SOMO LYE 19
Abahamirizi ba Yehova Baba Bakristu b’Okuli Si?
Rhwewe rhuli Bahamirizi ba Yehova, rhuba rhuchizerere oku rhuba Bakristu b’okuli. Bulagurhe? Lola bichi obuyemere bwerhu buba bushingirireko, ezino lyerhu lirhukwanene rhwewe rhwenyine, na gurhe rhunazigirana.
1. Bichi Abahamirizi ba Yehova baba bashingire k’obuyemere bwabo?
Yesu aliderhere: “Echinwa cha [Mungu] buli bukweri.” (Yohana 17:17) Kuguma na Yesu, obuyemere bw’Abahamirizi ba Yehova buba bushingirire oku Chinwa cha Mungu. Lola ebiyerekene ntyo omu ngani yerhu ya mu manola mango. Omu myaka ya 1870, echigusho ch’abanafunzi be Biblia charhondera kusuzuma bwinja Amandiko. Baseza obuyemere bwabo oku bye Biblia ederhere, chiro akaba oku bwalilekene bwenene n’enyigirizo z’amadini. Naho, barhondera kubwira abandi k’obola bukweri bwe Biblia. a
2. Chirhuma rhuchiyirika Bahamirizi ba Yehova?
Yehova anaderha oku abakozi bage bali bahamirizi bage bulala banabwira abandi oku bimulolere. (Waebrania 11:4–12:1) Omufano, omu chihe cha mira, Mungu alibwirire abantu bage ntya: “Muli bahamirizi bani.” (Osome Isaya 43:10.) Yesu naye ayirikirwe “Muhamirizi Mwimana.” (Ufunuo 1:5) Bobuno, omu 1931, rhwarhola ezino, Bahamirizi ba Yehova. Rhunachishingira okuheka elyola zino.
3. Nka gurhe Abahamirizi ba Yehova banayiganya obuzigire bwa Yesu?
Yesu alizigiire abanafunzi bage bwenene omu kuntu aliri ababona nka mulala gwage. (Osome Marko 3:35.) Konako, Abahamirizi ba Yehova baba mulala g’obuguma g’omu gulu lyoshi. Echola che chirhuma rhunahamagalana bene-berhu na bali-berhu. (Filemoni 1, 2) Kandi rhunakenga erhegeko liderhere: “Muzigire echinyabuguma choshi cha bene-berhu.” (1 Petro 2:17) Abahamirizi ba Yehova banayerekana obola buzigire mu njira zinene; nk’okurhabala ababo bemezi omu gulu lyoshi amango bali omu bulagirire.
HUMBA BWENENE
Jaga walola bwinja engani y’Abahamirizi ba Yehova, onabone ebindi byemezo biyerekene oku rhuli Bakristu b’okuli.
Abakristu b’okuli banaseza obuyemere bwabo oku Biblia n’okububwira oku bandi
4. Obuyemere bwerhu buba buyimangiire oku Biblia
Yehova alibere aderha oku hakagerere amango obukweri bwe Biblia bwabishulwa. Osome Danieli 12:4 n’amahugulo m’eshishi, muje mwaganira kw’echila chibazo:
-
Bichi ‘byakayalire’ omu bantu ba Mungu oku bali bagenderera kusuzuma Ebiblia?
Lola gurhe echigusho ch’abanafunzi be Biblia baheberwe mu na Charles Russell, baliri bayiga Echinwa cha Mungu. Ziha EVIDEO, muje mwaganira kw’echila chibazo.
-
Nk’ok’obwene mw’eyila video, gurhe Charles Russell n’ababo banafunzi be Biblia baliri bayiga Ebiblia?
Walimenyere si?
Mango maguma-maguma, hali ebi rhwayinjire rhwahindamula omu buyemere bwerhu. Bulagurhe? Nka kulala ezuba lyamasheshuka linayinja lyayerekana kubuyabuya-kubuyabuya ebintu birhaliri byabonekana bwinja, Mungu anayinja arhuha obumenyi bw’Echinwa chage kubuyabuya-kubuyabuya. (Osome Mezali 4:18.) Bobuno chiro akaba oku Ebiblia erhahindamuka, rhunahindamula biguma omu birhuyemerere ok’obumenyi bwerhu bwe Biblia yi bwayinja bwakula.
