TIMEƔRI TIS 19

Inagan n Yahwa d imasiḥiyen n ṣṣeḥ?

SEL S

Nekni s Inagan n Yahwa neţţuqenneɛ belli d imasiḥiyen n ṣṣeḥ i nella. Acuɣer? Llant tlata ssebbat: ayen iɣef i greṣṣa wayen is i neţţamen, isem swayes i neţwassen akk-d leḥmala yellan gar-aneɣ.

1. Ɣef wacu i greṣṣa wayen swayes i ţţamnen Inagan n Yahwa?

Ɛisa yenna-d: ‘Awal n Ṛebbi ţ-ţideţ’ (Yuḥenna 17:17). Am Ɛisa, Inagan n Yahwa ţreṣṣin daymen ayen swayes i ţţamnen ɣef Wawal n Ṛebbi. Wali ɣef lemtel ayen yeḍran ɣer taggara n lqern wis 19. Di 1870, yiwet n terbaɛt n yemdanen bdan ţnadin ad issinen d acu i gesselmad Wedlis Iqedsen. Reṣṣan ayen swayes i ţţamnen ɣef Wedlis Iqedsen ɣas ma yella ayagi ixulef ɣef wayen i sselmadent Tmezdayin. Mbeɛd, bdan heddṛen i wiyaḍ ɣef tideţ-agi i d-ufan deg Wedlis Iqedsen a.

2. Ayɣer i neţţusemma “Inagan n Yahwa”?

Yahwa isemma i wid i t-yeţţeɛbaden “inagan-is” axaṭer ţmeslayen ɣef tideţ i t-yeɛnan (Iɛebṛaniyen 11:4–12:1). Ɣef lemtel, zik-nni, Ṛebbi yenna i wegdud-is: “Kwenwi, d inagan-iw” (ɣer-ed Icɛaya 43:10). Ɛisa daɣen yeţţusemma ‘Inigi unṣiḥ’ (Aweḥḥi 1:5). Di 1931, neṭṭef leqrar a neţţusemmi “Inagan n Yahwa”. Daɛneţţa, nefṛeḥ mliḥ s yisem-agi.

3. Amek i d-ţbegginen Inagan n Yahwa leḥmala akken i ţ-id-ibeggen Ɛisa?

Seg wakken i gḥemmel Ɛisa inelmaden-is, iḥseb-iten ţ-ţawacult-is (ɣer-ed Marqus 3:35). Kifkif daɣen, Inagan n Yahwa ddukklen ţ-ţawacult di ddunit meṛṛa. Ɣef wayagi i neţţemsawal “atmaten ţ-ţyessetmatin” (Filimun 1, 2). Nettabaɛ daɣen lameṛ-agi i d-yeqqaren: “Ḥemmlet atmaten meṛṛa” (1 Buṭrus 2:17). Neţbeggin-ed leḥmala-yagi s lefɛayel. Ɣef lemtel, neţɛawan atmaten ţ-ţyessetmatin-nneɣ m’ara ḥwiǧen, anda tebɣu tili tmurt ideg i ţɛicin.

A NNADI A NEFHEM AKTEṚ

A d-nehdeṛ ɣef ttarix n Inagan n Yahwa w’a nẓer ţţbut nniḍen i d-yesskanayen belli d imasiḥiyen n ṣṣeḥ i nella.

Imasiḥiyen n ṣṣeḥ ţreṣṣin ayen swayes i ţţamnen ɣef Wedlis Iqedsen yerna heddṛen fell-as i wiyaḍ.

4. Ayen is i neţţamen ireṣṣa ɣef Wedlis Iqedsen

Yahwa icar-ed belli tideţ yellan deg Wedlis Iqedsen aţ-ţuɣal aţ-ţeţwafhem akken ilaq. Ɣret-ed Danyil 12:4, mbeɛd hedṛet ɣef westeqsi-yagi:

D acu ara ‘iziden’ ɣer iqeddacen n Ṛebbi m’ara ţnadin ad issinen akteṛ Adlis Iqedsen?

Wali amek i tebda teqqar Awal n Ṛebbi yiwet n terbaɛt n inelmaden n Wedlis Iqedsen, gar-asen Charles Russell. Walit BIDYU-YAGI, mbeɛd hedṛet ɣef westeqsi i d-iţeddun.

