19. KAPITEL
Sent Jehova siene Zeijen woare Christen?
Wie Jehova siene Zeijen jleewen, daut wie woare Christen sent. Wuarom? Unjasto die mol, wuarom wie ons soo nanen un opp waut wie onse Glooweslieren stetten un uk woo wie ons unjarenaunda Leew wiesen.
1. Opp waut stetten Jehova siene Zeijen äare Glooweslieren?
Jesus säd to Gott: “Dien Wuat es de Woarheit” (Johanes 17:17). Jesus stett siene Lieren emma opp Gott sien Wuat un Jehova siene Zeijen doonen daut uk emma soo. Unjasto die mol onse Jeschicht: Rom daut Joa 1870 funk eene Grupp opprechtje Menschen aun, enne Schreft no de Woarheit to sieekjen. Dee stetten äare Lieren gaunz oppe Schreft, krakjt endoont wan de Kjoakjen uk waut aundret lieeden. Un waut see rutfungen, vetalden see aundre. a
2. Wuarom nan wie ons Jehova siene Zeijen?
Jehova nant siene Deena siene Zeijen, wiels dee aundre de Woarheit von am vetalen (Hebräa 11:4-40; 12:1, JHF). En de Bibeltiet säd Gott biejlikj to sien Volkj: “Jie sent miene Zeijen” (läs Jesaja 43:10, JHF). Von Jesus wort uk jesajcht, daut “sien Zeichnis tru es” (Openboarunk 1:5). Doawäajen nan wie ons uk vonne 1931 aun Jehova siene Zeijen. Un wie sent schaftich, daut wie dän Nomen haben.
3. Woo wiesen Jehova siene Zeijen Leew, soo aus Jesus deed?
Jesus leewd siene Jinja soo sea, daut dee fa am soo wieren aus siene Famielje (läs Markus 3:35). Jehova siene Zeijen sent uk oppe gaunze Welt veeent soo aus eene Famielje. Krakjt doawäajen nan wie ons uk Breeda un Sestren (Filemon 1-2). Wie hoolen ons uk aun daut Jeboot: “Siet de Breeda goot” (1. Petrus 2:17). Biejlikj wiesen Jehova siene Zeijen äare Gloowesbreeda oppe gaunze Welt doaderch Leew, daut see dee halpen, wan dee daut fält.
DOLLA UNJASTONEN
Lia mea von Jehova siene Zeijen äare Jeschicht un woo du weeten kaust, daut wie woare Christen sent.
Woare Christen stetten äare Glooweslieren oppe Schreft un vetalen aundre doavon
4. Wie stetten onse Lieren oppe Schreft
Jehova säd verut, daut de Woarheit ut de Schreft emma kloara wudd to vestonen sennen. Läst Daniel 12:4 (JHF) un dan got toop dise Froag derch:
-
Waut wudd sikj mank Gott sien Volkj “vemieren”, wan dee sikj de Schreft wudden dolla unjastonen?
Kjikj mol, woo eene Grupp Bibelforscha, wua uk Charles Russell mank wia, Gott sien Wuat studieren deed. Kjikjt daut VIDEO un dan got toop de Froag derch, waut hia aunjejäft es.
-
Woo deeden Charles Russell un dee, waut met am toop wieren, de Schreft studieren, soo aus daut Video wees?
Hast du daut jewist?
Eenjemol hab wie onse Lieren jeendat. Woosoo? Soo aus bie Sonnenoppgank emma mea to seenen jeit, soo lat Gott uk sien Wuat soo bie sacht emma kloara woaren (läs Spricha 4:18). De Schreft endat sikj nich, oba wie endren onse Lieren, wan wie de Schreft kloara vestonen kjennen.
5. Wie doonen daut, waut ons Nomen sajcht
Wuarom nan wie ons Jehova siene Zeijen? Kjikjt daut VIDEO un dan got toop de Froag derch, waut hia aunjejäft es.
