ISAMBILILO 19
Uzye ya Nte Yakwe Yeova A Ina Klistu ya Cumi?
Swe ya Nte Yakwe Yeova twazumila ukuti sweswe ina Klistu ya cumi. U mulandu ci? Lolini apasintilila vino twazumilamo, izina ilikatupusanyako kuli yauze na vino twatemwana.
1. Aepi apasintilila vino ya Nte Yakwe Yeova yazumilamo?
Yesu watile: “Amazwi yako [Leza] ali cumi.” (Yoani 17:17) Wakwe Yesu, vyonsi vino ya Nte Yakwe Yeova yazumilamo vyafuma umwi Izwi lyakwe Leza. Lolini vino ya Nte Yakwe Yeova ayako ndakai yatandike. Muli ya 1870, iumba lya antu anono yatandike ukusambilila Baibo capamwi pakuti yamanye vino ikasambilizya. Vino yazumilemo vyasintilile pali vino Baibo ikasambilizya nanti cakuti vyapusine na vino amu maceici aingi yazumilemo. Lyene yatandike ukunenako yauze icumi cino yasambilile muli Baibo. a
2. U mulandu ci uno tukayamila ukuti sweswe ya Nte Yakwe Yeova?
Yeova akaama ya kapepa yakwe ukuti Inte Zyakwe pano yakalanda icumi pali aliwe. (Aebele 11:4–12:1) Wakwe, mpiti Leza wanenyile antu yakwe ukuti “mwemwe muli yakambone yane.” (Belengini Ezaya 43:10.) Yesu akaamwa ukuti “Inte ya Cumi.” (Kusokolola 1:5) Ali mulandu kwene uno umu 1931 twasoolwile izina lyakuti ya Nte Yakwe Yeova. Tukauvwa ningo sana ukwamilwa ukwi zina lii.
3. Uzye ya Nte Yakwe Yeova yakakolanya uli vino Yesu wali nu kutemwa?
Yesu watemilwe sana asambi yakwe icakuti yali sile kwati aalupwa yakwe. (Belengini Mako 3:35.) Vikwene avino na ya Nte Yakwe Yeova yalemana, yaya kwati u lupwa umu nsi yonsi. Ali mulandu uno tukaamana ukuti aina na ya nkazi. (Filimoni 1, 2) Nupya tukauvwila isunde lyakuti “mwatemwa aina yonsi.” (1 Petulo 2:17) Ya Nte Yakwe Yeova yakalanga ukutemwa umu nzila izingi wakwe, ukwazwa aina na ya nkazi aakulondekwa uwazwilizyo umu nsi yonsi.
LONDELEZYINI NA VYUZE
Sambililini na vyuze ivikalangilila vino ya Nte Yakwe Yeova yatandike, nu kulola na vyuze ivikalangilila ukuti sweswe aina Klistu ya cumi.
Vino aina Klistu ya cumi yazumilamo vyasintilila pali Baibo nupya yakanenako na yauze pa vintu kwene vivyo
4. Vino twazumilamo vyasintilila pali Baibo
Yeova wasoowile ukuti icumi icaya muli Baibo cilasokololwa. Belengini Danieli 12:4, alino mulanzyanye iuzyo lii:
-
I vyani ivyali nu kuvula lino antu yakwe Leza yakuya yakumanyilako icumi ca muli Baibo?
Sambililini vino iumba lya asambi yakwe Baibo ukwikako na Charles Russell, yasambililanga Izwi lyakwe Leza. Tambini VIDYO, alino mulanzyanye iuzyo ilyatililondelelapo.
-
Uzye Charles Russell na asambi yakwe Baibo yauze ali yali muli vidyo, yacitanga uli pa kusambilila Baibo?
Uzye imumanya?
Insita zimwi tukasenulako vino twazumilamo. U mulandu ci? Wakwe viivi kwene vino ndi cakuti ilanzi lyatunka likalenga tulole vino incende yaya, avino na Leza akatwazwa ukuvwikisya Izwi lyakwe panono panono. (Belengini Mapinda 4:18.) Baibo isisenuka, nomba ndi cakuti twayuvwikisya tukasenukako muli vimwi vino twazumilamo.
5. Tukacita ivintu ukulingana ni zina litu
U mulandu ci uno twatandikile ukuomvya izina lyakuti ya Nte Yakwe Yeova? Tambini VIDYO, alino mulanzyanye iuzyo ilyatililondelelapo.
