ˈCƖAANDHƐ- 19
Zoova aˈ -Bobhlaʋn -nɩɛn- kletiɛn ˈjɛʋn-?
-Abʋ- nɩan Zoova aˈ -Bobhlaʋn ɛn, -a deɛ -gwlɩˈˈ -ka -a nɩan kletiɛn ˈjɛʋn ɛn. Dhɛɛdɩ- -ɛ? Dhɩ -a dea -gwlɩˈˈ -e ˈɲnɩn -a ˈbhlea -ɩan- nʋɛn -wɛeˈ -a nɩan -aaˈ ka -e ɲʋndɩkman- -aa toa ˈdhe bha bho ɛ, ɩmɩn- anˈ dɩ -a ye ˈtmʋn.
1. ˈBho dhɛwɛ- ˈˈkpe dhɩ Zoova aˈ -Bobhlaʋn dea -gwlɩˈˈ tbha -a?
Zezi ˈnaan: ‘Ɲɔnsoa aˈ Ghwlu -nɩɛn- tɔˈdɩ-.’ (Jean 17:17) -Ka Zezi nʋan ˈkamɔn- Zoova aˈ -Bobhlaʋn an nʋn -ke. Dhɩ aˈ klɛɛ ʋʋ dea -gwlɩˈˈ ɛ, ɩn tbha ˈo Ɲɔnsoa aˈ Ghwlu ˈˈkpe. -Ka -a nʋan ɛnˈ nʋn sʋn ˈdhe -aaˈ dhbho ɔˈ -deenanˈ, -a ˈtmʋn ɛnˈ dɩ. ˈDhe 1870 zʋn ˈdhi ɛ, ɲʋn anˈ kpɔ -ʋa- ˈbɔan -ʋʋ ˈyea tɔˈdɩ i ˈŋwɔn, ʋbʋ- ˈkpa -da dhueˈ ˈˈdhe -ʋʋ ˈcɩan Biiblʋ -kajɔɔnka -wɛeˈ ʋʋ ˈye dhɛ ʋan tɔɔan ɲʋn gblein i ˈŋwɔn. Dhɩ ʋʋ dea -gwlɩˈˈ ɛ, ɩn tbha ˈo dhɛ Biiblʋ a ˈtmʋan ˈˈkpe, -bho ɩn -nɩn dɩ pliegbi aˈ -da -duuˈˈ a ˈtmʋan se dhɛ dhueˈ -nɩn mɔn -dhe ɛˈ. -Ɛ ˈghwlʋa ˈo -dhe ɛ, ʋʋ -dee tɔˈdɩ- -ˈnɩn anˈ dɩ ˈtmʋan ˈmɛn ˈdhe ɲʋn -ˈnʋʋn bho. a
2. Dhɛɛdɩ- -aa ˈdhaa -aaˈ ˈˈjɛ Zoova aˈ -Bobhlaʋn -ɛn?
Ɲʋn -an ˈˈɲɩan Zoova -nɩɛn- ɔɔˈ -Bobhlaʋn-, dhɛ nɩan ˈo ɛ, tɔˈdɩ- nɩan ˈe Ɔɔˈ dɩ ˈdhi -mɩn ʋa tɔɔn ɲʋn. (Hébreux 11:4–12:1) Ɛɛˈ kpɔ dhueˈ ka. ˈDhe tɛnˈˈ -bhlʋa ˈdhi ɛ, Ɲɔnsoa -ghwluɛ- ˈe ɔɔˈ ˈcɛ bho ɔ ˈnaan: “Aʋ -nɩɛn- ˈman -bobhlaʋn-.” (Zro Isaïe 43:10.) Ɲʋn ˈdhaa- Zezi “-Bobhlai- nɩan -gwlɩˈˈ -de ka.” (Révélation 1:5) Ɛɛˈ dɩ ˈdhe 1931 zʋn ˈdhi ɛ, -a ˈˈduu- -aaˈ ˈˈjɛ Zoova aˈ -Bobhlaʋn- ɲnɩn. -Aaˈ ˈɲnɩn -ˈnɩn ˈbhleɛ -aaˈ ˈmʋnan-.
3. -Kawɛ Zoova aˈ -Bobhlaʋn an nʋn Zezi ɔˈ ɲʋndɩkman -sraan sʋn -ɛn?
