19 YACHACHIKUY
Jehova Diospa testigonkunaqa ¿chiqap religionchu kanku?
Jehova Diospa testigonkunaqa, ¿imanasqataq chiqap religion kasqaykuta niniku? Kay yachachikuypim yachasunchik Jehova Diospa testigonkunaqa bibliapi nisqanman hina yachachisqaykumanta, Diospa sutinta apasqaykumanta hinaspa iñiqmasiykuwan anchata kuyanakusqaykumanta.
1. ¿Jehova Diospa testigonkunaqa imatataq yachachiniku?
Jesusmi Diosta mañakuspan nirqa: “Palabraykiqa chiqapmi”, nispa (Juan 17:17). Jehova Diospa testigonkunapas Jesus hinam bibliapi yachachikuykunata imam kaqta yachachiniku. Imayna qallaykusqaykumanta yachaykusun. Yaqa 1870 watapim as runakunalla bibliamanta imam kaqta yachayta qallaykurqaku, hinaspam bibliapi nisqanta yacharuspanku huk runakunamanpas chaymanta yachachiyta qallaykurqaku, huk religionkunapi chaynata mana yachachiptinkupas. a
2. ¿Imanasqataq “Jehova Diospa testigonkuna” nispa sutichakuniku?
Jehova Diosmi yupaychaqnin runakunata ‘testigoy’ nispa sutichan paymanta willakusqankurayku (Hebreos 11:4–12:1, willakuy). Chaymi Jehova Diosqa ñawpaq tiempopipas serviqninkunata nirqa: “Qamkunaqa testigoykunam kankichik”, nispa (leey Isaias 43:10). Jesustapas bibliapim sutichan ‘confianapaq allin testigo’ nispa (Apocalipsis 1:5). Chaymi 1931 watamantapacha “Jehova Diospa testigonkuna” nispa sutichakuniku. Diospa sutinta hatunchasqaykuraykum ancha kusisqa tarikuniku.
3. Jehova Diospa testigonkunaqa ¿imaynatam Jesuspa kuyakuq kasqanta qatipakuniku?
Jesusqa qatiqninkunataqa anchatam kuyarqa, chaymi paypaqqa ayllun hina karqaku (leey Marcos 3:35). Jehova Diospa testigonkunapas huk ayllu hinallam kaniku. Tukuy hinastinpim “wawqi-panintin” hina kaniku (Filemon 1, 2). Chaymantapas bibliapi nisqantam kasukuniku. Bibliapim nin: “Llapallan iñiqmasikichikta kuyaychik”, nispa (1 Pedro 2:17). Chaymi Jehova Diospa testigonkunaqa anchata kuyanakusqaykurayku enteron pachapi iñiqmasiykuwan yanapanakuniku.
ASTAWAN YACHAYKUSUN
Yachaykusun Jehova Diospa testigonkuna imayna qallarisqaykumanta hinaspa tukuy sunquykuwan Diosta yupaychasqaykurayku imakunata ruwasqaykumanta.
Jesuspa qatiqninkunaqa bibliamanta imam kaqta yachaspankum hukkunamanpas chaymanta yachachinku.
4. Bibliapi nisqantam yachachiniku
Jehova Diosqa nirqañam tukupay punchawkunapi bibliapi yachachikuyninkuna astawan entiendekunanmanta. Leeychik Daniel 12:4 hinaspa qatiqninmanta rimariychik:
-
¿Imamantam Diosta serviqkunaqa tiempopa risqanman hina allinta yachananku karqa?
Qaway Diospa palabranta as runakunalla imaynata estudiasqankuta, hukninmi karqa Charles Russell. VIDEOTA qawaykuychik hinaspa qatiqninmanta rimariychik:
-
Videopi qawasqanchikman hina, ¿imaynatam Diospa palabranta estudiarqaku Charles Russell hinaspa paywan kaq runakuna?
Yachaykunaykipaq
Wakinpiqa bibliapi yachachikuyta allinta entienderuspaykum chayman hinaña yachachirqaniku. Imaynam achikyamusqanman hina imatapas aswan allintaña rikunchik, chaynam Jehova Diospas pisi-pisimanta yanapawarqaku palabranpi yachachikuykunata aswan allintaña entiendenaykupaq (leeychik Proverbios 4:18). Chaymi chayman hinaña yachachiniku.
5. Diosmantam willakuniku testigonkuna kasqaykurayku
¿Imanasqataq “Jehova Diospa testigon” nispa sutichakurqaniku? VIDEOTA qawaykuychik hinaspa qatiqninmanta rimariychik:
-
¿Imanasqataq “Jehova Diospa testigon” nispa sutichakuniku?