-
U mulandu ci uno izina lyakuti ya Nte Yakwe Yeova lyalingila?
U mulandu ci uno Yeova wasoolwela antu ukuya ya nte yakwe? Pakuti yamanyisye antu ukuti ali Leza wa cumi, pano amu maceici yalanda ufi uwingi pali aliwe. Lekini tulandeko sile pa vintu viili vino yabepa pali aliwe.
Amu mipepele yamwi yakasambilizya antu yao ukuti Leza akalonda yaomvya ivinkolanya lino yakumupepa. Nomba, belengini Aina Levi 26:1, alino mulanzyanye mauzyo yaa:
-
Uzye icumi i cani? Uzye Yeova akalola uli ukupepa utulubi?
Ya simapepo yamwi yakasambilizya ukuti Yesu a Leza. Nomba, belengini Yoani 20:17, alino mulanzyanye mauzyo yaa:
-
Uzye icumi icani? Uzye Leza na Yesu yaya icili cimwi?
-
Uzye mukauvwa uli ukumanya ukuti Yeova watuma ya Nte yakwe ukusimikila icumi pali aliwe na pa Mwanakwe?
6. Twatemwana
Baibo yakolanya aina Klistu uku vilundwa vya mwili ivipusanepusane. Belengini 1 Kolinto 12:25, 26, alino mulanzyanye mauzyo yaa:
-
I vyani vino aina Klistu ya cumi yalinzile ukucita lino aina Klistu yauze yakucula?
-
I vyani vino mwalola pali vino ya Nte Yakwe Yeova yakalanga ukuti yatemwana?
Ndi cakuti ya Nte Yakwe Yeova yamwi yakucuula, lilyo kwene sile ya Nte yauze umu nsi yonsi yakayazwa. Pakuti mulole vimwi ivikacitika, tambini VIDYO. Lyene mulanzyanye iuzyo ilyatililondelelapo.
-
Uzye vino ya Nte Yakwe Yeova yakaazwilizya vikalanga uli ukuti yaya nu kutemwa?
Aina Klistu ya cumi yakalanga ukutemwa kuli yayo akalondekwa uwazwilizyo
YAMWI YAKALANDA UKUTI: “Ya Nte Yakwe Yeova i mipepele iiza yayako sile ndakai.”
-
A lilaci lino Yeova watandike ukwama ya kapepa yakwe ukuti ya nte?
VINO TWASAMBILILA
Ya Nte Yakwe Yeova a ina Klistu ya cumi. Twaya ulupwa longa umu nsi yonsi, vino twazumilamo vyasintilila pali Baibo nupya tukasimikila icumi pali Yeova.
I vyani vino mwasambilila?
-
U mulandu ci uno twatandikile ukwamwa ukuti ya Nte Yakwe Yeova?
-
Uzye tukalola uli ya kapepa yanji?
-
Uzye mukwelenganya ukuti ya Nte Yakwe Yeova a ina Klistu ya cumi?
LONDELEZYINI
Sambililini na vyuze pali vino ya Nte Yakwe Yeova yatandike.
Vino ya Nte Yakwe Yeova Yalangizye Utailo, Ciputulwa 1: Kufuma Umu Mfinzi(1:00:53)
Lolini vino ya Nte Yakwe Yeova yasokolola ivisambilizyo vya ufi.
Zanini amasuko uku mauzyo yano mungakwata pali ya Nte Yakwe Yeova.
“Mauzyo Yano Antu Yakauzya Sana Pali ya Nte Yakwe Yeova” (cipande ca pa intaneti)
Ya Stephen yapasile sana antu ankanda zyuze cakuti yayazanzanga. Sambililini icalenzile ukuti yasenuke.
“Imiyeele Yane Iipilangako Sile” (Lupungu Lwa Mulinzi, Julai 1, 2015)
a Ukufuma umu 1879, antu yakwe Yeova yatwalilila ukupanga Lupungu Lwa Mulinzi ulukalondolola vino Baibo ikasambilizya.
Limwi Mungatemwa Ukulolako na Vii
MAUZYO YANO ANTU YAKAUZYA SANA
Uzye Isambililo Lya Baibo Ali Cani?
Zanini masuko ku mauzyo pali vino tukasambilizya antu Baibo ukwaula ukuyalipilisya.
