سبق نمبر 19
کیہہ یہوواہ دے گواہ سچے مسیحی نیں؟
جی بالکل۔ اَسی مننے آں کہ اَسی سچے مسیحی آں۔ پر اَسی ایہہ کیوں مننے آں؟ ایس گل نُوں سمجھن لئی غور کرو کہ ساڈے عقیدیاں دی بنیاد کیہہ اے، ساڈا ناں یہوواہ دے گواہ کیوں اے تے اَسی اپنے بھین بھراواں نال ایناں پیار کیوں کرنے آں۔
1. ساڈے عقیدیاں دی بنیاد کیہہ اے؟
یسوع مسیح نے کہیا کہ خدا دا کلام سچائی اے۔ (یوحنا 17:17) یسوع مسیح دی تلیم وانگوں یہوواہ دے گواہواں دے عقیدیاں دی بنیاد وی خدا دا کلام اے۔ غور کرو کہ ساڈی تریخ توں ایس بارے کیہہ پتہ چلدا اے۔ لگبھگ 1870 چ کجھ لوکاں نے بائبل تے تحقیق کرنی شروع کیتی۔ اوہناں نے اپنا ناں بائبل سٹوڈنٹس رکھیا۔ اوہ صرف اوہناں گلاں نُوں من دے سن جیہڑیاں بائبل دے مطابق سن بھانویں کہ اوہ چرچ دی تلیم توں فرق سن۔ اوہ جو کجھ سکھدے سن اوہدے بارے اوہناں نے دُوجیاں نُوں وی دَسنا شروع کر دِتا۔ a
2. ساڈا ناں یہوواہ دے گواہ کیوں اے؟
یہوواہ خدا اپنے بندیاں نُوں اپنے گواہ ایس لئی کہندا اے کیونکہ اوہ دُوجیاں نُوں اوہدے بارے سچائی دَسدے نیں۔ (عبرانیوں 11:4–12:1) پرانے وقتاں چ وی یہوواہ نے اپنے بندیاں نُوں کہیا سی کہ تُسی میرے گواہ او۔ (یسعیاہ 43:10 نُوں پڑھو۔) یسوع مسیح نُوں وی پاک کلام چ وفادار گواہ کہیا گیا اے۔ (مکاشفہ 1:5) ایس لئی 1931 چ اَسی اپنا ناں بائبل سٹوڈنٹس توں بدل کے یہوواہ دے گواہ رکھ لیا۔ سانوں بڑا مان اے کہ اَسی یہوواہ دے ناں توں کہلانے آں۔
3. اَسی یسوع مسیح ورگی محبت کیویں ظاہر کرنے آں؟
یسوع مسیح اپنے شاگرداں نُوں اپنے خاندان دے جیاں وانگوں پیار کردا سی۔ (مرقس 3:35 نُوں پڑھو۔) اَج پوری دُنیا چ پھیلے ہوئے یہوواہ دے گواہ وی اِک وڈے خاندان وانگوں نیں۔ ساڈا پیار تے ایکا بےمثال اے۔ ایسے لئی اَسی اِک دُوجے نُوں بھین بھرا کہنے آں۔ (فلیمون 1، 2) اَسی ایس حکم تے وی عمل کرنے آں کہ سارے ہم ایماناں نال محبت کرو۔ (1-پطرس 2:17) اَسی اپنے بھین بھراواں لئی فرق فرق طریقیاں نال محبت ظاہر کرنے آں جیویں کہ اَسی ضرورت دے ویلے پوری دُنیا چ اپنے ہمایماناں دی مدد کرنے آں۔
ہور سوچوچار لئی
یہوواہ دے گواہواں دی تریخ تے غور کرو تے ویکھو کہ کیہڑیاں گلاں توں ثابت ہوندا اے کہ اَسی سچے مسیحی آں۔
سچے مسیحیاں دے عقیدیاں دی بنیاد بائبل اے تے اوہ ایہناں بارے دُوجیاں نُوں وی دَسدے نیں۔
