta Jehová, inaqueiñ Biblia tañi quimeltun ca quimeltuqueiñ tati rüf dungu Jehová meu cüpalu.
¿Chem piafuimi?
-
¿Chumngelu eluhuiyiñ taiñ feipingeal pu Dunguquelu Ineingen Jehová?
-
¿Chumngechi hueluconque piuqueyeuqueiñ?
-
Pu Dunguquelu Ineingen Jehová, ¿rüfngechi cristianongepeingün mai? ¿Chem pimi cai?
CA PEAFUIMI
Doi quimürpunge pu Dunguquelu Ineingen Jehová ñi rupan meu.
Pu Dunguquelu Ineingen Jehová: femquei tañi feyentuqueel. Troquiñ 1: Tripaingün dumiñ mu (1:01:27)
Ngüneduamnge chumngechi pu Dunguquelu Ineingen Jehová pengelingün ñi coilangen chem ñi quimeltuqueel ti iglesia.
Quimürpunge fillque dungu pu Dunguquelu Ineingen Jehová meu.
“Doi rupa ñi ramtungequeel pu Dunguquelu Ineingen Jehová mu” (Troquiñ internet mu)
Stephen fente ñi üdefiel tati pu che ca tuhun nielu, fillque huesaque dungu femi. Pefinge chem quellueyu ñi cüme elcünutual tañi mongen.
“Tañi mongen doi huesa amulefui” (Ti Huerquen 1 julio, 2015)
a 1879 tripantu ta fantepu meu, entuqueiñ Ti Huerquen pingechi chillca ñi quimeltucheal Biblia ñi feipin.
Eimi ca ayüafuimi
DOI RUPA ÑI RAMTUNGEQUEEL
¿Chem am tati chillcatun Biblia?
Tami chillcatual pu testigo engün püneafuimi chem Biblia rume. Cafei mangelafuimi tami pu familia ca hueni tamün quiñentrür chillcatual Biblia.
