RÄ LECCIÓN 19
Xi yä testigo rä Jeoba, ¿xa mäjuäni de̱mbäbi rä mꞌu̱i Ñhesukristo?
Yä testigo rä Jeoba di ꞌmu̱ihe kombensido ge xa mäjuäni dyä kristianuhe. Ha nunä lección ma gä thädihu̱ nuya yä ntꞌani: ¿Por hanja di ꞌmu̱ihe kombensido? ¿Habu̱ habu̱ di hähe o habu̱ di ju̱kihe näꞌä di kamfrihe? ¿Por hanja xtä huahnihe dä tꞌengägihe yä testigo rä Jeoba? ¿Hanja di nheki ge yä testigo rä Jeoba udi näꞌä rä mhäte bi ꞌñudi rä Hesu?
1. ¿Habu̱ bi hä o habu̱ ju̱ki näꞌä kamfri yä testigo rä Jeoba?
Nꞌa rä pa rä Hesu bi ꞌñembäbi Äjuä: «Ri noya geꞌä mäjuäni» (Juan 17:17). Yä testigo rä Jeoba di de̱mbäbihe rä ejemplo rä Hesu: Di ju̱kihe ha rä Biblia näꞌä di kamfrihe ꞌne näꞌä di utihe yä zi jäꞌi. Pe, ¿hämꞌu̱ bi mu̱di bi fädi yä testigo rä Jeoba? Po rä je̱ya 1870, bi nheki mänꞌaki nuꞌu̱ xa mäjuäni yä kristianu. Näꞌä rä je̱yaꞌä, bi mu̱di bi muntsꞌi nꞌa rä zi tꞌu̱kä grupo bi fädi ngu yä Estudiantes de la Biblia. Nuyu̱ yä zi jäꞌi bi muntsꞌi pa dä bädi näꞌä xa mäjuäni udi rä Noya Äjuä. Nunä grupo bi mu̱di bi gamfri ꞌne bi me̱fi ho̱nse̱ näꞌä xa mäjuäni udi rä Biblia, mäske ha yä nijä nꞌañꞌo näꞌä mi tꞌudi. ꞌNepu̱ bi mu̱di bi ꞌñuti märꞌa yä zi jäꞌi näꞌä xki dini ha rä Biblia. a
2. ¿Por hanja xtä huahnihe dä tꞌengägihe yä testigo rä Jeoba?
Rä Zi Dada Jeoba embäbi yä testigo nuꞌu̱ yä jäꞌi mängä näꞌä mäjuäni de Geꞌä (Hebreos 11:4–12:1, TNM). Por ejemplo, mäyaꞌmu̱ Äjuä bi ꞌñembäbi näꞌä rä hnini: «Nuꞌähu̱, go mä testigoꞌihu̱» (hñeti Isaías 43:10). Rä Biblia ꞌnehe enä: «Ñhesukristo, näꞌä rä Testigo rä Hogä Yꞌo̱de» (Apocalipsis 1:5, TNM). Po rängeꞌä, ha rä je̱ya 1931 dä huahnihe dä tꞌengägihe yä testigo rä Jeoba. Pa gekhe, ¡xi nꞌa rä däta nsu gä häꞌspäbihe rä thuhu Äjuä!
3. ¿Hanja di nheki ge yä testigo rä Jeoba udi näꞌä rä mhäte bi ꞌñudi rä Hesu?
Rä Hesu xa bi mädi nuꞌu̱ yä zi jäꞌi mi de̱ni ꞌne mi handi ngu de rä familia (hñeti Marcos 3:35). Njabu̱ ꞌnehe, gatꞌho nuꞌu̱ yä testigo rä Jeoba ꞌmu̱i po gatꞌho rä Xiꞌmhai ꞌñenä di mfamiliahe. Po rängeꞌä ora di ze̱njuahe mä nꞌa rä Testigo, di embäbihe zi «ku» o zi «nju» (Filemón 1, 2). ꞌNehe di jamäsuhe nunä rä mhända uni rä Biblia ora enä: «Mädihu̱ gatꞌho yä ku» (1 Pedro 2:17). Yä testigo rä Jeoba di o̱tꞌehe ntsꞌe̱di po gä pe̱fihe nunä mhända, ꞌne di fatsꞌihe mä kuhe ora thogi yä xuñha mäske nuꞌu̱ bi ꞌmu̱i ha mä nꞌa rä luga de rä Xiꞌmhai.
HANJA DÄ ZA DÄ MAXꞌÄꞌI RÄ NOYA ÄJUÄ
Ma gä handihu̱ dende hämꞌu̱ bi fäkägihe ngu yä testigo rä Jeoba. ꞌNehe, hyandi te mä prueba ja ge nuje xa mäjuäni di de̱mbäbihe rä mꞌu̱i rä Kristo.
