TIMOKO 19
Ngano Mbangi za Yehova Bakristo ba matieleka bêna?
Bu twe Mbangi za Yehova, lukwikulu lwe neto ti Bakristo ba matieleka twena. Mu bungu dia nti? Tataluzula, mwe nkwikulu zeto zisikamanaka, nkumbu’eto yituswasikisaka na luzolo lutusongasanaka beto na beto.
1. Nkwikulu za Mbangi za Yehova mwe zisikamanaka?
Yezu watâ ti: ‘Zu dia [Nzambi] matieleka diena.’ (Za 17:17) Ntiana Yezu, ntangu zazansoni Mbangi za Yehova nkwikulu zawu zisikamasaka mu Zu dia Nzambi. Taluzula tinsamu tieto tia mbandu yi. Ku nsuka ya 19esiècle, tikunku tia Milongoki mia Bibila tiabatika mu tomo taluzula Bibila. Bawu bayizi sikamasa nkwikulu zawu mu mio mieri tâka Bibila, ni bu sa ti ka zeri’â delakanaka na nkwikulu za mabundu makaka ko. Buna, babatika mu zonzela matieleka ma Bibila kwe bantu bakaka. a
2. Mu bungu dia nti batutâka Mbangi za Yehova?
Yehova, bisari biandi mbangi katâka bio, mu bungu ti matieleka bizonzelaka mu Yandi. (Bahebre 11:4–12:1) Mu tifwani, Nzambi watâ kwe kanda diandi ti: “Beno mbangi zani zena.” (Tanga Izaya 43:10.) Yezu “Mbangi ya kwikama” bamutâka. (Nzabukusu 1:5, NWT) Buna, mu 1931 tayizi sola nkumbu ya Mbangi za Yehova. Nkatika nsayi ye neto ya lwata nkumbu yo.
3. Bwe Mbangi za Yehova zilandilaka luzolo lwa Yezu?
Yezu watomo zolo milongoki miandi, ntiangu beri ntiana kanda kwe yandi. (Tanga Marke 3:35.) Mpila mosi mpe, Mbangi za Yehova, kanda diena die mu bumosi dia nza yayansoni. Ntiangu tutitâka bampangi. (Filemo 1, 2) Ntumunu mpe tuzitisaka yitâka ti: “Zoloakeno timvuka tiatiansoni tia bampangi.” (1 Piere 2:17, NWT) Mbangi za Yehova luzolo zisongelaka mu mpila zazingi, ntiana lubakusu lutuhanaka kwe mpangi zeto mu nza yayansoni mu ntangu yi babâka na lo nsatu.
YIKA NDILU
Taluzula tinsamu tia Mbangi za Yehova, mpe zaba misamu mia môna misongelaka ti beto Bakristo ba matieleka twena.
Bakristo ba matieleka nkwikulu zawu basikamasaka mu Bibila, mpe kwe bantu bakaka bazonzelaka zo
4. Mu Bibila tusikamasaka nkwikulu zeto
Yehova watâ ti matieleka ma Bibila mbo maketi tomo zabakana. Tangeno Daniele 12:4 na note, mpe zonzeleno tiyuvu eti:
-
Nti “biayizi bâ bia fwika” ha kati dia kanda dia Nzambi bu beri kwe tatamane mu taluzula Bibila?
Taluzula, bwe tikunku tia Milongoki mia Bibila, na Charles Russell mu kati, beri longokelaka Zu dia Nzambi. Taleno VIDEO, mpe zonzeleno tiyuvu tita landa.
-
Mu video, bwe Charles Russell na Milongoki miakaka mia Bibila beri longokelaka Bibila?
Ngano wa wazaba?
Ntangu zakaka, tayizi sa nsobolo mu nkwikulu zeto. Mu bungu dia nti? Ntiana kwa bwisi butiaka malembe malembe, mpe butomo monekesaka bima, Nzambi mpe malembe malembe kahanaka lenda kwe bantu dia bakula Zu diandi. (Tanga Bingana 4:18.) Buna, ni bu sa ti Bibila ka disobaka ko, nkwikulu zeto tusobaka mu ntangu ngwilu’eto ya Bibila yikwe tome.
5. Misamu mi tulombaka nkumbu’eto tayirika, ni mio tuyirikaka
Mu bungu dia nti tasola nkumbu ya Mbangi za Yehova? Taleno VIDEO, mpe zonzeleno tiyuvu tita landa.