Zezi -kman ɔɔˈ dhɛcɩaʋn anˈ dɩ ˈsʋ ʋʋ ye ɔɔˈ ˈˈgbuzɔncɛ ˈkpa. (Zro Marc 3:35.) -Ka nɩan dhueˈ -ke ɛ, Zoova aˈ -Bobhlaʋn- nɩan da ˈbhlʋa aˈ klɛɛ ˈˈkpe ɛ, ʋʋ man ˈˈgbuzɔncɛ- dhueˈ. Ɛmɛn- dɩ -aa ˈdhaa bha ˈdhoudhi. (Philémon 1, 2) -Aa ˈjheɛ ˈtee nɛn ŋwɔn -ke: “Aʋ -kman ˈdhoudhi -ˈˈwe aˈ klɛɛ nɩan da ˈbhlʋa ˈˈkpe aˈ dɩ.” (1 Pierre 2:17) Zoova aˈ -Bobhlaʋn an to ɲʋndɩkman- -ˈnɛn ˈmɛn ˈdhe dhɩ -duuˈˈ ˈdhi. Ɛɛˈ kpɔ dhueˈ -mɛn -nɩn -bho ʋaˈ ˈdhoudhi -ˈˈwe -nɩn ˈe ˈkledɩ ˈdhi ɛ, ʋa pʋbʋ sʋn bho.
KPA DHƐ I ˈŊWƆƐN ƝAN
ˈBɔn dhɩ -duuˈˈ aˈ i ˈŋwɔan in ˈdhe Zoova aˈ -Bobhlaʋn- anˈ bo -e ˈdhɩ -a toɛ -ka ʋʋ nɩan kletiɛn ˈjɛʋn anˈ dɩ ˈdhi.
Dhɩ kletiɛn ˈjɛʋn dea -gwlɩˈˈ tbha ˈo Biiblʋ ˈˈkpe ˈˈdhe ʋa ˈtmʋɛn ɩanˈ dɩ ˈdhe ɲʋn -ˈnʋʋn bho.
4. Dhɩ -a dea -gwlɩˈˈ tbha ˈo Biiblʋ ˈˈkpe
Zoova -zaaɩ ɲan ɔ yɩ ˈtmʋn -ka -aa muan Biiblʋ i ˈŋwɔn ˈdhe ɲan an. Zro Daniel 12:4, -ˈmɛn aʋ ˈtmʋn ideedɩ- nɩn anˈ dɩ:
-
-Ka Ɲɔnsoa aˈ ˈcɛ ɛ kpa Biiblʋ ˈcɩaan ɲan, dhɛwɛ- -ɛɛ “mun ˈˈɩ -di” ˈdhʋbʋ ˈmʋn -ɛn?
-Ka Saalɩ Risɛlɩ -ɔ nɩan Biiblʋ ˈcɩaʋn anˈ dhueˈ nʋan Ɲɔnsoa aˈ Ghwlu ˈcɩan sʋn ɛn, -bho -ˈyeɛ jhibho- ɛˈ, -ˈmɛn -ˈjhe video nɔn in. Po ˈo VIDEO, -ˈmɛn aʋ ˈtmʋn ideedɩ- nɩan da ˈzɔn da aˈ dɩ.
-
ˈDhe video nɔn ˈdhi ɛ, -kawɛ Saalɩ Risɛlɩ -e ɔɔˈ ˈdhoudhi -ˈˈwe a nʋn Biiblʋ ˈcɩan sʋn -ɛn?
Jhibhodɩ-
-Zɔn -dhee -ˈnɔɔn ɔn, -aa zian dhɩ -a dea -gwlɩˈˈ aˈ i ˈŋwɔnsʋn ˈˈɩn. Dhɛɛdɩ- -ɛ? -Ka zɔn ɔn nʋan igbaa- sʋn mɩɩnˈˈ mɩɩnˈˈ -wɛeˈ ɲɔn ɔn ˈjhea i ɛ, ˈkamɔn- Ɲɔnsoa a nʋn mɩɩnˈˈ mɩɩnˈˈ -ke -wɛeˈ -aa ˈŋwɔn ɔnˈ Ghwlu iˈ. (Zro Proverbes 4:18.) Biiblʋ aˈ zianˈˈ, ˈklaa -ka -aaˈ dhɛiŋwɔɛn ɛn ˈkpa ˈˈkpe ɛ, ˈkamɔn- -aa zian dhɩ -aa tɔɔan ɲʋn ˈˈɩn.
