19. LEKCIJA
Da li tane e Jehovase svedokija prava hrišćanija?
Amen, e Jehovase svedokija, verujinaja so hijam prava hrišćanija. Akana ka dikha trin buća kola mothovena odova. Sar prvo, kotar avena amare verovanja, sar dujto, kaso anav akharaja hem sar trito, sar dićhola so mangaja jekh jekhe.
1. Kotar avela odova ko so e Jehovase svedokija verujinena?
O Isus phenđa: „[E Devleso] lafi tano ćaćipe“ (Jovan 17:17). Sar o Isus, hem e Jehovase svedokija verujinena ko odova so pisini ko Devleso Lafi. Oko 1870. berš, jekh grupa kotar istraživačija andi Biblija, počminđe te proučinen i Biblija te šaj te haljon so oj ćaće sikavi amen. Odova ko so on verujinđe temeljinđa pe ko Devleso Lafi, čak iako odova hine averćhane kotar odova so vaćeri pe ki crkva. Palo odova, o buća kola sikljilje vaćerđe hem averenđe. a
2. Sose vićinaja amen e Jehovase svedokija?
O Jehova phenela so olese sluge tane olese svedokija, sose on vaćerena o ćaćipe olestar (Jevrejima 11:4–12:1). Na primer, ko purano vreme o Jehova phenđa pe narodose: „Tumen hijen me svedokija.“ (Čitinen Isaija 43:10.) Isto ađahar, o Isus tano vićimo „Verno svedoko“ (Otkrivenje 1:5). Odolese, kotar 1931. berš, amen vićinaja amen e Jehovase svedokija. But hijam bahtale so šaj te akhara odova anav.
3. Sar e Jehovase svedokija mothovena so mangena jekh jekhe?
O Isus but manglja pe učenikonen. On hine olese sar porodica. (Čitinen Marko 3:35.) Avdije, e Jehovase svedokija tane sar jekh porodica iako tane ko celo sveto. Odolese, jekh jekhe vićinaja phrala ja phene (Filimonu 1, 2). Isto ađahar, amen ićeraja amen ki zapovest: „Mangen sa e phralen“ (1. Petrova 2:17). E Jehovase svedokija ko but načinija mothovena so mangena jekh jekhe. Jekh olendar tano so pomožinena jekh jekhese ked ovela dijekh prirodno katastrofa.
SIKLJOV POBUTER
Sikljov andi istorija kotar Jehovase svedokija hem dikh so pana mothovi so amen hijam prava hrišćanija.
O prava hrišćanija verujinena ko odova so pisini ko Devleso Lafi hem vaćerena averencar ando odova
4. Sa ko so verujinaja avela andi Biblija
O Jehova vaćerđa so hari pohari olese sluge pana pošukar ka haljon o ćaćipe andi Biblija. Čitinen Danilo 12:4, hem palo odova vaćeren ando akava pućibe:
-
So ka ovel odolese so e Devleso narodo proučini oleso Lafi?
Dikh sar o Čarls Rasel hem nekobor manuša proučinđe e Devleso Lafi. Dikhen o VIDEO, hem palo odova vaćeren ando akava pućibe:
-
Sar o Čarls Rasel hem olese saradnikija proučinđe i Biblija?
Da li đanđan?
Podijekh puti menjinđe pe disave buća ko kola verujinaja. Sose? Aće jekh primer. Sar o kham ikljola, o dive phravđola hari pohari. Isto ađahar, hari pohari o Devel pomožini amen sa pošukar te haljova oleso Lafi. (Čitinen Poslovice 4:18.) Odova na značini so e Devleso Lafi menjini pe, već asavke promene ovena sose pošukar haljovaja odova so pisini ko Devleso Lafi.
5. Vaćeraja o ćaćipe ando Jehova
Sose vićinaja amen e Jehovase svedokija? Dikhen o VIDEO, hem palo odova vaćeren ando akava pućibe.
-
Sose tano šukar so vićinaja amen e Jehovase svedokija?
Sose o Jehova birinđa pese manušen te oven olese svedokija? Isi but hovajba ando Devel hem on valjani te mothoven o ćaćipe olestar. Akana ka dikha duj ando odola hovajba.
Disave religije sikavena so o Devel mangela te koristina o kipija hem o ikone. Čitinen Levitska 26:1, hem palo odova vaćeren ando akala pućiba:
-
Soj tano o ćaćipe? Sar o Jehova dikhela ko kipija hem ko ikone?
Disave religije sikavena e manušen so o Isus tano Devel. Čitinen Jovan 20:17, hem palo odova vaćeren ando akala pućiba:
-
Soj tano o ćaćipe? Da li tane o Devel hem o Isus jekh isto osoba?
-
Sar osetineja tut ked đaneja so o Jehova birinđa pese manušen te vaćeren o ćaćipe olestar hem ando oleso Ćhavo?
6. Amen mangaja jekh jekhe
I Biblija vaćeri sar soj tane o delovija ando telo povezime, isto ađahar hem o hrišćanija valjani te oven povezime. Čitinen 1. Korinćanima 12:25, 26, hem palo odova vaćeren ando akala pućiba:
-
So valjani te ćeren o prava hrišćanija ked neko olendar isi le pharipa?
-
Da li dikhljan so e Jehovase svedokija isi len mangipe maškaro peste?
Ked e Jehovase svedokija ki disavi phuv isi len pharipa, o Svedokija kotar avera phuvja sigate ćerena diso te pomožinen lenđe. Jekh asavko primer šaj te dikhen ko VIDEO. Palo odova vaćeren ando akava pućibe.
-
Sar e Jehovase svedokija pomožinđe jekh jekhese palo uragan?
O prava hrišćanija mothovena mangipe jekh jekhese
AKO NEKO PHENELA: „E Jehovase svedokija tane nevi religija.“
-
Kotar ked o Jehova phenela pe slugenđe soj tane olese svedokija?
SO SIKLJILJAM
E Jehovase svedokija tane prava hrišćanija. Iako živinaja ko različita phuvja, amen hijam sar jekh porodica. Sa ko so amen verujinaja avela kotar Biblija hem vaćeraja o ćaćipe kotar Jehova.
Te ponovina
-
Sose vićinaja amen e Jehovase svedokija?
-
Sar mothovaja so mangaja jekh jekhe?
-
So tu mislineja, da li tane e Jehovase svedokija prava hrišćanija?
RODE POBUTER
Sikljov pobuter andi amari istorija.
Sar e Jehovase svedokija mothovđe vera? – 1. deo: Ikljilje andi tomnina (1:00:53)
Dikh sar e Jehovase svedokija mothovđe so disave sikljoviba tane hovavne.
Arakh o odgovorija ko disave pućiba kola šaj isi tut ando Jehovase svedokija.
O Stiven ćerđa but lošna buća sebepi so but mrzinđa e manušen kola hine ando aver narodo. Dikh sar odova so dikhlja maškaro Jehovase svedokija pomožinđa lese te menjini pe.
a Pana kotar 1879. berš, o časopis Stražarsko kula ikljola hem objasnini o ćaćipe andi Biblija.
Dikhen hem akava
NAJČEŠĆA PUČIBA
Sar izgledini jekh biblijako kurs ando Jehovase svedokija?
O proučibe tano besplatno, šaj te koristinen o prevod andi Biblija kova tumen mangena hem ko kurs šaj te vićinen celo tumare porodica ja nekas ando tumare amala.
