LECCIÓN 19
¿Chaaj woʼ reet reʼ taqeh testigo reh Jehová manlik ajnimaneel taqeh?
Reʼ hoj testigo reh Jehová inqanimaj chi hoj manlik ajnimaneel. ¿Chaaj woʼ reet? Naqatzʼirim riij ahaʼ wiiʼ inqachʼikaaʼ i qanimanik eh jeʼ woʼ i bʼihnaal reʼ inkinabʼeej wiiʼ qawach eh na woʼ qilom i kʼaxooj inqakʼuhtaaj chi qawach.
1. ¿Ahaʼ inelik cho chuʼnchel inkinimaj taqeh testigo reh Jehová?
Jeʼ wilih xuqʼor i Jesús reh i Dios: «Reʼ aqʼoral korik» (Juan 17:17). Reʼ taqeh testigo reh Jehová inqabʼan jeʼ rukabʼ xubʼan i Jesús: reʼ taqeh inqanimaj juneliik inelik cho pan ruqʼorbʼal i Dios. Chakoj rehtaal ahaʼ xiʼelik cho taqeh testigo reh Jehová reh i qaqʼijil. Pan haabʼ 1870, juntzuhbʼ chi tijineel chi riij i Santo Laj Huuj xkitoqʼaaʼ kitzʼirim riij i ruqʼorbʼal i Dios. Xkichʼikaaʼ kikʼux ruukʼ iruqʼor i Santo Laj Huuj atoobʼ ta tokoom naq inkikʼuhtaaj taqeh iglesia. Eh chi riij i reʼ xkitoqʼaaʼ kiqʼorom keh i kʼachareel chi reʼ kʼahchiʼ naq kitijem pan Santo Laj Huuj reʼ naq i korik. a
2. ¿Chaaj woʼ reet inqabʼihnaleej testigo reh Jehová?
Reʼ Jehová iruqʼor chi reʼ taqeh kʼachareel inkiloqʼej rutestigo taqeh, ruum chi inkiqʼor i korik chi riij (Hebreos 11:4-12:1). Jeʼ rukabʼ najtir cho qʼiij reʼ Dios xuqʼor reh i rutinamiit: «Reʼ taq i hat, hat taq nutestigo» (chawil Isaías 43:10, TNM). Eh reʼ Jesús inqʼorarik reh «reʼ i qʼorol reh i korik» (Apocalipsis 1:5). Ruum aj reʼ pan 1931 xqachih wach i bʼihnaal testigo reh Jehová. Insuqbʼik qakʼux chi inqakʼam i bʼihnaal reʼreʼ.
3. ¿Nikʼwach inkitijej keh i rukʼaxooj i Jesús taqeh testigo reh Jehová?
Reʼ Jesús qʼeʼ naq iraaj kiwach taqeh rajtahqaneel jeʼ naq rufamilia taqeh (chawil Marcos 3:35). Reʼ taqeh testigo reh Jehová wilkooj pan jenaj wach kʼuxliis, hoj jenaj familia chi junsut i akʼal. Eh ruum aj reʼ inqaqʼor chi qawach «hermano» eh «hermana» (Filemón 1, 2). Eh inqanimaj woʼ i kʼuhbʼaal wilih: «Chakʼax taqe hermano» (1 Pedro 2:17). Reʼ taqeh testigo reh Jehová inkikʼuhtaaj i kʼaxooj wilih jeʼ rukabʼ noq inqatobʼeej taqeh qahermano chi junsut i akʼal noq inkikʼul i tiʼ kʼaxik.
CHATZʼIR RIIJ I KʼAHCHIʼ ATIJEM
Qanabʼeej kʼisinoq chik chi kiij taqeh testigo reh Jehová eh qil juʼjun taqeh ehtalil chi reʼ hoj manlik ajnimaneel.
