ILINNIAGASSAQ 19
Jehovap Nalunaajaasui kristumiuuppat ilumoortut?
Jehovamik Nalunaajaasuusugut isumaqarpugut kristumiuulluta ilumoortut. Sooq? Pissutaasut pingasut sammissavagut, tassa upperisatsinnut tunngaviusoq, taaguuterput immikkut ittoq aamma asaqatigiinnerput.
1. Jehovap Nalunaajaasuisa upperisaminnut suna tunngaviutippaat?
Jiisusi Guutimut ima oqarpoq: “Illit oqaatsit ilumoortuuvoq.” (Johannesi 17:17) Jiisusi ilaarlugu Jehovap Nalunaajaasuisa upperisaminnut Biibili tunngaviutittuaannarsimavaat. Tamanna oqaluttuarisaanitsinnit erserpoq. 1800-kkut naalerneranni inuit amerlanngitsut, kingusinnerusukkut Jehovap Nalunaajaasuinik taaguuteqalersut, Biibili misissoqqissaartalerpaat. Paasisatillu oqaluffimmi upperineqartunit allaanerugaluartut upperisaminnut tunngaviutilerpaat. Aamma paasisatik inoqatiminnut oqaluttuarisalerpaat. a
2. Sooq Jehovap Nalunaajaasuinik taaguuteqarpugut?
Nalunaajaasoq tassaavoq ilisimannittutut nassuiaasoq. Jehovap itsarli kiffani imminik ilisimannittutut taasarsimavai. (Hebræerit 11:4–12:1) Assersuutigalugu innuttaminut ima oqarpoq: “Ilissi uanga ilisimannitsigaassi.” (Esaja 43:10 atuarsiuk). Aamma Jiisusi ima taaneqarpoq: ‘Ilisimannittoq aalajaatsoq.’ (Saqqummersitat 1:5) Jehovap kiffai Guuti pillugu ilumoortoq oqaluttuarisaramikku, tassa nalunaajaatigisaramikku, ilisimannittutut taaneqartarput. Taamaattumik 1931-mi tulluusimaarutigisatsinnik ima taaguuteqalerpugut: Jehovap Nalunaajaasui.
3. Jehovap Nalunaajaasui Jiisusi ilaarlugu qanoq asannittuliortarpat?
Jiisusip ilinniartitani asangaaramigit ilaquttamisut isigisarpai. (Makkorsi 3:35 atuarsiuk). Jiisusi ilaarlugu Jehovamik Nalunaajaasuusugut uppeqatigut ilaquttatsitut isigisarpagut. Nunarsuaq tamakkerlugu ataasioqatigiikkatta uppeqaterput qatanngummik taasarparput. (Fiilimuut 1, 2) Biibilimi allassimasoq una maleruarparput: “Qatanngutisi tamaasa asasigit.” (Petrusimit 1. 2:17) Asaqatigiinnerput ilaatigut ersersittarparput uppeqatitsinnik pisariaqartitsisunik ikiuisarnitsigut.
ITISILIINEQ
Jehovap Nalunaajaasuisa oqaluttuarisaanerat pillugu paasisaqarnerugit, kristumiutullu ilumoortuunitsinnut uppernarsaatit amerlanerusut misissukkit.
4. Upperisatsinnut Biibili tunngaviutipparput
Jehova siulittuisimavoq ilumoortoq Biibilimeersoq paasineqarnerujartussasoq. Danieli 12:4 atuarsiuk apeqqullu una eqqartorlugu:
-
Guutip innuttai ‘angalaarmata’, tassa Biibilimik misissuimmata, suna ‘annertusiartorpa’?
1800-kkut naalerneranni inuit amerlanngitsut, ilaatigut Charles Russell, Biibilimik misissueqatigiittarsimapput. VIDEO takusiuk apeqqullu tulliuttoq eqqartorlugu.
-
Charles Russell ikinngutaalu Biibilimik qanoq misissuisarsimappat?
Nalunngiliuk?
