UWUHRẸ AVỌ 19
Kọ Isẹri Jihova Yọ Ileleikristi Uzẹme?
U mu omai Isẹri Jihova ẹro nọ mai yọ Ileleikristi uzẹme. Fikieme ma rọ ta ere? Roro kpahe oria nọ eware nọ ma rọwo i no ze, odẹ mai, gbe uyoyou nọ ma wo kẹ ohwohwo.
1. Diẹse Isẹri Jihova a be rehọ eware nọ a rọwo no ze?
Jesu ọ ta nọ: “Ẹme [Ọghẹnẹ] uzẹme.” (Jọn 17:17) Wọhọ Jesu, Ẹme Ọghẹnẹ Isẹri Jihova a be rehọ eware nọ a rọwo no ze. Dai roro kpahe ikuigbe mai evaọ oke mai nana. Evaọ etoke ikpe 1870, utu ahwo jọ a te mu Ebaibol na họ ẹkiẹriwi kẹ omarai. Yọ eware nọ a jariẹ kiẹ via eye a rọwo dede nọ i wo ohẹriẹ no iwuhrẹ ichọche. A te je mu amọfa họ ẹvuẹ kpahe eware nọ a jọ Ebaibol wuhrẹ na. a
2. Kọ fikieme ma bi ro se omamai Isẹri Jihova?
Jihova o se ahwo nọ a be gọe isẹri riẹ keme a be vuẹ amọfa uzẹme na kpahe ọyomariẹ. (Ahwo Hibru 11:4–12:1) Wọhọ oriruo, Ọghẹnẹ ọ ta kẹ ahwo riẹ evaọ oke anwae nọ: “Whai họ isẹri mẹ.” (Se Aizaya 43:10.) A se Jesu “Osẹri nọ A re Fievahọ na.” (Eviavia 1:5) Fikiere evaọ ukpe 1931, ma tẹ rehọ odẹ na Isẹri Jihova. Eva e be were omai nọ a bi ro se omai odẹ nana.
3. Ẹvẹ Isẹri Jihova a be rọ rehọ aro kele Jesu dhesẹ uyoyou?
Jesu o you ilele riẹ ga te epanọ aikpobi a rọ jọ wọhọ ahwo uviuwou ọvona. (Se Mak 3:35.) Ere ọvona Isẹri Jihova nọ e rrọ akpọ na soso a rrọ uviuwou ovona. Oyejabọ nọ ma re ro se ohwohwo brọda gbe sista na. (Filimọn 1, 2) Ma te je bi koko ujaje nana: “Wha you inievo na kpobi.” (1 Pita 2:17) Mai Isẹri Jihova ma bi dhesẹ uyoyou nana evaọ idhere buobu, ma re fiobọhọ kẹ ibe eg’Ọghẹnẹ mai nọ eware e rrọ gaga kẹ evaọ akpọ na soso.
GBE WUHRẸ EWARE EFA
Wuhrẹ ziezi kpahe iku Isẹri Jihova re whọ gbẹ ruẹ eware efa nọ i dhesẹ nọ mai ginọ Ileleikristi uzẹme.
4. Ebaibol na ma rehọ eware nọ ma rọwo no ze
Jihova ọ ta fihotọ nọ otoriẹ uzẹme Ebaibol u ti dhe evevẹ. Se Daniẹl 12:4 avọ ẹme obotọ riẹ, kẹsena wha vẹ ta ẹme kpahe onọ nana:
-
Eme ọ “te dafia” evaọ udevie ahwo Ọghẹnẹ fikinọ a be romatotọ kiẹ Ebaibol na?
Rri epanọ utu Emọ-Uwuhrẹ Ebaibol jọ nọ Charles Russell ọ jọ usu rai a je ro wuhrẹ Ẹme Ọghẹnẹ. Kporo IVIDIO na, kẹsena wha vẹ ta ẹme kpahe onọ nọ ọ rrọ obotọ na.
-
Evaọ ividio na, ẹvẹ Charles Russell avọ amọfa nọ a gbe je wuhrẹ Ebaibol na a je ro wuhrẹ iẹe?
Kọ whọ riẹ?
Evaọ ẹsejọ, ma nwene eware jọ nọ ma rọwo no. Fikieme? Wọhọ epanọ oria kpobi u re dhe evevẹ nọ ọre ọ tẹ be va ze na, ere Ọghẹnẹ o bi fiobọhọ kẹ omai nọ otoriẹ Ẹme riẹ nọ ma bi wo u bi ro dhe evevẹ re. (Se Itẹ 4:18.) Fikiere dede nọ Ebaibol na o re nwene he, ma re nwene eware nọ ma rọwo nọ otoriẹ mai u bi vẹ na.