Reʼ taqeh manlik ajnimaneel chuʼnchel inkikʼuhtaaj inelik cho pan Santo Laj Huuj eh kiqʼorik chi riij ruukʼ taqeh kʼachareel.
4. Reʼ inqanimaj inelik cho pan Santo Laj Huuj
Reʼ Jehová xuqʼor cho rubʼiral chi reʼ korik wilik pan Santo Laj Huuj na naq rureqariik chi riij. Chawil taq i Daniel 12:4 eh tiqʼoroq taq chi riij:
-
¿Chajariik nakireqem i kʼihaal chi rajkamanoom i Dios noq ne inkitzʼir riij i Santo Laj Huuj?
Chakoj rehtaal nikʼwach naq inkitzʼir riij i ruqʼorbʼal i Dios juntzuhbʼ chi ajtijineel chi riij i Santo Laj Huuj eh chi kixilak wilik naq i Charles Russell. Chawil taq i VIDEO eh tiqʼoroq taq chi riij:
-
Jeʼ rukabʼ xawil pan video, ¿nikʼwach naq inkitijej kiibʼ ruukʼ i ruqʼorbʼal i Dios i Charles Russell eh taqeh ruchʼihiil chi tijinik chi riij i Santo Laj Huuj?
¿Mi awehtʼal naq?
Wilik pech qajalam wach reʼ inqakoj naq wach. ¿Chaaj woʼ reet? Ruum chi reʼ Dios chi qʼun qʼun irukanaaʼ chi ne inqareq chi riij i ruqʼorbʼal, jeʼ rukabʼ noq inkʼuloq i rusaqumaal i qʼiij korehtaal insaqumbʼik chi korik (chawil taq Proverbios 4:18). Reʼ Santo Laj Huuj maʼ injaljik ta wach iruqʼor, xa reʼ laʼ noq inqatoqʼaaʼ qareqem chi riij inqajal wach taqeh inqanimaj.
5. Inqayeew ruloqʼil i qabʼihnaal
¿Chaaj woʼ reet xqaaj qabʼihnaleem testigo reh Jehová? Chawil taq i VIDEO eh tiqʼoroq taq chi riij:
-
¿Chaaj woʼ reet ko ruman naq i bʼihnaal testigo reh Jehová?
¿Chaaj woʼ reet i Jehová xusikʼ taqeh kʼachareel reh chi rutestigo taqeh? Reh chi ne inkiqʼor i korik chi riij, maj kʼih i chukuj qʼorik kiqʼorom chi riij i Jehová reʼ manlik Dios. Qatzʼir riij juʼjun taqeh chukuj qʼorik reʼreʼ.
Juʼjun taqeh iglesia inkikʼuhtaaj chi reʼ Dios iraaj chi ne inqaloqʼej taqeh ehtalil eh i korsimaj tyoox. ¿Mi korik inkiqʼor? Chawil taq Levítico 26:1 eh tiqʼoroq taq chi riij:
-
Jeʼ rukabʼ iruqʼor i texto wilih, ¿chajariik iruqʼor i Dios chi riij taqeh ehtalil eh i korsimaj tyoox?
Juʼjun taqeh kʼamal bʼeeh pan iglesia inkikʼuhtaaj chi reʼ Jesús jenaj wach ruukʼ i Dios. ¿Xa reʼ laʼ korik na i wilih? Chawil taq Juan 20:17 eh tiqʼoroq taq chi riij:
-
Reʼ texto wilih ¿iruqʼor na chi reʼ Jesús jenaj wach ruukʼ i Dios?
-
¿Chajariik inawikʼraaj chi reʼ Jehová xutaqʼaaʼ taqeh rutestigo reh chi ne inkikʼuhtaaj i korik chi riij i reh eh chi riij woʼ i rakʼuun?
