LESEN 19
Chón Pwáraatá Jiowa Iir Chón Kraist mi Enlet?
Ám Chón Pwáraatá Jiowa, aua lúkú pwe ám Chón Kraist mi enlet. Pwata aua lúkú? Sipwe ppii met ám lúkú a lóngólóng wóón, ewe it mi asókkakemiló, me ewe tong aua pwárfengeni lefilem.
1. Met Chón Pwáraatá Jiowa ra alónga ar lúkú wóón?
Jesus a erá: “[Án Kot] kapas a let.” (Johannes 17:17) Chón Pwáraatá Jiowa ra usun Jesus le alónga ar lúkú wóón án Kot Kapas. Áwewe chék, ekieki usun uruwoon Chón Pwáraatá Jiowa, chókkewe mi iten Chón Káé Paipel me lóóm. Lón ewe ier 1870, ekkena Chón Káé Paipel ra poputá le etittinafichi ewe Paipel. Ra alónga ar lúkú wóón met ewe Paipel a apasa inaamwo ika ar lúkú a sókko seni lúkúen ekkewe lamalam. Mwirin, ra poputá le afalafala ngeni aramas minne ra káé. a
2. Pwata aua iteni Chón Pwáraatá Jiowa?
Jiowa a eita ngeni chókkewe mi fel ngeni, néún chón pwáraatá pokiten ra esile ngeni ekkewe ekkóch ewe enlet usun i. (Ipru 11:4–12:1) Áwewe chék, lón fansoun lóóm, Kot a ereni néún kewe aramas: “Ämi nei chon pwärätä.” (Álleani Aisea 43:10.) Jesus a iteni “ewe chon pwärätä mi allükülük.” (Pwärätä 1:5) Ina popun, lón ewe 1931 aua poputá le iteni ewe it Chón Pwáraatá Jiowa. Aua fókkun pwapwa ren ám iteni ena it.
3. Ifa usun Chón Pwáraatá Jiowa ra áppirú án Jesus tong?
Jesus a fókkun tongei néún kewe chón káé, usun itá nge iir chón an famili. (Álleani Markus 3:35.) Pwal ina usun ren Chón Pwáraatá Jiowa, ra usun chék eú famili wóón unusen fénúfan mi tipeeúfengen. Ina pwata, aua néúnéú ekkeei kapas lón ám kérfengennikem, pwiim, fefinem, are mongeem. (Filimon 1, 2) Aua pwal álleasochisi ei allúk mi erá: “Oupwe echeni chienemi kewe souläng.” (1 Petrus 2:17) Ám Chón Pwáraatá Jiowa aua pwári ena esin chen are tong lón chómmóng napanap, áwewe chék aua álisi chienem kewe wóón unusen fénúfan atun ra nóm lón osupwang.
KÚTTAFICHI
Káé uruwoon Chón Pwáraatá Jiowa, me ppii pwal ekkóch pisekin ánnet mi affata pwe ám Chón Kraist mi enlet.
Chón Kraist mi enlet ra alónga ar lúkú wóón ewe Paipel me ra afalafala ngeni aramas minne ra lúkú
4. Minne aua lúkú a lóngólóng wóón ewe Paipel
Jiowa a oesini pwe epwe lallapóló ach weweiti ewe Paipel. Álleani Taniel 12:4, me mwirin pwóróusfengen wóón ei kapas eis:
-
Met ena “epwe lapala” lein néún Kot kewe aramas atun ra sópweló le ekketittina ewe Paipel?
Katol ifa usun eú kúmiin chón káé Paipel, kapachelong Charles Russell, ra káé án Kot we Kapas. Fichi ei VIDEO, me mwirin pwóróusfengen wóón ei kapas eis.
-
Lón ewe video, ifa usun Charles Russell me chienan kewe Chón Káé Paipel, ra káé ewe Paipel?
En mi silei?
Fán ekkóch, a kan siwil ekkóch mettóch aua lúkú. Pwata? Áwewe chék ren tétáán en akkar, ekis me ekis a kan sasaramoló me sia tongeni kúnaéchú ululun eú fénú. Iwe a pwal ina usun ren Kot, ekis me ekis a alapaaló ach weweiti an we Kapas. (Álleani Än Salomon Fos 4:18.) Esap weween pwe a sissiwil masouen ewe Paipel, nge atun a lapóló ám weweiti, iwe ina atun aua siwili minne aua asukula ngeni aramas.
