Beelé Gbò Neǹ Ditõ̀ò Jìhóvà zigà kọọ̀ è dúù kà kà gbò nyòòne nvéè Kráìst. Ló éé? Bugi togó boo gbò nú e zigà ló, bée ea túi naamá kele, nè bé e vulè ene naa.

1. Éé ní e nú e Gbò Neǹ Ditõ̀ò Jìhóvà ziga ló dẹ̀ẹ̀a boo é?

Jíízọ̀s beè kọọ̀: “Mon bel [Bàrì] ní ea dú kà kà bel é.” (Jọ́ọ̀n 17:17) Dì belí Jíízọ̀s, nú e Gbò Neǹ Ditõ̀ò Jìhóvà ziga ló vaá noomà ólò dẹ̀ẹ̀a boo Kpá Káí. Dì belí nu dòòmà bá, bugi nòòtẽ́ ea kil ló Gbò Neǹ Ditõ̀ò Jìhóvà tṍó e ba beè zẹ́ẹ́ kọ̀là Gbò Nvín Nò Kpá Káí. Mm̀ gbò gbáá 1870, Gbò Nvín Nò Kpá Káí beè tú ọ̀ẹ̀ dẽe noomá Kpá Káí, kọbé bà nyímá gbò nú ea nóòmà. Ba beè ziga ló gbò nú ea di mm̀ Kpá Káí, bã̀àna tṍó e bà mon kọọ̀ à dú kele ló nú e gbò tọ Bàrì ólò noòmà. Tṍóá, ba beè gbóó dààmà togó gè tú gbò nú e bà nó lọl mm̀ Kpá Káí noòmà gbò nen. a

2. Éé ní ea náa vaá è kọ̀là Gbò Neǹ Ditõ̀ò Jìhóvà ẹ?

Jìhóvà kólí gbò e bà gé fã́e pá a gbò neǹ ditõ̀ò, boo béè kọọ̀ bà gé nóòmà gbò kà kà bel ea kilíé ló. (Híbrù 11:4–12:1) Dì belí nu dòòmà bá, Bàrì beè kọ́ nè pá a gbò deè kéléá kọọ̀: “Booloò pá ńdáà neǹ ditõ̀ò.” (Bugi Àìzáíà 43:10.) Kpá Káí kólí Jíízọ̀s “nen ditõ̀ò ea bọ́ló dẹ̀lẹ̀ nyíe boo.” (Kùùà Nù 1:5) Vóá naa, e beè gbóó kọ̀là Gbò Neǹ Ditõ̀ò Jìhóvà mm̀ gbáá 1931. Nyíéi palàge ẹẹ ló gè kọ̀là béeí.

3. Mósĩ́ deè ní e Gbò Neǹ Ditõ̀ò Jìhóvà nó Jíízọ̀s mm̀ ge vulè gbò nen ẽ́?

Jíízọ̀s beè palàge vulè pá a gbò nyòòne nvée naa ní e ba beè belí pá a tọ. (Bugi Máàk 3:35.) Mm̀ tẽ̀ènè sĩ́deèá, Gbò Neǹ Ditõ̀ò Jìhóvà gbááá ló vaá dú tẽ̀ènè kà pá tọ beeá ló bàlà booí. Vó ní ea náa vaá è ólò kọ̀là vígà págbálà nè vígà pábia ẹ. (Fàìlímòn 1, 2) È ólò gbàn nàgé tṍ ló log ea kọọ̀: “Vulei pá bọọ vígà mm̀ Kráìst.” (1 Pítà 2:17) Gbò Neǹ Ditõ̀ò Jìhóvà ólò zogè kọọ̀ bà íèè vulè mm̀ gã́bug sĩ́deè, dì belí ge nvèè bá nè pá vígà e bíi di ló beeá ló bàlà booí.

 KPÁÁ NÓ BỌ̀Ọ̀VẸ̀

 5. È ólò tõó dùm ea gbááá ló bẹẹ bée

 NÚ E NI NÓ

Gbò Neǹ Ditõ̀ò Jìhóvà ní e bà dú kà kà gbò e bà gé nyoone nvéè Kráìst e. È dúù tẽ̀ènè kà pá tọ e gé gbá fã̀ Bàrì, bẹẹ nòòmànù ólò dẹ̀ẹ̀a boo Kpá Káí, vaá è ólò naa kọọ̀ gbò nen á nyimá kà kà bel ea kil ló Jìhóvà.

Ge Òòa Boo

• Éé ní ea náa vaá è kọ̀là Gbò Neǹ Ditõ̀ò Jìhóvà ẹ?

• Móbá ní e ólò sẹ̀ẹ̀mà ene ẽ́?

• É kọ ò bùlà kọọ̀ Gbò Neǹ Ditõ̀ò Jìhóvà ní e bà dú kà kà gbò e bà gé nyoone nvéè Kráìst e?