ƐZUKOALƐDEƐ 19
Asoo Gyihova Alasevolɛ Le Nɔhalɛ Kilisienema?
Yɛle Gyihova Alasevolɛ yemɔti yɛdie yɛdi kɛ yɛle nɔhalɛ Kilisienema. Kɛmɔti ɛ? Nea mɔɔ yɛ diedi ne gyi zo, duma mɔɔ maa yɛyɛ ngakyile yɛɛ ɛlɔlɛ mɔɔ yɛlɛ yɛmaa yɛ nwo ngoko la.
1. Duzu a Gyihova Alasevolɛ diedi ne gyi zo a?
Gyisɛse hanle kɛ: “[Nyamenle] edwɛkɛ le nɔhalɛ.” (Dwɔn 17:17) Gyihova Alasevolɛ dahuu nea kɛ bɛ diedi ne gyi Nyamenle Edwɛkɛ ne azo kɛ mɔɔ Gyisɛse yɛle la. Suzu yɛ tetedwɛkɛ ne anwo nea. Wɔ 1870 ne anu, Baebolo sukoavoma ekpunli bie bɔle ɔ bo kɛ bɛneɛnlea Baebolo ne anu. Ɛnee bɛ diedi ne gyi mɔɔ Baebolo ne ka la azo, saa bɔbɔ ɔ nee mɔɔ asɔne ne mɔ kilehile la ɛnle ko a. Akee bɛhanle Baebolo ne anu nɔhalɛ ne bɛhilele awie mɔ. a
2. Duzu ati a yɛfɛlɛ yɛ nwo Gyihova Alasevolɛ a?
Gyihova fɛlɛ ye azonvolɛ kɛ ye alasevolɛ ɔluakɛ bɛka ɔ nwo nɔhalɛ edwɛkɛ. (Hibuluma 11:4–12:1) Kɛ neazo la, Nyamenle hanle hilele ye menli ne wɔ tete ne kɛ: “Bɛle me alasevolɛ.” (Kenga Ayezaya 43:10.) Bɛfɛlɛ Gyisɛse “Dasevolɛ Nɔhavo ne.” (Yekile 1:5) Ɛhye ati wɔ 1931, yɛvale duma Gyihova Alasevolɛ yɛdole yɛ nwo zo. Ɔyɛ yɛ fɛ kɛ duma zɔhane la yɛ nwo zo la.
3. Kɛzi Gyihova Alasevolɛ sukoa Gyisɛse ɛlɔlɛ ne ɛ?
Ɛnee Gyisɛse kulo ye ɛdoavolɛma kpole ɔti ɔbule bɛ kɛ ye mbusuafoɔ. (Kenga Maake 3:35.) Zɔhane ala a Gyihova Alasevolɛ ka bɛ nwo bɔ nu kɛ abusua ko wɔ ewiade amuala a. Ɛhye ati a yɛfɛlɛ yɛ nwo mediema la. (Faelimɔn 1, 2) Eza yɛdi mɛla mɔɔ se: “Bɛhulo mediema muala” la azo. (1 Pita 2:17) Gyihova Alasevolɛ dua ndenle dɔɔnwo azo da ɛlɔlɛ ɛhye ali, bie a le yɛ mediema mɔɔ wɔ ewiade amuala mɔɔ yɛboa bɛ wɔ mekɛ mɔɔ bɛhyia moalɛ la.
SUKOA DƆƆNWO
Sukoa Gyihova Alasevolɛ tetedwɛkɛ ne anwo ninyɛne dɔɔnwo na nea daselɛ bieko mɔɔ kile kɛ yɛle nɔhalɛ Kilisienema la.