Nuꞌu̱ xa mäjuäni yä kristianu ju̱ki ha rä Biblia näꞌä kamfri ꞌne uti märꞌa de gehnä.
4. Di xo̱kämbenihe Äjuä ja ngu udi rä Biblia
Dende mäyaꞌmu̱ rä Zi Dada Jeoba ya xki mää ge rä hnini, ma xä zo̱ho̱ xä ntiende mänꞌa xä ñho näꞌä udi rä Mäkä Tꞌofo. Hñetihu̱ Daniel 12:4, ꞌnepu̱ thädihu̱ nunä rä ntꞌani:
-
¿Te me̱ꞌä näꞌä ma xä «zo̱ho̱ xi xä ndunthi» ha rä hnini Äjuä?
Hyandi hanja mi nxadi rä Biblia Charles Russell ko näꞌä grupo mi fädi ngu yä Estudiantes de la Biblia. Yꞌe̱ntsꞌihu̱ rä BIDEO, ꞌnepu̱ thädihu̱ nunä rä ntꞌani:
-
Ja ngu dä handihu̱ ha rä bideo, ¿hanja mi japäbi pa mi nxadi rä Biblia Charles Russell ꞌne nuꞌu̱ yä Estudiantes de la Biblia?
¿Gi pädi?
Rꞌabu̱ xä ja mꞌe̱di gä korrejihe rꞌa mä jamfrihe. Näꞌä udi rä Biblia xtä ntiendehe rꞌamätsꞌu̱u̱ ꞌne xä zitsꞌi rä tiempo. Por ejemplo, ¿xkä handi hanja po̱ni rä Hyandi kada nꞌa rä pa? Po̱ni rꞌamätsꞌu̱u̱: Mꞌe̱tꞌo xa rä mꞌe̱xui, pe ngu thogi yä ora, rꞌamätsꞌu̱ yꞌo ri nheki rä hyaꞌtsi ꞌne mꞌe̱fa ya dä bo̱ni rä Hyadi. Njabu̱ ꞌnehe, rä Zi Dada Jeoba rꞌamätsꞌu̱ xä maxkägihe gä ntiendehe näꞌä udi rä Biblia (hñetihu̱ Proverbios 4:18). Näꞌä udi rä Biblia nunka di mpadi. Hänge ora di dahe ngue̱nda ge nꞌa rä ntꞌudi hixti ntiendehe xä ñho, di ꞌmu̱ihe dispuesto gä korrejihe.
5. Di pe̱fihe näꞌä pe̱fi nꞌa rä testigo
¿Por hanja dä desidihe dä tꞌengägihe yä testigo rä Jeoba? Yꞌe̱ntsꞌihu̱ rä BIDEO, ꞌnepu̱ thädihu̱ nunä rä ntꞌani:
-
¿Por hanja dä huahnihe dä tꞌengägihe yä testigo rä Jeoba?
¿Por hanja rä Zi Dada Jeoba xä huahni rꞌa yä jäꞌi pa dä ntestigo de Geꞌä? Koꞌmu̱ xä mhängä ndunthi yä nkꞌuamba de rä Zi Dada Jeoba, hänge näꞌä xä huahni nuꞌu̱ yä jäꞌi xä zo̱ho̱ xä bädi xä ñho toꞌoꞌä, pa njabu̱ dä defendebi rä thuhu ꞌne dä ꞌñudi näꞌä xa mäjuäni de Geꞌä. Ma gä handihu̱ ho̱nse̱ yoho de nuya yä nkꞌuamba xä mhängä de Äjuä.
Nꞌaa, rꞌa yä relijion udi ge mähyoni gä usahu̱ yä imagen o yä santo pa gä xo̱kämbenihu̱ Äjuä. ¿Pe mäjuäni geꞌä udi rä Biblia? Hñetihu̱ Levítico 26:1, ꞌnepu̱ thädihu̱ nunä rä ntꞌani:
-
¿Te di mbeni rä Zi Dada Jeoba de yä imagen ꞌne yä idolo?
Yoho, rꞌa yä relijion udi ge rä Hesu go geꞌä Äjuä. ¿Pe mäjuäni geꞌä udi rä Biblia? Hñetihu̱ Juan 20:17, ꞌnepu̱ thädihu̱ nuya yä ntꞌani:
-
¿Udi rä Biblia ge Äjuä ꞌne rä Hesu nꞌadä rä jäꞌi?
-
Rä Zi Dada Jeoba xä me̱hni yä Testigo pa dä ꞌñuti yä jäꞌi näꞌä mäjuäni de Geꞌä ꞌne de rä Tꞌu̱. ¿Te jaꞌi gi senti ora gi pädi njabu̱?