-
Wuarom es de Nomen Jehova siene Zeijen paussent?
Wuarom haft Jehova sikj Menschen jewält toom siene Zeijen sennen? Na, dee wudden daut kloa moaken, daut hee de woara Gott es, wiels doa sent soo väl Läajes von am vetalt worden. See mol een poa von dee Läajes.
Eenje Gloowesleidasch lieren äare Menschen, daut Gott derch Bilda aunjebät mott. Oba läst mol 3. Mose 26:1 un dan got toop dise Froagen derch:
-
Waut es de Woarheit? Woo denkjt Jehova äwa Aufjettarie?
Eenje Gloowesleidasch lieren, daut Jesus Gott es. Oba läst mol Johanes 20:17 un dan got toop dise Froagen derch:
-
Waut es de Woarheit? Sent Gott un Jesus eent un deeselwja?
-
Waut helst du doavon, daut Jehova derch siene Zeijen de Woarheit äwa am un sienen Sän bekauntmoakt?
6. Wie leewen ons unjarenaunda
De Schreft vejlikjt de Christen met de veschiedne Poats von eenen Kjarpa. Läst 1. Korinta 12:25-26 un dan got toop dise Froagen derch:
-
Waut sull een woara Christ doonen, wan een aundra Christ lieden mott?
-
Waut hast du kunt beoobachten, woo Jehova siene Zeijen sikj unjarenaunda Leew wiesen?
Wan Jehova siene Zeijen opp eene Städ oppe Welt schwoaret beläwen, dan proowen de aundre Zeijen fuaz to halpen. Kjikjt doatoo daut VIDEO. Dan got toop de Froag derch, waut hia aunjejäft es.
-
Woo wiest daut Leew, wan Jehova siene Zeijen sikj unjarenaunda en schwoare Tieden uthalpen?
Woare Christen sent reed, aundre to halpen, wan dee daut fält
WAUT EENJE SAJEN: “Jehova siene Zeijen sent noch mau korz oppjekomen.”
-
Von wanea haft Jehova siene Deena aul emma Zeijen jenant?
KAPITEL TOOPJEFOT
Jehova siene Zeijen sent woare Christen. Wie deenen Gott oppe gaunze Welt veeent soo aus eene Famielje. Wie stetten onse Lieren oppe Schreft un moaken de Woarheit von Jehova bekaunt.
Waut hast du jelieet?
-
Wuarom nan wie ons Jehova siene Zeijen?
-
Woo behaundel wie ons unjarenaunda?
-
Jleefst du, sent Jehova siene Zeijen woare Christen?
MEA NOSIEEKJEN
Lia mea von onse Jeschicht.
Jehova siene Zeijen: Gloowen, waut sikj derch Woakjen wiest, Poat 1: Utem diestren jerat (1:00:53)
Kjikj mol, woo Jehova siene Zeijen faulsche Lieren opjedakjt haben.
See, woo daut met de Froagen steit, waut du veleicht äwa Jehova siene Zeijen hast.
“Waut foaken äwa Jehova siene Zeijen jefroacht woat” (Eene Sied opp jw.org)
Stephen behaundeld aundre Sorten Menschen sea hunjsch. Läs, waut hee bie Jehova siene Zeijen sach, waut am holp, sikj to endren.
“Met mien Läwen jinkj daut Loch en” (De Woaktorm, 1. Juli 2015)
a Von 1879 aun haben Jehova siene Deena dän Woaktorm rutjejäft, waut daut erkjläat, waut de Bibel sajcht.
Veleicht jleichst du uk dit
WAUT FOAKEN JEFROACHT WOAT
Woo es een Bibelstudium met Jehova siene Zeijen?
Wan Jehova siene Zeijen emsonst met die de Bibel studieren, dan kaust du soone Bibel brucken, aus du west. Doa kaun diene gaunze Famielje met bie sennen un uk Frind, wan du dee enloden west.