5. Ma bi ru odẹ mai na gba
Fikieme ma ro se omamai Isẹri Jihova? Kporo IVIDIO na, kẹsena wha vẹ ta ẹme kpahe onọ nọ ọ rrọ obotọ na.
-
Fikieme odẹ na, Isẹri Jihova o ro fo omai?
Fikieme Jihova ọ rọ salọ ahwo re a jọ Isẹri riẹ? Re a vuẹ amọfa nọ Ọye họ Ọghẹnẹ uzẹme na, keme ahwo a ta erue buobu kpahe iẹe no. Joma ta ẹme kpahe erue ivẹ itieye na jọ.
Egagọ jọ a re wuhrẹ ahwo rai nọ Ọghẹnẹ ọ gwọlọ nọ a rọ emema rọ gọe. Rekọ, se Iruo-Izerẹ 26:1, kẹsena wha vẹ ta ẹme kpahe enọ nana:
-
Eme Ebaibol ọ ta kpahe onana? Ẹvẹ Jihova o rri emedhọ?
Isu egagọ jọ a re wuhrẹ ahwo rai nọ Jesu họ Ọghẹnẹ. Rekọ, se Jọn 20:17, kẹsena wha vẹ ta ẹme kpahe enọ nana:
-
Eme Ebaibol ọ ta kpahe onana? Kọ Ọghẹnẹ avọ Jesu yọ omọvo na?
-
Kọ o were owhẹ nọ Jihova o vi Isẹri riẹ re a vuẹ ahwo uzẹme na kpahe ọyomariẹ gbe Ọmọ riẹ? Fikieme whọ rọ ta ere?
6. Ma you ohwohwo
Ebaibol na ọ rehọ Ileleikristi rọ wawo abọ sa-sa ugboma ohwo-akpọ. Se 1 Ahwo Kọrint 12:25, 26, kẹsena wha vẹ ta ẹme kpahe enọ nana:
-
Eme Ileleikristi uzẹme a re ru nọ ibe Ileleikristi rai a tẹ be ruẹ uye?
-
Ẹvẹ whọ rẹ sai dhesẹ uyoyou nọ o rrọ udevie Isẹri Jihova?
Isẹri Jihova nọ e rrọ akpọ na soso a rẹ daoma fiobọhọ nọ Isẹri Jihova nọ e rrọ abọ jọ akpọ na a tẹ be ruẹ uye. Re whọ ruẹ oriruo jọ, kporo IVIDIO na. Kẹsena wha vẹ ta ẹme kpahe onọ nọ ọ rrọ obotọ na.
-
Ẹvẹ ogbo nọ Isẹri Jihova a be hae dhẹ u ro dhesẹ nọ a wo uyoyou?
AHWO JỌ A RẸ TA NỌ: “Isẹri Jihova yọ egagọ ekpokpọ.”
-
Anwọ oke vẹ Jihova o bi ro se ahwo nọ a be gọe isẹri?
EME WHO WUHRẸ NO?
Isẹri Jihova yọ Ileleikristi uzẹme. Mai yọ uviuwou ovo nọ o rrọ akpọ na soso be gọ Ọghẹnẹ. Ebaibol na eware nọ ma rọwo i no ze yọ ma rẹ vuẹ amọfa ohwo nọ Jihova ọ rrọ dẹẹ.
Ọkiẹkpemu
-
Fikieme ma rọ rehọ odẹ na, Isẹri Jihova?
-
Ẹvẹ ma re ru ohwohwo?
-
Kọ who roro nọ Isẹri Jihova yọ Ileleikristi uzẹme?
KIẸ KPAHE EFA
Gbe wuhrẹ kpahe iku mai.
Jehovah’s Witnesses—Faith in Action, Part 1: Out of Darkness (1:00:53)
Rri oriruo jọ nọ u dhesẹ epanọ Isẹri Jihova a rọ fere iwuhrẹ erue via no.
Se iyo enọ jọ nọ o sae jọnọ whọ be hae nọ kpahe Isẹri Jihova.
“Enọ Nọ Ahwo A rẹ Nọ Gaga Kpahe Isẹri Jihova” (oria nọ o rrọ itanẹte)
Stephen ọ jọ usu ahwo nọ a jẹ hae họre ahwo nọ a rrọ ahwo ovioma rai hi. Rekọ eme ọ ruẹ evaọ udevie Isẹri Jihova nọ o lẹliẹ e riẹ nwene?
a Anwọ 1879 ma be rọ rehọ Uwou-Eroro Na, nọ o rrọ obe mai nọ o mae viodẹ ro whowho uzẹme Ebaibol na.