19 YACHANA PARTI
Testigo de Jehovagunaga sirtu Jesusta caticcuna chanaun
Testigo de Jehovagunaga sirtu Jesusta caticcuna ashcatami quirinchi. Ñucanchi quirishcagunata maimandata surcuranchi. Imahuata testigo de Jehova shutita charinchi. Imasata ñucanchipura llaquishcata ricuchinchi.
1. Testigo de Jehovagunaga imaibita quirinchi
Jesus, paiba Yaya Diosta nira: “Camba shimiga sirtu man” (Juan 17:17). Testigo de Jehovagunaga Jesus shinallata ranchi: tucui urasmi Biblia nishcata quirishcanchi. Cunan punzhagunaibi, imasa testigo de Jehovaguna caita rashcata ricui. 1870 huata mayanbi, shuc Bibliata estudiac muntunmi, Diospa shimita alita yachangahua callarira. Iglesiaguna yachachishcata quirina randiga, Biblia nishcatami tucuita casunaura. Huasha, paiguna yachashcata shuc runagunata cuintangahua callarinaura. a
2. Imahuata testigo de Jehova shutita charinchi
Jehovaga paita adoraccunata testigoguna manguichi nin. Testigo de Jehovaguna paimandami sirtuta yachachinaun (Hebreos 11:4–12:1). Callari timpuibi, Diosca paiba llactata nira: “Cangunaga ñuca testigoguna manguichi” (Isaias 43:10ta leipai). Chasnallata, Jesusca “sirtuta rimac” testigo man (Apocalipsis 3:14). Chiraicu, 1931 huataibi, testigo de Jehova shutita apiranchi. Chi shutita charishcamanda cushiyashcami sintirinchi.
3. Testigo de Jehovagunaga imasata Jesus shina llaquishcata ricuchinaun
Jesusca paita caticcunata ashcatami llaquira. Paigunaga pairaicu aillu shina manaura (Marcos 3:35ta leipai). Testigo de Jehovagunaga, mundu intiruibi tandalla, shuc aillu shina manchi. Chiraicu, huauqui paniguna manchi. Ñucanchipura cuintanacushaga, huauqui o pani ninacunchi (Filemon 1, 2). Chasnallata, cai mandashcata casunchi: “Quiric huauquigunatahuas llaquisha causana manguichi” (1 Juan 4:21). Mundu intiruibi, ñucanchi huauquiguna turmintuta charicpiga, paigunata yanapashami llaquishcata ricuchinchi.
CAIMADA MASTA YACHAI
Testigo de Jehovaguna imasa callarishcata ricsishunchi. Chimandas, paiguna sirtu Jesusta caticcuna ashcata yachashun.
Sirtu cristianoguna Biblia nishcata quirinaun. Chasnallata, shuc runagunata Bibliamanda yachachinaun.
4. Biblia nishcatami quirinchi
Jehovaga, Bibliamanda sirtu yachaita mas pasacta intindingaraushcata nira. 2 Corintios 4:6ta leichi, huasha cai tapuimanda cuintanacuichi:
-
Bibliata yachasha catisha, Diosta sirviccunaga imata intindingaraunaura.
Shuc runaguna muntun, imasa Bibliata estudiashcata ricui. Chibiga, Charles Russell maura. VIDEOTA ricuichi, huasha cai tapuimanda cuintanacuichi:
-
Videoibi ricushca shina, imasata Charles Russell, shuc estudiantegunahuas, Bibliamanda yachac anaura.
Yacharanguichu
Imasaibiga, ñucanchi callari quirishcagunata alichishcanchi. Punzhayaushcaibi, ansa ansa indi punzhajlla ricurishca shina, Jehova Dios paiba Shimitahuas ansa ansa pasacta intindingahua yanapaitucushcanchi (Proverbios 4:18ta leipai). Chasnami, Biblia mana cambiacpihuas, ñucanchi callari quirishcata alichisha catishcanchi.