Ilaannikkut upperisatsinnut tunngasunik allannguisarsimavugut. Sooq? Soorlu ullaakkut seqerngup nuiartornerani nuna ersarissiartulertartoq, taamatuttaaq Guutip piffissarititaa naapertorlugu Biibilimik paasinninnerput annertusiartortarpoq. (Ussatit 4:18 atuaruk). Biibili allanngorneq ajorpoq, Biibilili paasilluarnerugaangatsigu upperisatsinnut tunngasunik allannguisarpugut.
5. Jehova pillugu ilumoortoq oqaluussissutigaarput
Sooq Jehovap Nalunaajaasui taaguutigilersimavarput? VIDEO takusiuk apeqqullu tulliuttoq eqqartorlugu.
-
Sooq Jehovap Nalunaajaasuinik taaguuteqarnerput tulluarpa?
Guuti pillugu salluliuuterpassuaqarmat Jehovap innuttani ilumoortoq pillugu oqaluusseqquai. Salluliuutit ilaat marluk sammeriartigit.
Upperisarsioqatigiit ilaat oqartarput assilissat qiperukkallu guutisiornermi atorneqartassasut. Mosesimik 3. 26:1 atuarsiuk apeqqullu una eqqartorlugu:
-
Allassimaffik naapertorlugu Jehovap guutiliat qanoq isumaqarfigai?
Upperisarsioqatigiit ilaasa Jiisusi Guutiunerarpaat. Johannesi 20:17 atuarsiuk apeqqutillu uku eqqartorlugit:
-
Allassimaffik naapertorlugu Jiisusi Guutiua?
-
Jehovap ilumoortoq pillugu nalunaajaasuni oqaluusseqqummagit qanoq misigivit?
6. Asaqatigiippugut
Kristumiut inuup timaata avataanut Biibilimi assersuunneqarput. Korintimiunut 1. 12:25, 26 atuarsigit apeqqutillu uku eqqartorlugit:
-
Uppeqatertik naalliukkaangat kristumiut ilumoortut susartussaappat?
-
Jehovap Nalunaajaasuisa asaqatigiinnermik ersersitsinerannik maluginiagaqarnikuuit? Oqaluttuariuk.
Jehovap Nalunaajaasuinik naalliuttoqaraangat uppeqataat nunarsuarmi sumiikkaluartulluunniit ikiuiniartarput. Pisimasut ilaat takoriartigu. VIDEO takusiuk apeqqullu tulliuttoq eqqartorlugu.
-
Ajunaarnersuaqarmat Jehovap Nalunaajaasui qanoq asannittuliorpat?
OQARTOQARTARPOQ: “Jehovap Nalunaajaasui upperisarsioqatigiiupput nutaat.”
-
Qanga Jehovap kiffani nalunaajaasunik, tassa ilisimannittunik, taasalersimavai?
EQIKKAANEQ
Jehovap Nalunaajaasui kristumiuupput ilumoortut. Upperisatsinnut Biibili tunngaviutittarparput, Jehova pillugu ilumoortoq oqaluussissutigisarparput uppeqatigullu ilaquttatsitut isigisarlugit.
Uteqqiineq
-
Sooq Jehovap Nalunaajaasuinik taaguuteqarpugut?
-
Asaqatigiinnerput qanoq ersersittarparput?
-
Isumaqarpit Jehovap Nalunaajaasui kristumiuusut ilumoortut?
NAMMINEQ MISISSUGASSATIT
Oqaluttuarisaanerput pillugu paasiniaagit.
Jehovap Nalunaajaasuisa Guuti pillugu salluliuutit ilaata ilumuunnginnera qanoq oqaluussissutigisimagaat takuuk.
Jehovap Nalunaajaasui pillugit apeqqutitit akissutissarsikkit.
“Jehovap Nalunaajaasui pillugit apeqqutigineqartartut” (Nittartakkatsinni allaaserisat)
Stephenip allamiut uumigalugit nakuuserfigisarsimavai. Inuunerminik sooq allannguisoq paasiniaruk.
“Inuunera ajorsiartuinnarpoq” (Napasuliaq Alapernaarsuiffik, septembarip aallaqqaataat 2015)
a Jehovap Nalunaajaasuisa atuagassiaq Napasuliaq Alapernaarsuiffik 1879-imi saqqummersittalersimavaat, tassanilu ilumoortoq Biibilimeersoq nassuiarneqartarpoq.