5. Dhɛ -aaˈ ˈɲnɩn ˈdha a, ɛmɛn- -aa nʋn
Dhɛɛdɩ- -aa ˈdhaa -aaˈ ˈˈjɛ Zoova aˈ -Bobhlaʋn -ɛn? Po ˈo VIDEO, -ˈmɛn aʋ ˈtmʋn ideedɩ- nɩan da ˈzɔn da aˈ dɩ.
-
Dhɛɛdɩ- ɛ nmɔn ˈo i ɲʋn ˈye -aʋ Zoova aˈ -Bobhlaʋn ˈdhaa-?
Dhɛɛdɩ- Zoova -za ˈo ɲʋn -wɛeˈ ʋʋ ˈye ɔɔˈ -Bobhlaʋn -nɩn -ɛn? Dhɛ nɩan ˈo -mɛn -nɩn ʋbʋ- ˈyeɛ nʋn -wɛeˈ ɲʋn ˈyɩ jhibho- -ka ɔ nɩan Ɲɔnsoa ˈjɔɔn. Dhɛ nɩan ˈo ɛ, sɩ ɲʋn ˈtmʋan ˈdhe ɔɔˈ dɩ ˈdhi -diɛˈˈ. -A ˈtmʋn sɩ -ˈnɩn anˈ kpɛ ˈsɔɔn ɔnˈ dɩ.
Pliegbi- -ˈnɩɩn ˈnaan ɲʋn ˈbhɛɛˈ ɲʋn ˈye -baadhɩ i -jhii ɲʋn ˈye Ɲɔnsoa ˈˈɲɩn. Zro Lévitique 26:1, -ˈmɛn aʋ ˈtmʋn ideedɩ- nɩn anˈ dɩ:
-
-Ɛ -nɩn tɔˈdɩ ˈdhe dɩ -ˈnɩn ˈdhi -ɛ? Ka Zoova a ˈjhe -baadhɩ ˈdhe ˈˈɲɩnsʋn ˈdhi -ɛ?
Pliegbi- -ˈnɩɩn ˈnaan Zezi -nɩn Ɲɔnsoa. Zro Jean 20:17, -ˈmɛn aʋ ˈtmʋn ideedɩ- nɩn anˈ dɩ:
-
-Ɛ -nɩn tɔˈdɩ ˈdhe dɩ -ˈnɩn ˈdhi -ɛ? Zoova -e Zezi man ɲɔn dhueˈ?
-
Dhɛ Zoova dhbhoa ɔɔˈ -bobhlaʋn ʋʋ ˈyea tɔˈdɩ aˈ bo bhla ˈdhe ɔɔˈ ˈˈjɛ -e ɔɔˈ ˈˈJhu ɔˈ dɩ ˈdhi ɛ, ka -man ˈjheɛ -ɛ?
6. -A -kman bha aˈ dɩ
Biiblʋ ˈnaan -ka dhɩ nɩan ˈo ɲiɔn ɔnˈ ku ˈˈbun nɩan ˈkamɔn- kletiɛn -ˈˈwe -nɩn. Zro 1 Corinthiens 12:25, 26, -ˈmɛn aʋ ˈtmʋn ideedɩ- nɩn anˈ dɩ:
-
-Bho ʋaˈ dhueˈ ɔ sa ˈkle ˈjhe ɛˈ, -kawɛ kletiɛn -ˈˈwe ˈye nʋn -ɛn?
-
Dhɛwɛ- de ˈˈjhriɛ ˈˈkpe -ɛɛ toɛ -ka Zoova aˈ -Bobhlaʋn kman bha aˈ dɩ -ɛ?
-Bho ʋaˈ -ˈnʋʋn an sa sea ˈbhlʋɩ- -ˈnɩɩn ˈdhii ɛˈ, Zoova aˈ -Bobhlaʋn- sia ˈo a ˈˈdooˈ ʋa yʋbʋ sʋn bho -poaˈ mun. -Bho -man sa ˈbɔn -ˈye ɛɛˈ kpɔ dhueˈ ˈjhe ɛ, po ˈo VIDEO. -ˈMɛn aʋ ˈtmʋn ideedɩ- nɩan da ˈzɔn da aˈ dɩ.