BIDYU: Ufan tideţ yellan deg Wedlis Iqedsen (7:45)

Amek i llan qqaren Adlis Iqedsen Charles Russell akk-d yerfiqen-is?

Tɛelmeḍ?

Kra n tikkal, nbeddel ayen swayes i neţţamen ɣef kra n temsal. Acuɣer? M’ara d-teţţefrari tafat n yiṭij, yeţban-aɣ-d cwiṭ cwiṭ wayen i ɣ-d-izzin. Akken daɣen, Ṛebbi yessefham-aɣ-d cwiṭ cwiṭ Awal-is (ɣret-ed Lemtul 4:18). Ihi, ɣas akken Adlis Iqedsen ur yeţbeddil ara, neţbeddil ayen is i neţţamen mkul m’ara iwenneɛ wamek i t-nefhem.

5. Tikli-nneɣ teɛdel d yisem-nneɣ

Acuɣer i nextaṛ i yiman-nneɣ isem-agi n “Inagan n Yahwa”? Walit BIDYU-YAGI, mbeɛd hedṛet ɣef westeqsi i d-iţeddun.

BIDYU: Isem i d-yessefhamen menhu-yaɣ (2:40)

Acuɣer i gwulem yisem-agi n “Inagan n Yahwa”?

Acuɣer i gwekkel Yahwa lɛibad akken ad ilin d Inagan-is? Bac ad yesseɛlem lɣaci belli d neţţa i d Ṛebbi n ṣṣeḥ yerna a d-yefḍeḥ lekdubat i d-ggaren medden fell-as. A nwali sin si lekdubat-agi.

Kra n ddyanat sselmadent belli Ṛebbi yebɣa a t-neɛbed s lmeṣnuɛat neɣ s kra n tɣawsiwin nniḍen. Ţ-ţideţ wayagi? Ɣret-ed At Lewwi 26:1, mbeɛd hedṛet ɣef westeqsi-yagi:

Ɛlaḥsab n wafir-agi, amek i geţwali Yahwa lmeṣnuɛat akk-d tɣawsiwin i ssexdament ddyanat di leɛbada-nsent?

Kra n ddyanat sselmadent belli Ɛisa d Ṛebbi. Ţ-ţideţ wayagi? Ɣret-ed Yuḥenna 20:17, mbeɛd hedṛet ɣef yesteqsiyen-agi:

Ɛlaḥsab n wafir-agi, Ṛebbi akk-d Ɛisa, d yiwen?
Acu i teţḥussuḍ imi i teẓriḍ belli Yahwa yessexdam Inagan-is akken ad berrḥen tideţ fell-as akk-d Mmi-s?

6. Nemyeḥmal gar-aneɣ

Adlis Iqedsen icebbeh imasiḥiyen ɣer lemfaṣel n lǧeţţa n wemdan. Ɣret-ed 1 Ikurintiyen 12:25, 26, mbeɛd hedṛet ɣef yesteqsiyen-agi:

D acu i ţḥussun imasiḥiyen n ṣṣeḥ m’ara ţwalin atmaten ţ-ţyessetmatin-nsen ţsufrin?
Ɛlaḥsab n wayen i twalaḍ, amek i d-sbegginen Inagan n Yahwa leḥmala gar-asen?

M’ara ţsufrin Inagan n Yahwa di kra n tmurt, Inagan nniḍen di ddunit meṛṛa xeddmen ayen akk ilaqen yerna s lemɣawla akken a ten-ɛiwnen. Walit BIDYU-YAGI, mbeɛd hedṛet ɣef westeqsi i d-iţeddun.

BIDYU: Tabuciḍant yeţţusemman Matthew tḥuza tamurt n Hayti (5:29)

Amek i d-teţban leḥmala n Inagan n Yahwa di leqdic n usellek?

Imasiḥiyen n ṣṣeḥ ţɛawanen s leḥmala wigad yeţsufrin.

KRA QQAREN: “Inagan n Yahwa snulfan-d ddin ajdid.”

Si melmi i gsemma Yahwa i iqeddacen-is “Inagan”?

AYEN I D-NELMED

Inagan n Yahwa d imasiḥiyen n ṣṣeḥ. Neddukkel ţ-ţawacult di ddunit meṛṛa, ayen is i neţţamen ireṣṣa ɣef Wedlis Iqedsen yerna neţɛawan lɣaci akken ad issinen tideţ ɣef Yahwa.