Nɔhalɛ Kilisienema diedi gyi Baebolo ne azo yɛɛ bɛka nwolɛ edwɛkɛ bɛkile awie mɔ
4. Yɛ diedi ne gyi Baebolo ne azo
Gyihova hanle dole ɛkɛ ne kɛ Baebolo ne anu nɔhalɛ ne bala ali. Kenga Daneɛle 12:4, na akee bɛzuzu kpuya ɛhye anwo:
-
Duzu a “babu” Nyamenle menli ne anwo zo wɔ mekɛ mɔɔ bɛlɛkɔ zo bɛanleɛnlea Baebolo ne anu la ɛ?
Nea kɛzi Baebolo sukoavoma ekpunli bie mɔɔ Charles Russell boka nwo la zukoale Nyamenle Edwɛkɛ ne la. Ye VIDIO ne, na akee bɛzuzu kpuya ɛhye anwo.
-
Wɔ vidio ne anu, kɛzi Charles Russell nee ɔ gɔnwo mɔ Baebolo Sukoavoma zukoale Baebolo ne ɛ?
Asoo ɛze?
Ɔyɛ a yɛyɛ nzenzaleɛ bie mɔ wɔ mɔɔ yɛdie yɛdi la anu. Duzu ati ɔ? Kɛ mɔɔ ewia ne ɛlɛfinde a ɔmaa ɛleka bie yɛ wienyi ngyikyi ngyikyi la, zɔhane ala a Nyamenle maa bɛte ye Edwɛkɛ ne abo ngyikyi ngyikyi a. (Kenga Mrɛlɛbulɛ 4:18.) Ɔti Baebolo ne ɛngakyi ɛdeɛ, noko saa yɛte Baebolo ne abo kpalɛ a, yɛyɛ nzenzaleɛ wɔ mɔɔ yɛdie yɛdi la anu.
5. Yɛbɔ yɛ duma ne anwo ɛbɛla
Duzu ati a yɛfɛlɛ yɛ nwo Gyihova Alasevolɛ a? Ye VIDIO ne, na akee bɛzuzu kpuya ɛhye anwo.
-
Duzu ati a duma Gyihova Alasevolɛ fɛta a?
Duzu ati a Gyihova ɛkpa menli kɛ ye alasevolɛ a? Amaa bɛamaa menli anwu ye kɛ yemɔ a le nɔhalɛ Nyamenle ne a, ɔluakɛ bɛha ɔ nwo adalɛ edwɛkɛ dɔɔnwo. Nea adalɛ edwɛkɛ ɛhye mɔ anu nwiɔ.
Ɛzonlenlɛ bie mɔ kilehile bɛ menli ne kɛ Nyamenle kpondɛ kɛ bɛdua ananze nwo zo bɛsonle ye. Noko akee, kenga Lɛvitikɔso 26:1, na akee bɛzuzu kpuya ɛhye mɔ anwo:
-
Nɔhalɛ ne a le boni? Kɛzi Gyihova bu ananze mɔɔ bɛdua zo bɛsonle ye la ɛ?
Ɛzonlenlɛ nu mgbanyima bie mɔ kilehile kɛ Gyisɛse le Nyamenle. Noko akee, kenga Dwɔn 20:17, na akee bɛzuzu kpuya ɛhye mɔ anwo:
-
Nɔhalɛ ne a le boni? Asoo Gyisɛse ɔdaye ko ne ala a le Nyamenle?
-
Kɛkala mɔɔ wɔnwu kɛ Gyihova ɛzoa ye Alasevolɛ kɛ bɛha ɔdaye nee ɔ Ra ne anwo nɔhalɛ edwɛkɛ bɛhile menli la, kɛzi ɔmaa ɛte nganeɛ ɛ?
6. Yɛkulo yɛ nwo
Baebolo ne fa Kilisienema toto sonlabaka ne nvɛyeba ne mɔ anwo. Kenga 1 Kɔlentema 12:25, 26, na akee bɛzuzu kpuya ɛhye mɔ anwo:
-
Duzu a ɔwɔ kɛ nɔhalɛ Kilisienema yɛ wɔ mekɛ mɔɔ Kilisienema bie mɔ ɛlɛnwu amaneɛ la ɛ?
