19 EL SUOBEL
A Resioning er a Jehovah Te Mera el Kristiano?
Kemam el Sioning er a Jehovah oumerang el kmo aki mera el Kristiano. E ngerang? Molatk er a uchetemel a klaumerang er kemam, ngakl el eklemam, me a bltikerreng er a delongelam.
1. A klaumerang er a Resioning er a Jehovah ngmengai a uchetemel er a ngerang?
A Jesus a dilu el kmo: “A [tekingel a Dios] a klemerang.” (Johanes 17:17) A Resioning er a Jehovah a di ua Jesus el uchetemel a klaumerang er tir a mengai er a Tekingel a Dios. Molatk er a reksi er kemam. A kekerei el cheldebechel er a rechad er sera bekord el 1870 a dilak el kerekikl el merriter er a Biblia. Me te mlo oumerang aike el lesiluub er a Biblia, alta ngmle kebosech er aike el lullisechakl a remengeteklel a klechelid. E uluuchais aika el klemerang el mora rechad. a
2. Ngera uchul me aki omekedong er kemam el Resioning er a Jehovah?
Jehovah omekedong er a remesiungel el sioning er ngii le te ouchais a klemerang el kirel. (Hebru 11:4–12:1) El ua tiang, a irechar e a Dios a dilu er a rechedal el kmo: “Kemiu a sioning er ngak.” (Monguiu er a Isaia 43:10.) A Jesus okedongall el “Blak a Rengul el Sioning.” (Ocholt 1:5, NW) Sei a uchul me a 1931 e aki ngileltii a ngakl el Resioning er a Jehovah. Aki kmal lomes er ngii el chetengakl loungakl er tia el ngakl.
3. Ngmekera Resioning er a Jehovah loukerebai er a bltikerreng er a Jesus?
Jesus a kmal mle betik a rengul er a redisaiplo er ngii me te mle ua le telungalek er ngii. (Monguiu er a Markus 3:35.) Ngdi osisiu, a Resioning er a Jehovah er a beluulechad er rokir a chimo el telungalek. A uchul a ki kaukedong el odam me a odos. (Filemon 1, 2) Aki dirrek loltirakl er tia el bades el kmo: “Bo le betik a rengmiu er a re chedal a Dios el mdak el oumerang.” (1 Petrus 2:17) Me a Resioning er a Jehovah olecholt er tia el bltikerreng el ngar er a betok el rolel, el ua sel lolengeseu er a rudam me a rudos el meliuekl er a beluulechad el rokir sel bo lousbech a ngeso.
BOM DMOLECH EL MERRITER
Momes er a reksi er a Resioning er a Jehovah el mo mes a ochotel a kmo aki mera el Kristiano.
A remera el Kristiano a mengai a uchetemel a klaumerang er tir er a Biblia e omerk er a klemerang el mora rechad
4. Aike el ki moumerang a mengai a uchetemel er a Biblia
Jehovah ulemlaoch el kmo a klemerang er a Biblia a mo obeketakl. Monguiu er a 2 Korinth 4:6, BT e mosaod er tia el ker:
-
Ngera mo ‘obeketakl’ sel lorriter er a Biblia rechedal a Dios?
Molatk er a rolel e a kekerei el cheldebechel er a rechad el mle uldimukl er ngii a Charles Russell, a milsuub a Tekingel a Dios. Momes er a VIDEO e mosaod er tia el ker.
-
Ngmilekera Charles Russell me a rubengkel a losuub er a Biblia?
Ke medengei el kmo ngerang?
A lebebil e ngkiram el melodech a bebil klaumerang er kemam. E ngerang? Ngdi ua ngesechel a sils el mekekokil lomekllomes er a klebokel el ues, a Dios me ngdirrek el mekekokil lomeketakl a Tekingel. (Monguiu er a Osisechakl 4:18.) Me alta Biblia diak el lemengodech, engdi ki melodech a klaumerang er kemam sel lemukeroul a klemedengei er kemam er a Biblia.