-
Mu bungu dia nti nkumbu ya Mbangi za Yehova ye ya delakana?
Mu bungu dia nti Yehova kasola bantu mu bâ mbangi zandi? Mu bungu ti mbo baketi zabikisa ti Yehova ni Nzambi ya matieleka, mu bungu dia bungungu bwabwingi bu bayizi tâ mu Yandi. Tataluzula bungungu bole.
Mabundu makaka kwe bisari biawu malongesaka ti Nzambi zolo basarilaka bifwani mu nsambululu’awu. Kâ, tangeno Levitike 26:1, mpe zonzeleno biyuvu ebi:
-
Ngano matieleka ni me? Bwe Yehova kabongelaka biteki?
Mfumu za mabundu makaka mbo zilongesaka ti Yezu ni Nzambi. Kâ, tangeno Za 20:17, mpe zonzeleno biyuvu ebi:
-
Ngano matieleka ni me? Ngano Nzambi na Yezu muntu wumosi kwa wena?
-
Ngano bwe wukusaka ku mutima mu zaba ti Yehova watambika Mbangi zandi mu samuna matieleka matariri Yandi na Mwana’andi?
6. Zolosono tuzolosonoko
Bibila mbo difwanakasaka Bakristo na binama bia nitu. Tangeno 1 Bisi-Korente 12:25, 26, mpe zonzeleno biyuvu ebi:
-
Bwe Bakristo ba matieleka bafweti sa mu ntangu Bakristo bakaka bamonaka mpasi?
-
Ngano nti wayizi mona mu luzolo lwe na Mbangi za Yehova?
Mbangi za Yehova bu zimonaka mpasi mu tizunga timosi tia mu nza, Mbangi za Yehova zazansoni za mu nza lubakusu zibahanaka na manzangu mamansoni. Mu zaba tifwani timosi, taleno VIDEO. Ha manima zonzeleno tiyuvu tita landa.
-
Bwe ngolo zisarilaka Mbangi za Yehova mu bakisa bantu zisongeleka luzolo?
Bakristo ba matieleka luzolo basongelaka kwe bô bê na nsatu lubakusu
TALA TI BAKUTÊLELE: “Mbangi za Yehova dibundu dia môna kwa diena.”
-
Tûka ntia ntangu Yehova katâka bisari biandi mbangi?
MU BUKUFI
Mbangi za Yehova, Bakristo ba matieleka bêna. Beto kanda dia bisari dia nza yayansoni twena, nkwikulu zeto tusikamasaka mu Bibila, mpe matieleka tuzabikisaka mu Yehova.
Biyuvu bia mbambukulu
-
Mu bungu dia nti tasola nkumbu ya Mbangi za Yehova?
-
Bwe tubongelaka bantu bakaka?
-
Mu nge, ngano Mbangi za Yehova, Bakristo ba matieleka bêna?
ZABA BIAKAKA
Tomo zaba tinsamu tieto.
Mbangi za Yehova—Timinu tita sala, Lweka 1: Ndukulu mu buyongongo (1:00:53)
Tala tifwani timosi tia mpila Mbangi za Yehova yi zatungurila ndongosolo za bungungu.
Baka mvutu za biyuvu bi lendi bâ na bio bitariri Mbangi za Yehova.
“Biyuvu bi bavulu yulaka mu Mbangi za Yehova” (Tinima tia mu Internet)
Stephen bantu ba mu kanda-nitu wakaka keri yinaka, mpe mbo keri ba nwanisaka. Zaba nti kamona kwe Mbangi za Yehova biamutuma mu soba.
“Luzingu lwani beba lweri tomo bebaka” (Nzo ya Zangama ya Munkengi, 1er juillet 2015)
a Zurnale’eto ya nguri, Nzo ya Zangama ya Munkengi, matieleka ma Bibila yizonzelaka na bunsungu bwabwansoni tûka 1879.
Dzukula mpe...
BIYUVU BI VULU YULAKA BANTU
Ngano ndongokolo ya Bibila yi saka Mbangi za Yehova bwe yiyôkelaka?
Mu ndongokolo ya Bibila yi saka Mbangi za Yehova, lendi sarila mbangululu ni mbangululu ya Bibila. Kutinandi mu tikisa bantu ba kanda diaku peleko ndiku zaku ku ndongokolo’aku.