4. ساڈے عقیدیاں دی بنیاد بائبل اے
یہوواہ خدا نے پیشینگوئی کیتی سی کہ اوہدے بندے پاک کلام دِیاں سچائیاں نُوں ہور چنگی طرحاں سمجھ جان گے۔ دانیایل 12:4 نُوں پڑھو تے فیر ایس سوال تے گل بات کرو:
-
جدوں خدا دے بندیاں نے پاک کلام دی گُوڑھی تحقیق کرنی سی تے کیہڑی چیز بوہت ودھ جانی سی؟
ویکھو کہ بھرا چارلس رسل تے دُوجے بائبل سٹوڈنٹس کیویں گہرائی نال بائبل چوں تحقیق کردے سن۔ ویڈیو چلاؤ تے فیر ایس سوال تے گل بات کرو:
-
بھرا چارلس رسل تے اوہناں دے ساتھی بائبل تے تحقیق کیویں کردے سن؟
کیہہ توانوں پتہ اے؟
اَسی اپنے کجھ عقیدیاں چ تبدیلی کیتی اے۔ پر کیوں؟ جیویں جیویں سورج دی روشنی پھیل دی اے ساریاں چیزاں صاف نظر آن لگ پیندیاں نیں اونویں ای خدا وی وقت دے نال نال پاک کلام بارے اپنے بندیاں دی سمجھ نُوں ودھاندا اے۔ (امثال 4:18 نُوں پڑھو۔) بےشک بائبل چ تے کوئی تبدیلی نئیں ہوندی پر ایہدیاں گلاں نُوں ہور چنگی طرحاں سمجھن دے بعد اَسی اپنے عقیدیاں نُوں ایہدے مطابق ڈھالنے آں۔
5. اَسی گواہی دین دا کم کرنے آں
اَسی اپنا ناں یہوواہ دے گواہ کیوں رکھیا؟ ویڈیو چلاؤ تے فیر ایس سوال تے گل بات کرو:
-
ساڈے لئی ناں یہوواہ دے گواہ سب توں صحی کیوں اے؟
یہوواہ خدا نے لوکاں نُوں اپنے گواہواں دے طور تے کیوں چُنیا اے؟ اوہنے اپنے گواہواں نُوں ایس لئی چُنیا اے تاکہ اوہ اوہدے بارے لوکاں نُوں سچائی دَسن کیونکہ یہوواہ خدا اُتے بوہت سارے جھوٹھے اِلزام لائے گئے نیں۔ خدا بارے پھیلائے گئے دو جھوٹھاں تے غور کرو:
کجھ مذہب سکھاندے نیں کہ خدا چاہندا اے کہ لوک اوہدی عبادت لئی بُتاں تے تصویراں نُوں استمال کرن۔ ایس بارے جانن لئی احبار 26:1 نُوں پڑھو تے فیر ایہناں سوالاں تے گل بات کرو:
-
ایس ایت چ کیہڑی سچائی دَسی گئی اے؟ تے یہوواہ خدا عبادت چ بُتاں تے تصویراں نُوں استمال کرن بارے کیہہ محسوس کردا اے؟
کجھ مذہبی لیڈر سکھاندے نیں کہ یسوع مسیح خدا اے۔ ایہدے بارے سچائی جانن لئی یوحنا 20:17 نُوں پڑھو تے فیر ایہناں سوالاں تے گل بات کرو:
-
ایس ایت چ کیہڑی سچائی دَسی گئی اے؟ تے کیہہ یسوع مسیح تے خدا اِکو ہستی نیں؟
-
توانوں ایہہ جان کے کیہو جیہا محسوس ہوندا اے کہ یہوواہ خدا نے اپنے بارے تے اپنے پُتر بارے سچائی دَسن لئی اپنے گواہواں نُوں گھلیا اے؟
6. اَسی اِک دُوجے نال محبت کرنے آں