6. Inqakʼuhtaaj i kʼaxooj chi qawach
Reʼ Santo Laj Huuj irupaj taqeh ajnimaneel ruukʼ i reh reh wach inchopinik reh i tiʼjolal. Chawil taq 1 Corintios 12:25, 26 eh tiqʼoroq taq chi riij:
-
¿Chajariik ko ruman chi ne inkibʼan taqeh manlik ajnimaneel noq kiʼikʼik pan tiʼ kʼaxik taqeh kihermano?
-
Jeʼ rukabʼ awilom i hat, ¿nikʼwach inkikʼuhtaaj chi inkikʼax kiibʼ taqeh testigo reh Jehová?
Noq reʼ taqeh testigo reh Jehová inkikʼul i tiʼ kʼaxik pan jenoʼ yeʼaabʼ reʼ taqeh kihermano chi junsut i akʼal xareʼyuʼ kitobʼinik. Jenaj ehtalil chawil taq i VIDEO. Chi riij i reʼ tiqʼoroq taq chi riij:
-
¿Inaqʼor na i hat chi reʼ taqeh reh reh wach toobʼinik inkibʼan taqeh testigo reh Jehová irukʼuhtaaj i kikʼaxooj? ¿Chaaj woʼ reet?
Reʼ taqeh manlik ajnimaneel inkikʼuhtaaj i kʼaxooj keh inkaaj tobʼjik.
REʼ INKIQʼOR I JUʼJUN: «Reʼ taqeh testigo reh Jehová ko akʼ taqeh».
-
¿Chajariik haabʼ xkibʼihnaleej «testigo» taqeh kʼachareel inkiloqʼej i Jehová?
KʼOLOQ PAN AKʼUX
Reʼ taqeh testigo reh Jehová manlik ajnimaneel taqeh. Hoj jenaj familia chi junsut i akʼal eh inqayeew ruloqʼil i Dios, inqanimaj chuʼnchel iruqʼor i Santo Laj Huuj eh inqayeew chi nabʼjik i korik chi riij i Jehová.
Reʼ xkahnik pan akʼux
-
¿Chaaj woʼ reet xqachih i bʼihnaal testigo reh Jehová?
-
¿Nikʼwach inqakʼuhtaaj i kʼaxooj chi qawach?
-
¿Inaqʼor na i hat chi reʼ taqeh testigo reh Jehová manlik ajnimaneel taqeh?
CHAREQ RUMAN
Chanabʼeej chi korik ajwach i hoj.
Chawil chi reʼ taqeh testigo reh Jehová inkikʼuhtaaj chi xa jenaj i Dios eh maʼ ixibʼ ta ruwiiʼ eh chi reʼ Dios wilik jenaj rubʼihnaal.
Reʼ rutinamiit i Dios inkiyeew ruloqʼil i rubʼihnaal (7:08)
Chanabʼeej chi riij taqeh apahqanik chi kiij taqeh testigo reh Jehová.
«Pahqanik chi kiij taqeh testigo reh Jehová» (Reʼ taqeh pahqanik reh i jw.org)
Ruum i ixowanik reʼ Stephen xubʼan taqeh i maʼ holohik ta laj bʼanooj. Chanabʼeej nikʼwach xujal i rukʼachariik noq xunabʼeej kiwach taqeh testigo reh Jehová.
«Maʼ holohik ta naq i nukʼachariik» (La Atalaya, 1 reh julio reh 2015)
a Reʼ La Atalaya, xtohqʼik rupuhkaljiik pan 1879 eh ko yuʼnaak.
Puede que también le interese
PAHQANIK CHI KIIJ TAQEH TESTIGO REH JEHOVÁ
¿Nikʼwach i tijinik chi riij i Santo Laj Huuj inkiyeew taqeh testigo reh Jehová?
Ruukʼ i tijinik inkiyeew taqeh testigo reh Jehová xa ahaʼ paʼ wilik i Santo Laj Huuj ne irubʼan chi ne nakoj. Jeʼ woʼ chik, ne irubʼan chi ne nayuqʼeej taqeh awas achaaq oon taqeh amigo inawaaj.
