LECCIÓN 19
¿Jehovahuaj testigoguna Jesusta sirtu catijcuna anunzhu?
Jehovahuaj testigoguna Jesusta sirtu catijcuna ashcara quirinchi. ¿Imarasha? Ricushun imai quirinchi, imarasha cai shuti charinchi shinallara imasna ñucanchipura sirtu llaquinushcara.
1. Jehovahuaj testigoguna ¿imai quirinun?
Jesús, Yaya Diosta nica: “Can rimashca shimi sirtumi” (Juan 17:17). Jehovahuaj testigoguna Jesús cuinta ruranchi: ñucanchi tucui huras Diospa Shimii quirinchi. Ricui cuna timpui imasna Jehovahuaj testigoguna callarinuca. 1870 huatai Bibliamanda yachaujcuna Diospa Shimira mas ali estudiangaj callarinuca. Biblia yachachishcai quirinuca, cai yachashcaunara Iglesiaguna mana chasquinujpis. Biblia sirtu rimashcara shujcunama cuintangaj callarinuca. a
2. ¿Imarasha Jehovahuaj testigoguna shutira charinchi?
Jehová nin paita adurajcuna paihua testigoguna anun paimanda sirtu shimira yachachishcaraigu (Hebreos 11:4–12:1). Imasna ñaupa punzhaunai Yaya Dios paihua llactara nica: “Cangunami ñuca testigoguna anguichi” (leai Isaías 43:10). Shinallara Jesusta nin “Ali Testigo” (Apocalipsis 1:5, TNM). Chiraigu 1931 huatai Jehovahuaj testigoguna shutira apicanchi. Ashca cushi sintirinchi cai shutira charishcamanda.
3. ¿Imasnara Jehovahuaj testigoguna Jesús llaquishcasna ricuchinun?
Jesús paita catijcunara ashca llaquishcamanda paihua aillu cuinta ricuca (leai Marcos 3:35). Shinallara intiru mundui Jehovahuaj testigoguna aillu cuinta anchi. Chiraigu ñucanchipura “huauqui”, “pani” nisha rimanchi (Filemón 1, 2). Shinallara cai mandashcara casunchi: “Uquiunara llaquichi” (1 Pedro 2:17). Jehovahuaj testigoguna casna tunu llaquinara ima ruranais ricuchinchi shinallara intiru mundui causaj huauqui paniuna llaqui pasarianujpi yanapanchi.
MAS YACHAI
Jehovahuaj testigoguna ruraigunara ali ricsishunchi, Jesusta sirtu catijcuna ashcamanda ruraigunaras riparashunchi.
Jesusta catijcuna quirishcauna Bibliamanda an, Bibliamanda quirishcaunara shujcunama cuintanun.
4. Ñucanchi quirishcauna Bibliamanda an
Jehová rimacami Biblia sirtu yachachishcauna mas ali pasajta intindiringami. Leaichi Daniel 12:4, huasha catij tapuimanda rimaichi:
-
¿Imara “ashca tucunga” Diosta sirvijcunapura Bibliara mas estudiashcai?
Ricui Diospa Shimira imasna estudianuj aca Bibliamanda yachaujcuna, cai Bibliamanda yachauj aca Charles Russell. VIDEORA ricuichi, huasha catij tapuimanda rimaichi:
-
Videoi nishcasna ¿imasnara Bibliara estudianuj aca Charles Russell, Bibliara estudiajcunas?
¿Yachanguichu?
Huaquimbi ñucanchi quirishcaunamanda ansa alichishcanchi. ¿Imarasha? Imasna punzhayanai indi, sisa pambara ansa ansa punzhayachin shinallara Yaya Dios ansa ansa paihua shimira intindichin (leaichi Proverbios 4:18). Biblia mana turcarijpis, ansa ansa mas intindisha ñucanchi quirishcaunara alichinchi.