-
Duzu a wɔyɛ ye nzonlɛ wɔ ɛlɔlɛ mɔɔ wɔ Gyihova Alasevolɛ avinli la anwo a?
Saa Gyihova Alasevolɛ bie mɔ ɛlɛnwu amaneɛ wɔ ewiade ɛleka bie a, bɛ gɔnwo mɔ Alasevolɛ mɔɔ wɔ ewiade amuala la boa bɛ. Amaa wɔanwu nwolɛ neazo ko la, ye VIDIO ne. Akee bɛzuzu kpuya ɛhye anwo.
-
Kɛzi moalɛ gyima mɔɔ Gyihova Alasevolɛ yɛ la kile kɛ bɛlɛ ɛlɔlɛ ɛ?
Nɔhalɛ Kilisienema da ɛlɔlɛ ali kile menli mɔɔ hyia moalɛ la
BIE MƆ KA KƐ: “Gyihova Alasevolɛ ɛzonlenlɛ ne rale la ɛtɛkyɛle.”
-
Mekɛ boni a Gyihova bɔle ɔ bo kɛ ɔfɛlɛ ye azonvolɛ ye alasevolɛ a?
EDWƐKƐ TITILI
Gyihova Alasevolɛ le nɔhalɛ Kilisienema. Yɛbɔ nu yɛsonle kɛ abusua ko wɔ ewiade amuala. Yɛ diedi ne gyi Baebolo ne azo yɛɛ yɛka Gyihova anwo nɔhalɛ ne yɛkile menli.
Ndinu
-
Duzu ati a yɛfɛlɛ yɛ nwo Gyihova Alasevolɛ a?
-
Kɛzi yɛ nee yɛ nwo di ɛ?
-
Ɛnea a Gyihova Alasevolɛ le nɔhalɛ Kilisienema ɔ?
KPONDƐ DƆƆNWO
Sukoa yɛ tetedwɛkɛ ne anwo ninyɛne dɔɔnwo.
Gyihova Alasevolɛ—Bɛda Diedi Ali, Foa 1: Bɛvi Awozinli Nu (1:00:53)
Nea kɛzi Gyihova Alasevolɛ ɛmaa yela ali kɛ ngilehilelɛ bie mɔ le adalɛ la anwo neazo.
Nea kpuya mɔɔ bie a ɛlɛ wɔ Gyihova Alasevolɛ anwo la anwo mualɛ.
“Gyihova Alasevolɛ Anwo Kpuya Mɔɔ Menli Ta Biza” (foa mɔɔ wɔ jw.org azo)
Ɛnee Stephen boka menli bie mɔɔ kulo basabasayɛlɛ la anwo. Nea mɔɔ ɔnwunle ye wɔ Gyihova Alasevolɛ anwo mɔɔ maanle ɔhakyile ye adwenle la.
“Ɛnee Me Ɛbɛlabɔlɛ Ne Ɛlɛsɛkye Bɔkɔɔ” (Ɛzinzalɛ Arane, July 1, 2015)
a Yɛ magazine titili, Ɛzinzalɛ Arane ne ɛhɔ zo ɛhilehile Baebolo ne anu nɔhalɛ ne ɔvi 1879.
Bie A Eza Ɛ Nye Balie
KPUYA MƆƆ MENLI TA BIZA
Baebolo Ɛzukoalɛ Nwo Ngyehyɛleɛ Boni A Gyihova Alasevolɛ Yɛ A?
Wɔ Baebolo ɛzukoalɛ nwo ngyehyɛleɛ mɔɔ Gyihova Alasevolɛ ɛyɛ mɔɔ ɛndua ɛhwee la anu, ɛbahola wɔava Baebolo ngilebɛbo mɔɔ ɛ nye die nwo wɔali gyima. Saa ɛkulo kɛ ɛto ɛ sa ɛfɛlɛ wɔ abusua ne yɛɛ ɛ gɔnwo mɔ a, ɛbahola wɔayɛ zɔ.