5. Aua afalafala ewe enlet usun Jiowa
Pwata aua filatá ewe it Chón Pwáraatá Jiowa? Fichi ei VIDEO, me mwirin pwóróusfengen wóón ei kapas eis.
-
Pwata a fich ám iteni Chón Pwáraatá Jiowa?
Pwata Jiowa a filatá aramas ar repwe néún chón pwáraatá? Pún a chómmóng pwóróus mi chofona usun Jiowa, ewe Kot mi enlet, iwe iir repwe wisen esilefeili ewe enlet usun i. Ikkeei ruu me lein ekkena pwóróus mi chofona.
Ekkóch lamalam ra áiti ngeni aramas pwe Kot a mochen ar repwe néúnéú lios are ululun lón ar fel ngeni. Mi pwúng ena? Álleani Lifitikos 26:1, me mwirin pwóróusfengen wóón ei kapas eis:
-
Me ren ena wokisin, met meefien Kot ren ach néúnéú ululun are lios lón ach fel?
Ekkóch néúwisin lamalam ra áiti ngeni aramas pwe Jesus, i Kot. Mi pwúng ena? Álleani Johannes 20:17, me mwirin pwóróusfengen wóón ekkeei kapas eis:
-
Me ren ena wokisin, Jesus, i Kot?
-
Met meefiom ren óm silei pwe Jiowa a tiinaaló néún kewe Chón Pwáraatá ar repwe afalafala ewe enlet usun i me Néún we?
6. Aua tongfengen
Ewe Paipel a aléllééi Chón Kraist ngeni kifetin inis. Álleani 1 Korint 12:25, 26, me mwirin pwóróusfengen wóón ekkeei kapas eis:
-
Met a lamot Chón Kraist repwe féri atun chiener kewe ra nóm lón weires?
-
Ifa usun ka kúna án Chón Pwáraatá Jiowa tongefengeniir?
Atun Chón Pwáraatá Jiowa wóón eú fénú ra nóm lón riáfféú, chiener kewe Chón Pwáraatá Jiowa wóón unusen fénúfan ra achocho le mwittir álisiir. Ren óm kopwe kúna eú pwóróus, fichi ei VIDEO. Mwirin pwóróusfengen wóón ei kapas eis.
-
Ifa usun Chón Pwáraatá Jiowa ra álillisfengen mwirin ei taifun?
Chón Kraist mi enlet ra pwári ar tongei chókkewe mi lamot ngeniir álillis
EKKÓCH RA ERÁ: “Chón Pwáraatá Jiowa ina chék eú mineféén lamalam.”
-
Seni ineet Jiowa a eita ngeni ekkewe chón fel ngeni, néún chón pwáraatá?
MENLAPAN
Ám Chón Pwáraatá Jiowa, ám Chón Kraist mi enlet. Ám eú famili wóón unusen fénúfan mi fel ngeni Jiowa, alónga ám lúkú wóón ewe Paipel, me pwáraaló ewe enlet usun i.
Enniwili
-
Pwata aua iteni Chón Pwáraatá Jiowa?
-
Ifa usun féfférúm lefilem?
-
Óm lúkú nge Chón Pwáraatá Jiowa, iir Chón Kraist mi enlet?
PWAL EKKÓCH PWÓRÓUS
Káé uruwoon Chón Pwáraatá Jiowa.
Jehovah’s Witnesses—Faith in Action, Part 1: Out of Darkness (1:00:53)
Ppii eú pwóróus ren ifa usun Chón Pwáraatá Jiowa ra pwáraaló mwáállin ekkewe afalafal chofona.
Ppii pélúwen óm kewe kapas eis eli ka eáni usun Chón Pwáraatá Jiowa.
“Frequently Asked Questions About Jehovah’s Witnesses” (web page)
Stephen a fiti eú kúmien chón oputa aramas. Ppii met a kúna lein Chón Pwáraatá Jiowa mi álisi le siwili manawan.
“My Life Was Going From Bad to Worse” (The Watchtower, July 1, 2015)
a Seni ewe ier 1879, Chón Pwáraatá Jiowa ra peresei ewe puk itan, The Watchtower, mi áweweei met ewe Paipel a apasa.