5. Rhuba rhulamire nk’oku ezino lyerhu linaderhere
Bichi byarhumaga rhwarhola ezino, Bahamirizi ba Yehova? Ziha EVIDEO, muje mwaganira kw’echila chibazo.
-
Bulagurhe ezino, Bahamirizi ba Yehova lirhukwanene?
Charhumaga Yehova achishoga abantu babe Bahamirizi bage? Bulala bakwanene bayerekane okw’ali Mungu w’okuli chiro akaba oku hali bubeshi bunene bamubeshere. Lolaga bubeshi bubiri mubo.
Madini maguma manayigiriza abantu babo oku Mungu alonzeze bakolese ebishushanyo omu buharamye bwabo. Aliko, osome Walawi 26:1, muje mwaganira kw’ebila bibazo:
-
Chiro akaba oku banayigiriza ntyo, obukweri buli buhe? Gurhe Yehova anachiyunva oku bilolere ebishushanyo?
Madini maguma manayigiriza mpu Yesu ye na Mungu. Aliko, osome Yohana 20:17, muje mwaganira kw’ebila bibazo:
-
Chiro akaba oku banayigiriza ntyo, obukweri buli buhe? Yesu na Mungu aba muntu muguma si?
-
Gurhe si ochiyunvirhe okubona oku Yehova arhumire Abahamirizi bage, bahubiri obukweri oku bimulolere yewe n’Omugala?
6. Rhunazigirana
Ebiblia eshushanyize Abakristu n’ebirumbu by’omubiri. Osome 1 Wakorinto 12:25, 26, muje mwaganira kw’ebila bibazo:
-
Gurhe Abakristu b’okuli bakwanene kujira amango ababo Bakristu bali balibuka?
-
Bichi wachibwenere oku bilolere obuzigire Abahamirizi ba Yehova bajiranako?
Amango obuhanya bwamahikira Abahamirizi ba Yehova fasi nguma oku gulu, ababo Bahamirizi b’omu gulu lyoshi banarhabala han’ahola. Y’obona mufano muguma, ziha EVIDEO. Muje mwaganira kw’echila chibazo.
-
Gurhe okuntu Abahamirizi ba Yehova bachihanganire kurhabala kuyerekene obuzigire bwabo?
Abakristu b’okuli banayerekana obuzigire oku bali omu bulagirire
HALI ABANTU BANADERHA: “Abahamirizi ba Yehova lili dini lya mulagolo.”
-
Kurhenga mangochi eyi Yehova anayirika abanamuharamya bahamirizi bage?
OKU BUGEKE
Abahamirizi ba Yehova bali Bakristu b’okuli. Rhuli mulala g’omu gulu lyoshi gw’abemezi banaseza obuyemere bwabo oku Biblia, banamenyesa n’abandi obukweri oku bilolere Yehova.
Rhuchiyibusye
-
Bulagurhe rhwachishogere ezino, Bahamirizi ba Yehova?
-
Gurhe rhunakolerana buli muguma n’owindi?
-
Owazize oku Abahamirizi ba Yehova bali Bakristu b’okuli si?
EYINDI MYAZI
Yiga binene oku bilolere engani yerhu.
Abahamirizi ba Yehova—Obwemere omu Bijiro, Chigabi cha 1: Okurhenga omu Mwizimya (1:00:53)
Tala omufano guyerekene gurhe Abahamirizi ba Yehova babishwire enyigirizo z’obubeshi.
Yunva ebishubizo by’ebibazo wakachibaza oku bilolere Abahamirizi ba Yehova.
“Ebizigana Kubazwa oku Bilolere Abahamirizi ba Yehova” (ipaje y’oku jw.org)
Stephen alishombere abantu b’elindi shusho, charhuma ayinja abarhera. Lola ebyabonaga omu Bahamirizi ba Yehova byarhumaga ahindamuka.
“Akalamo Kani Kaliri Kabiha Kulushiriza” (Omunara g’Omulanzi, Lusiku 1 Mwezi gwa 7, 2015)
a Kurhenga omu mwaka gwa 1879, ey’ejurnale yerhu Omunara g’Omulanzi yiyahisa abantu k’obukweri bwe Biblia.