¿Imanasqataq Jehova Diosqa runakunata akllarqa testigonkuna kananpaq? Paymanta imam kaqta willakunankupaqmi. Wakin runakunamriki pantay yachachikuykunata Diosmanta yachachirqaku. Chaymantayá yachaykusun.
Wakin religionkunapiqa ninkum: “Diosqa munanmi taytachakunata servichikuspa mañakunanchikta”, nispa. ¿Chaynachu? Leeychik Levitico 26:1 hinaspa qatiqninmanta rimariychik:
-
Bibliapi nisqanman hinaqa, ¿Jehova Diosqa munanchu taytachakuna mañakunanchikta?
Wakin religionkunapiqa yachachinkum Jesusqa Dios kasqanta, ¿chaynachu? Leeychik Juan 20:17 hinaspa qatiqninmanta rimariychik:
-
¿Bibliapiqa nichkanchu Dioswan Jesusqa chaynalla kasqankumanta?
-
¿Imaynataq tarikunki Jehova Diosqa testigonkunata imam kaqta yachachinankupaq kamachisqanmanta yachasqaykiwan?
6. Kuyanakunikum
Bibliaqa Diosta yupaychaqkunatam tupachin cuerpopa partenkunawan. Leeychik 1 Corintios 12:25, 26 hinaspa qatiqninmanta rimariychik:
-
Diosta yupaychaqkunaqa ¿imatam ruwananchik iñiqmasinchikkuna ñakariptinku?
-
Qawasqaykiman hinaqa ¿Jehova Diospa testigonkunaqa kuyanakunikuchu? ¿Imakunapitaq kuyanakusqaykuqa sutilla?
Ima llaqtapipas iñiqmasiyku sasachakuypi tarikuptinkuqa, enteron pachapi testigokunam imawanpas chaylla yanapaniku. Chayna kasqanmanta yachanapaq VIDEOTA qawaykuychik, hinaspa qatiqninmanta rimariychik:
-
Jehova Diospa testigonkuna sasachakuykuna kaptin yanapanakusqankumanta qawaykuspa, ¿niwaqchu kuyanakusqankurayku chayta ruwasqankuta?
Jesuspa qatiqninkunaqa iñiqmasinkuwan kuyanakusqankuraykum ima sasachakuy kaptinpas yanapanakunku.
WAKIN RUNAKUNAM NINKU: “Jehova Diospa testigonkunaqa chayraqmi rikuriramunku”, nispa.
-
¿Haykapimantam Jehova Diosqa yupaychaqnin runakunata “testigoymi kankichik” nirqa?
YUYARIYKUSUN
Jehova Diospa testigonkunaqa chiqap religionmi kaniku. Enteron pachapim wawqi-panintin hina kaniku. Ima yachachisqaykupas bibliamantam, chaymantapas imam kaqtam Jehova Diosmanta yachachiniku.
¿Ima niwaqtaq?
-
¿Imanasqataq “Jehova Diospa testigon” nispa sutichakuniku?
-
¿Imakunapim yanapanakuniku kuyanakusqaykurayku?
-
¿Jehova Diospa testigonkunaqa chiqap religionchu kaniku? ¿Ima niwaqtaq?
ASTAWAN YACHANAYKIPAQ
Jehova Diospa testigonkunamanta astawan yachanaykipaq kay videota qaway.
Jehova Diospa testigonkunaqa bibliapim yacharurqaniku Jehova Dioswan Jesusqa mana chaynalla kasqankuta. Chaymanta kay videota qaway.
Jehova Diosta yupaychaqkunaqa Diospa sutintam hatunchanku (7:08)
Kaypi yachay Jehova Diospa testigonkunamanta runakuna imakunata yachay munasqankumanta.
“Jehova Diospa testigonkunamanta tapukusqanku” (Tarinkim jw.org nisqanpi)
Chiqnikuq kasqanraykum Stephen sutiyuq runaqa mana allinkunata ruwarqa. Yachay Jehova Diospa testigonkunata riqsisqan imayna yanapasqanmanta.
“Kawsasqayqa mana allinllañam karqa” (Willakuq, septiembre-octubre 2015)
a Willakuq qillqanchikqa 1879 watamantapacham kachkan.
Kaykunatapas leeykuy
TAPUKUYKUNA
¿Imaynatam Jehova Diospa testigonkunaqa bibliamanta yachachinku?
Jehova Diospa testigonkunaqa runamasinchiktam yanapaniku bibliamanta sumaqta yachanankupaq. Munasqayki bibliawanmi estudiawaq hinaspapas invitawaqmi aylluykikunata chaynataq amistadnikikunatapas.