5. Jehovamanda sirtura yachachinchi
¿Imarasha Jehovahuaj testigoguna shutira charinchi? VIDEORA ricuichi, huasha catij tapuimanda rimaichi:
-
¿Imarasha Jehovahuaj testigoguna shuti ali an?
¿Imarasha Jehová runaunara ajllaca paihua testigoguna tucunuchu? Jehovamanda llullara rimashcaraigu, cai testigoguna sirtura Jehovamanda rimanunga. Cai huaquin llullaigunara ricushun.
Huaquin religionguna yachachinun santugunahua Dios paita adurachu munan nisha. Chiga ¿sirtuchu? Leaichi Levítico 26:1, huasha catij tapuimanda rimaichi:
-
Cai versículo rimashca cuinta ¿imara nin Yaya Dios santugunamanda?
Huaquin religionguna yachachinun Jesús, Dios ashcara. Chiga ¿sirtuchu? Leaichi Juan 20:17, huasha catij tapuigunamanda rimaichi:
-
Cai versículo leashca cuinta ¿Yaya Dios, Jesushua chi runallarachu an?
-
¿Imasnara can sintingui Jehová paihua testigogunara cachamushcamanda sirtu shimira rimangaj paimanda, paihua churimandas?
6. Parijumanda llaquinununchi
Biblia riman Jesusta catijcuna intiru aicha partiuna cuinta anun. Leaichi 1 Corintios 12:25, 26, huasha catij tapuigunamanda rimaichi:
-
¿Imara rurana anun Jesusta sirtu catijcuna paiguna huauqui paniuna llaqui pasarianujpi?
-
Can ricushcasna Jehovahuaj testigoguna ¿imasnara paigunapura llaquishcara ricuchinun?
Shu partii Jehovahuaj testigoguna llaqui pasarianujpi, intiru mundui aj testigoguna paigunara uctalla yanapanun. Caimanda mas yachangahua VIDEORA ricuichi. Huasha catij tapuimanda rimaichi:
-
Jehovahuaj testigoguna ministishcaunai yanapashca ¿imasnara paiguna llaquishcara ricuchinun?
Jesusta sirtu catijcuna llaquishcara ricuchinun yanapai ministijcunara.
RUNAUNA CASNA NINUJPI: “Jehovahuaj testigoguna mushuj religión anun”.
-
¿Ima huras Jehová ñuca “testigoguna” anguichi nisha rimaca paita adurajcunara?
IMARA YACHASHCANGUI
Jehovahuaj testigoguna Jesusta sirtu catijcuna anchi. Intiru mundui aillu cuinta Jehová Diosta aduranchi, ñucanchi quirishcauna Bibliamanda an shinallara Jehovamanda sirtura yachachinchi.
Iyaringaj
-
¿Imarasha Jehovahuaj testigoguna shutira charinchi?
-
¿Imasnara parijumanda llaquishcara ricuchinchi?
-
¿Imara ningui, Jehovahuaj testigoguna Jesusta sirtu catijcunachu anun?
RICUNGUI
Ñucanchimanda mas yachai.
Yachai imasna shu llulla yachachishcara Jehovahuaj testigoguna pajllama llucchishcara.
Jehovahuaj testigogunamanda charishca tapuigunara mas yachai.
Stephen yapa chijnij ashcamanda manalira rurarca. Jehovahuaj testigoguna ima rurashcara ricusha paihua causaira turcachishcara yachai.
“Ñuca causai caran cuti manali riuca” (La Atalaya, 1 de julio de 2015)
a La Atalaya revista, 1879 huatamanda cunagama caran cuti llucchiushca an.
Cai temagunaras leana munanguichari
TAPUIGUNA
Jehovahuaj testigoguna Bibliamanda yachachinchi
Jehovahuaj testigogunahua gratis Bibliamanda yachashcai can munashca Bibliara utilizana ushangui. Astaumbas munasha camba ailluunara amigogunaras cumbirana ushangui canhua yachangaj.