6. Di mädihe nꞌa ngu mänꞌaa
Rä Biblia enä ge gatꞌho nuꞌu̱ xa mäjuäni yä kristianu, ꞌñenä nꞌatho rä ndoyꞌo. Hñetihu̱ 1 Corintios 12:25, 26, ꞌnepu̱ thädihu̱ nuya yä ntꞌani:
-
¿Te pe̱fi nuꞌu̱ xa mäjuäni yä kristianu ora handi ge nꞌa de nuꞌu̱ yä ku di sufri?
-
Xi nuꞌi, ¿hanja xkä handi ge yä testigo rä Jeoba di mädi nꞌa ngu mänꞌaa?
Ora yä testigo rä Jeoba de nꞌa rä luga thogi yä xuñha ꞌne di sufri, nuꞌu̱ märꞌa yä testigo rä Jeoba ꞌmu̱i po gatꞌho rä Xiꞌmhai ꞌnehe di sufri kongeꞌu̱ ꞌne nguntꞌä honi hanja dä umbäbi rä mfatsꞌi. Pa gä handihu̱ nꞌa rä ejemplo yꞌe̱ntsꞌihu̱ rä BIDEO. ꞌNepu̱ thädihu̱ nunä rä ntꞌani:
-
¿Hanja udi rä mhäte yä testigo rä Jeoba ora yä ku di ñhandui yä bu̱nthi yꞌee o märꞌa yä xuñha?
Nuꞌu̱ xa mäjuäni yä kristianu udi rä mhäte ꞌne fatsꞌi nuꞌu̱ thogi yä xuñha.
RꞌA YÄ JÄꞌI ENÄ: «Yä testigo rä Jeoba ja getya xä fädi».
-
¿Dende hämꞌu̱ rä Zi Dada Jeoba bi ꞌñembäbi yä Testigo nuꞌu̱ yä ꞌme̱go?
NÄꞌÄ DÄ PÄDIHU̱
Yä testigo rä Jeoba go geꞌu̱ xa mäjuäni yä kristianu ngeꞌä de̱mbäbi rä mꞌu̱i rä Hesu. Näꞌä di kamfrihe ꞌne näꞌä di udihe di ju̱kihe de ha rä Biblia. ꞌNehe di utihe märꞌa yä jäꞌi de rä Zi Dada Jeoba. Yä testigo rä Jeoba di mädihe nꞌa ngu mänꞌaa, ꞌñenä di mfamiliahe.
Pa gä benihu̱
-
¿Por hanja dä huahnihe dä tꞌengägihe yä testigo rä Jeoba?
-
¿Hanja di udihe ge di mädihe nꞌa ngu mänꞌaa?
-
Xi nuꞌi, ¿gi kamfri ge yä testigo rä Jeoba go geꞌu̱ xa mäjuäni yä kristianu? ¿Por hanja?
HABU̱ DÄ ZA GI PÄDI MÄ NꞌA TU̱I
Pädi mä nꞌa tu̱i näꞌä xä thogi yä testigo rä Jeoba.
Yä testigo rä Jeoba: Näꞌä xä me̱fi ꞌne näꞌä xä thogi. Parte 1: Bi bo̱ni de rä ꞌme̱xui (1:00:53)
Hyandi nꞌa rä ejemplo de hanja yä testigo rä Jeoba hinxä ntsu xä mää te mä nkꞌuamba xä ꞌñudi de Äjuä nuꞌu̱ yä hyate relijion.
Hyandi rꞌa de nuꞌu̱ yä ntꞌani o̱tꞌe yä jäꞌi de yä testigo rä Jeoba.
«Näꞌä di ñꞌani yä jäꞌi de yä testigo rä Jeoba» (Ehe ha jw.org)
Stephen xa mi u̱tsa yä jäꞌi de märꞌa yä rasa ꞌne mi o̱tꞌe yä delito. Hyandi hanja nuꞌmu̱ bi bädi de yä testigo rä Jeoba, geꞌä bi japäbi bi paati rä mꞌu̱i.
«Xa xmä ntsꞌo näꞌä mä mꞌu̱i ndi pe̱ꞌtsi» (La Atalaya, 1 de julio de 2015)
a Dende rä je̱ya 1879 asta mäpaya, yä testigo rä Jeoba xä gu̱ki rä revista La Atalaya habu̱ esplika näꞌä udi rä Biblia.
Puede que también le interese
NÄꞌÄ DI ÑꞌANI YÄ JÄꞌI
¿Tengu nuꞌu̱ yä curso de rä Mäkä Tꞌofo uni yä testigo rä Jeoba?
Ora ma gi hñäni ri curso, nuꞌi dä za gi usa näꞌä rä Biblia go gi ne. ꞌNehe dä za gi mbitabi ri familia o nuꞌu̱ ri amigo pa dä nxadi rä Biblia kongeꞌi.