5. Jehovamanda yachachisha, testigo manchi
Imahuata testigo de Jehova anchi. VIDEOTA ricuichi, huasha cai tapuimanda cuintanacuichi:
-
Testigo de Jehova shuti, imahuata ali an.
Imahuata Jehovaga maican runagunata paihua testigoguna achun anllashca. Ashca runaguna, Jehovamanda llullata rimashcauna. Chiraicumi, paiba testigogunaga paimanda sirtuta rimaunguna. Maican iglesiaguna, Jehovamanda ima llullashcagunata ricushun.
Maican religionguna ninaun, santogunahuan Diosta adorana manchi nisha. Chiga sirtu chan. Levitico 26:1ta leichi, huasha cai tapuigunamanda cuintanacuichi:
-
Cai versiculo nishca shina, sirtu yachaiga maicandan. Diosca maquihuan rashca santogunamanda imatata yuyan.
Maican religionda pushaccuna, Jesusca Dios man ninaun. Chiga sirtu chan. Juan 20:17ta leichi, huasha cai tapuigunamanda cuintanacuichi:
-
Cai versiculo nishca shina, sirtu yachaiga maicandan. Jesusca Yaya Dios chan.
-
Jehova paimanda, paiba churimanda, sirtuta yachachingahua paiba testigogunata cachashcamanda, canga imatata yuyangui.
6. Pariumanda llaquinacunchi
Bibliaga ñucanchi intiru aicha partiguna shinami, Jesusta caticcuna tandarishca anaun nin. 1 Corintios 12:25, 26ta leichi, huasha cai tapuigunamanda cuintanacuichi:
-
Shuc huauquiguna turmintuibi aucpiga, imatata sirtu cristianoguna ranaun.
-
Imashinata testigo de Jehovaguna llaquinacushcata ricuchishcauna.
Testigo de Jehovaguna turmintugunata chariucpiga, mundu intirumanda huauquigunami dsaslla yanapanaun. Caita yachangahua cai VIDEOTA ricuichi, huasha cai tapuigunamanda cuintanacuichi:
-
Testigo de Jehovaguna turmintui auc huauquigunata yanapasha, paigunata llaquishcatachu ricuchin. Imahua.
Sirtu cristianoguna llaquibi auc runagunata llaquisha yanapanaun.
MAICANGUNAGA CASNAMI NINAUN: “Testigo de Jehovagunaga mushuc religion man”.
-
Ima timpumandata Jehovaga paita adorac runagunata “testigo” manguichi nira.
IMATA YACHASHCANGUI
Testigo de Jehovagunaga sirtu cristianoguna manchi. Mundu intiruibi shuc aillu shina, Diosta adoranchi. Biblia nishcatami quirinchi. Jehovamanda sirtuta yachachinchi.
Yachashcata cuintai
-
Imahuata Testigo de Jehova shutita anllaranchi.
-
Imasata ñucanchipura llaquinacunchi.
-
Testigo de Jehovaguna sirtu cristianoguna ashcata quiringuichu.
CANLLATA MASTA YACHAI
Testigo de Jehovagunamanda masta yachai.
Los testigos de Jehová: una historia de fe viva. Parte 1: Salen de la oscuridad (1:00:53)
Testigo de Jehovaguna imasa llulla yachaigunata pagllaibi ricuchishcata yachai.
Testigo de Jehovagunamanda masta yachangahua cai partibi ricui.
“Testigo de Jehovagunamanda yachangahua tapuiguna” (jw.org internet pistuibi)
Stephen nishca runaga shuc runagunata piñashcamanda shuhuac, huanchic ara. Testigo de Jehovagunata ricsina, imasa paiba causaita cambiangahua yanapashcata ricui.
“Caran punzhami, mana ali causaita charirani” (La Atalaya, 1 de julio de 2015)
a 1879 huatamanda, tucui uras La Atalaya nishca revistata llucshichishcanchi.