-
ˈKpɩ Zoova aˈ -Bobhlaʋn poa ˈe ˈˈdhe ʋʋ poa bha sʋn bho ɛ, ka ɩan nʋn ɛnˈ -to sʋn -ka ʋʋ kman bha aˈ dɩ -ɛ?
Kletiɛn ˈjɛʋn an poɛ ɲʋn nɩan ˈe ˈkledɩ ˈdhi sʋn bho.
ƝƲN -ˈNƲƲN ˈNAAN: “Zoova aˈ -Bobhlaʋn anˈ ɲɔnsoagbu -nɩɛn- ɲɔnsoagbu- -dhee.”
-
-Bhlaa Zoova -dee ɲʋn -an nʋan ɔɔˈ dhbho ɔɔˈ -bobhlaʋn ˈdhaa-?
DHƐWƐ- ˈCƖAN-?
Zoova aˈ -Bobhlaʋn -nɩɛn- kletiɛn ˈjɛʋn-. -Aaˈ klɛɛ nɩan da ˈbhlʋa ˈˈkpe ɛ, -a man ˈˈgbuzɔncɛ- dhueˈ -ʋa- ˈˈɲɩn Ɲɔnsoa. -Aaˈ -ˈˈgwlɩdedhɩ tbha ˈo Biiblʋ ˈˈkpe ˈˈdhe -aa ˈtmʋʋɛn ɲʋn tɔˈdɩ- nɩan ˈdhe Zoova aˈ dɩ ˈdhi.
Dhɛwɛ- -ˈŋwɔn in -ɛn?
-
Dhɛɛdɩ- -aa ˈdhaa -aaˈ ˈˈjɛ Zoova aˈ -Bobhlaʋn -ɛn?
-
-Kawɛ -aa nʋn bha ˈbhle sʋn -ɛn?
-
-ˈBhoo- -gwlɩˈˈ ˈdhee, Zoova aˈ -Bobhlaʋn -nɩɛn- kletiɛn ˈjɛʋn-?
ˈBƆN DHƖ -ˈNƖƖN ANˈ I ˈŊWƆAN IN
ˈCɩan -aaˈ bo -ˈyeɔ jhibho-.
Les Témoins de Jéhovah. La foi en action, 1re partie: La sortie des ténèbres (1:00:53)
-Ka Zoova aˈ -Bobhlaʋn an nʋan sɩ ɲʋn an tɔɔan ɲʋn kpaeˈˈ -po sʋn ɛn, -ˈjhe video nɔn in -wɛeˈ -ˈyeɛ i ˈŋwɔn.
Dɩ -man deea -manˈ ˈˈjɛ i ˈdhe Zoova aˈ -Bobhlaʋn anˈ dɩ ˈdhi ɛ, zro ˈsɛɛ- nɛn ˈdhii -wɛeˈ -ˈye ɩanˈ ˈdhe -za aˈ ˈjhe.
“Questions fréquentes sur les Témoins de Jéhovah” (Dhɩ ˈghwlʋa ˈo ɛntɛɛnɛtɩ ˈˈkpe ɛ)
Ɲʋn -nɩn Sefɛnɩn sea ku dhueˈ ˈbhle ɛ, ɔ ˈɲɛn ʋbʋ ˈmʋn ˈmɛn -dhe. Ɛ nʋɛnˈ ɔ yʋbʋ dhɛsaʋn ˈˈdhrui nʋn. -Ŋmʋn dhɛ ɔ ˈjhea ˈdhe Zoova aˈ -Bobhlaʋn ˈɲnɩn bho -ɛ ˈˈtuɔn -wɛeˈ ɔ zianˈˈ an.
“Ma vie allait de plus en plus mal” (La Tour de Garde, 1er juillet 2015)
a ˈDhe 1879 zʋn ˈdhi ɛ, Zoova aˈ ˈcɛ -dee ˈsɛɛ- ɲɔn ɔn ˈdhaa La Tour de Garde -ɛɛ zela Biiblʋ ˈˈkpe i ɛˈ ɲʋn ˈˈjhrii -gbleaˈ ˈmɛn.