بائبل چ مسیحیاں نُوں اِک جسم دے فرق فرق حصیاں وانگوں کہیا گیا اے جیہڑے مِل کے کم کر دے نیں۔ 1-کُرنتھیوں 12:25، 26 نُوں پڑھو تے فیر ایہناں سوالاں تے گل بات کرو:
-
سچے مسیحی اوہدوں کیہہ کردے نیں جدوں اوہناں دے بھین بھراواں نُوں مشکلاں دا سامنا ہوندا اے؟
-
تُسی یہوواہ دے گواہواں چ کیہو جہی محبت ویکھی اے؟
جدوں دُنیا دے کسے وی حصے چ ساڈے بھین بھرا کسے مشکل دا سامنا کردے نیں تے پوری دُنیا توں بھین بھرا فوری طور تے اوہناں دی مدد کردے نیں۔ ایہو جہی اِک مثال ویکھن لئی ویڈیو چلاؤ تے فیر ایس سوال تے گل بات کرو:
-
اَسی آفتاں دے دوران اپنے بھین بھراواں لئی سچا پیار کیویں ظاہر کرنے آں؟
سچے مسیحی ضرورتمنداں دی مدد کردے نیں۔
کجھ لوکاں دی رائے: ”یہوواہ دے گواہ اِک نواں مذہب اے۔“
-
یہوواہ خدا نے اپنے بندیاں نُوں کدوں توں اپنا گواہ کہنا شروع کیتا؟
خلاصہ
یہوواہ دے گواہ سچے مسیحی نیں۔اَسی اِک خاندان وانگوں آں جیہڑا پوری دُنیا چ پھیلیا ہویا اے۔ ساڈے عقیدیاں دی بنیاد بائبل اے تے اَسی خدا بارے سچائی دَسنے آں۔
دہرائی
-
اَسی ناں یہوواہ دے گواہ کیوں اپنایا؟
-
اَسی اِک دُوجے نال کیویں پیش آنے آں؟
-
تواڈے خیال چ کیہہ یہوواہ دے گواہ سچے مسیحی نیں؟
ہور جانن لئی
ایس ویڈیو چ یہوواہ دے گواہواں دی تریخ بارے ہور جانو۔
یہوواہ دے گواہ—زندہ ایمان دی ودھیا مثال، پہلا حصہ: نھیرے توں روشنی تک دا سفر (53:00:1)
ایس ویڈیو چ ویکھو کہ یہوواہ دے گواہواں نے جھوٹھی تلیم دا پردہ کیویں فاش کیتا۔
یہوواہ دے گواہواں بارے اپنے سوالاں دے جواب حاصل کرو۔
اوہ سوال جیہڑے لوک اکثر یہوواہ دے گواہواں بارے پچھدے نیں (ویبسائٹ تے اِک حصہ)
ایس مضمون چ سٹیون ناں دے اِک بندے بارے پڑھو جیہڑا دُوجی نسل دے لوکاں توں نفرت کردا سی۔ ویکھو کہ یہوواہ دے گواہواں نُوں مِل کے اوہدی سوچ کیویں بدل گئی۔
a یہوواہ دے گواہ بائبل دی سچائیاں لوکاں تک پونچان لئی 1879 توں ”مینارِنگہبانی“ رسالہ چھاپ رہے نیں۔
ایہہ وی ویکھو
اوہ سوال جیہڑے لوک اکثر ساڈے بارے پچھدے نیں
یہوواہ دے گواہ بائبل کورس کیویں کراندے نیں؟
یہوواہ دے گواہواں نال بائبل کورس کردے ویلے تُسی جیہڑا وی بائبل ترجمہ چاہوو استمال کر سکدے او۔ نالے تُسی اپنے سارے گھر والیاں یاں اپنے دوستاں نُوں وی ایہدے چ شامل ہون لئی کہہ سکدے او۔