5. Aki kiei loltirakl er a ngklam
Ngera uchul me aki ngiluu tia el ngakl el Resioning er a Jehovah? Momes er a VIDEO e mosaod er tia el ker.
-
Ngera uchul me a ngakl el Resioning er a Jehovah a chatter?
Ngera uchul me a Jehovah mla ngiltiterir a rechad el mo sioning er ngii? Le ngbetok a blulak el medung el kirel, me a rechedal a omeketakl el kmo, ngdi ta el mera el Dios. Ka molatk a teblo er aika el blulak.
A bebil klechelid a olisechakl er a rechederir el kmo a Dios a soal a dousbech a bleob el mengull er ngii. Me nguaisei, monguiu er a Levitikus 26:1 e mosaod aika el ker:
-
Ngngerang a klemerang? Ngua ngera uldesuel a Jehovah el kirel a bleob?
A rebebil er a mengeteklel a klechelid olisechakl el kmo a Jesus a Dios. Me nguaisei, monguiu er a Johanes 20:17 e mosaod aika el ker:
-
Ngngerang a klemerang? A Dios me a Jesus te di osisiu el chad?
-
Ngmo uangerang a uldesuem sel modengei el kmo, a Jehovah mla oderecheterir a Resioning er ngii el mo omerk er a klemerang el kirel ngii me a Ngelekel?
6. Ngbetik a rengmam er a rudam me a rudos er kemam
A Biblia omekesiu er a Rekristiano el mora kakerous el klekedellel a bedengel a chad. Monguiu er a 1 Korinth 12:25, 26 e mosaod aika el ker:
-
Ngera kirir a remera el Kristiano el meruul sel bo lechuarm a rekuk bebil Kristiano?
-
Ngera ke mtebengii er a bltikerreng er a delongelir a Resioning er a Jehovah?
A Resioning er a Jehovah sel bo lechuarm a rebebil er tir el Sioning er aike el kuk bebil er a beluu er a beluulechad, e te di mereched el melasem el mo olengeseu er tir. A lsoam el mesa ta er a olechotel e momes er a VIDEO. E mosaod er tia el ker.
-
Ngmekera urerir a Resioning er a Jehovah lolengeseu e ochotii a bltikerreng?
A remera el Kristiano olecholt er a bltikerreng el mo er tirke lousbech a ngeso
A REBEBIL A KMO: “A Resioning er a Jehovah a beches el klechelid.”
-
A Jehovah ngulemuchel er oingerang loleker er a remengull er ngii el sioning er ngii?
SUMMARY
A Resioning er a Jehovah a mera el Kristiano. Kede chimo el telungalek er a beluulechad el rokir, el klaumerang er kid a mengai a uchetemel er a Biblia e omerk er a klemerang el kirel a Jehovah.
Review
-
Ngera uchul me kede ngiluu tia el ngakl el Resioning er a Jehovah?
-
Ngua ngera omerelled el mora rudam me a rudos er kid?
-
Omomdasu e a Resioning er a Jehovah te mera el Kristiano?
A LSEBECHEM E MOMES
Bo modengei a lmuut el betok el kirel a reksi er kemam.
Jehovah’s Witnesses—Faith in Action, Part 1: Out of Darkness (1:00:53)
Mesa ta er a olechotel e a Resioning er a Jehovah mla ocholt a klsuul osisechakl.
Mngai a nger er a kerim el kirir a Resioning er a Jehovah.
“Frequently Asked Questions About Jehovah’s Witnesses” (web page)
Stephen a kmal uluuketui er a rechad er a ngodech el beluu me ngmillemall er tir. Bo modengelii a lilsang er a Resioning er a Jehovah el rirellii el mo melodech a blekerdelel.
“My Life Was Going From Bad to Worse” (The Watchtower, July 1, 2015)
a Ngulemuchel er a 1879 el mei e a Resioning er a Jehovah oltobed er a A Ongkerongel louchais a klemerang er a Biblia.
