ΜΑΘΗΜΑΣ 19
Ισί ο Μάρτυρες ι Ιεχωβάσκε Αληθινοί Χριστιανοί;
Αμέν, ο Μάρτυρες ι Ιεχωβάσκε, πακιάσα ότι ισινάμ αληθινοί Χριστιανοί. Για τι ντικχές σόσκε, σίκλιουβ κατέ βασίντιβενα οντουλά σο πακιάσα, σόσκε λιντάμ ανταβά ναβ σο ξεχωρίνελα-αμέν ντα σαρ σικαβάσα ότι μανγκάσα ο εκ ι γιαβερές.
1. Κατέ βασίνενα οντουλά σο πακιάνα ο Μάρτυρες ι Ιεχωβάσκε;
Ο Ιησούς βακερντάς: «[Ι Ντεβλέσκο] λάφι ισί μπαγιά». (Ιωάννης 17:17) Σαρ ο Ιησούς, αντικάς ο Μάρτυρες ι Ιεχωβάσκε-ντα βασίνενα πάντα οντουλά σο πακιάνα κο Λάφι κι Ντεβλέσκο. Για παράδειγμας, ντικχ σαρ κεράας-λες ανταβά κατά πουρανέ μπρεσά. Πασέ κο 1870, εκ ομάδα σο ισινέ Σπουδαστές ι Γραφιάκε αρχισάλε τι ρόντεν προσεκτικά κι Γραφή. Βασίνενας οντουλά σο πακιάνας κι Γραφή, ατζέ-ντα άμα ισινέ διαφορετικά οντουλένταρ σο σικλιαρένας ο κχανγκιριά ι ντουνιάσκε. Σοράν, αρχισάλε τι βακερέν κο γιαβερά-ντα ανταλά αλήθειες ι Γραφιάκε. a
2. Σόσκε τραμπιντάμ ο ναβ Μάρτυρες ι Ιεχωβάσκε;
Ο Ιεχωβά βακερέλα πι υπηρετόνγκε ότι ισί λέσκε μάρτυρες επειδή βακερένα κο γιαβερά ι αλήθεια λέσκε. (Εβραίους 11:4–12:1) Για παράδειγμας, κο πουρανέ μπρεσά, ο Ντεβέλ βακερντάς πι λαόσκε: «Τουμέν ισινέν μο μάρτυρες». (Διαβάνεν Ησαΐας 43:10) Ο Ιησούς βακέρντιβελα “ο Πιστός Μάρτυρας”. (Αποκάλυψη 1:5) Οτθάρ, κο 1931 λιντάμ ο ναβ Μάρτυρες ι Ιεχωβάσκε. Ισαράσα-αμέν ανταλέ ναβέσκε σο τθεράσα.
3. Σαρ σικαβένα ο Μάρτυρες ι Ιεχωβάσκε μανγκιπέ, ή γιαβέρτουλους αγάπη, σαρ ο Ιησούς;
Ο Ιησούς μανγκέλας αζόμ μπουτ πι μαθητέν σο ντικχέλας-λεν σαρ πι φαμιλί. (Διαβάνεν Μάρκος 3:35) Αντικάς, ο Μάρτυρες ι Ιεχωβάσκε-ντα ισί εκ ενωμέ φαμιλί σαρό κο ντουνιάς. Άκ’ σόσκε βακερένα ο εκ ι γιαβερέσκε «πφραλ» ντα «πφεν». (Φιλήμονα 1, 2) Επίσης, ντάσα καν κι εντολή: «Τι μανγκέν σαρέ ι πφραλέν». (1 Πέτρου 2:17) Ο Μάρτυρες ι Ιεχωβάσκε σικαβένα ανταβά μανγκιπέ μπουτέ τροπόντζαρ. Για παράδειγμας, κάι-ντα τι αβέν λένγκε πφραλά ντα πφενιά, κάνα τθερένα ανάγκη, βον βοηθίνενα-λεν.
ΧΑΝΤΖΟΥΒ ΠΟ ΑΧΟΡΤ
Σίκλιουβ πο λατσσές ι ιστορία ι Ιεχωβάσκε Μαρτυρένγκι ντα ντικχ πο μπουτ πράγματα σο σικαβένα ότι ισινάμ αληθινοί Χριστιανοί.
Ο αληθινοί Χριστιανοί βασίνενα οντουλά σο πακιάνα κι Αγία Γραφή ντα μουτθαβένα-λεν κο γιαβερά
4. Οντουλά σο πακιάσα βασίντιβενα κι Αγία Γραφή
Ο Ιεχωβά βακερντάας ότι η αλήθεια ι Γραφιάκι κα σικάντιβελας. Διαβάνεν Δανιήλ 12:4 ντα υποσημείωση ντα σοράν συζητίνεν ι ερώτηση:
-
Σο κα “αβγατίντιβελας” κι Ντεβλέσκο λαός καζόμ κα συνεχίνελας τι ρόντελ κι Γραφή;
Ντικχ σαρ διαβάνενας ο Λάφι ι Ντεβλέσκο ο Σπουδαστές ι Γραφιάκε, σο εκ ανταλένταρ ισινέ ο Κάρολος Ρώσσελ. Ντικχέν ο ΒΙΝΤΕΟΣ ντα σοράν συζητίνεν ι ερώτηση:
-
Σαρ ντικχλάμ κο βίντεος, σαρ διαβάνενας ι Γραφή ο Κάρολος Ρώσσελ ντα ο γιαβερά Σπουδαστές ι Γραφιάκε;
Τζανέας-λες;
Μπάζιμα, τθεράσα κερντό αλλαγές μερικέ πραγματέντε σο πακιάας. Σόσταρ; Ισί σαρ ο κχαμ σο, καζόμ νικιόλα, σικαβέλα αμένγκε χάνικ χάνικ πο μπουτ λεπτομέρειες εκχέ τθανέστε. Αντικάς ο Ντεβέλ-ντα βοηθίνελα-αμέν τι αγαβάς λέσκο Λάφι χάνικ χάνικ. (Διαβάνεν Παροιμίες 4:18) Άρα, παρόλο σο η Γραφή να αλλάνελα, αμέν κεράσα αλλαγές οντουλέντε σο πακιάσα καζόμ αγαβάσα πο λατσσές ι Γραφή.
5. Κεράσα ανταβά σο βακερέλα αμαρό ναβ
Σόσκε λιντάμ ο ναβ Μάρτυρες ι Ιεχωβάσκε; Ντικχέν ο ΒΙΝΤΕΟΣ ντα σοράν συζητίνεν ι ερώτηση:
-
Σόσκε ισί σωστός ο ναβ Μάρτυρες ι Ιεχωβάσκε;
Σόσκε τραμπιντάς ο Ιεχωβά τζενέν τι αβέν λέσκε μάρτυρες; Για τι μουτθαβέν ότι βοβ ισί ο αληθινός Ντεβέλ, σόσκε βακέρντιλε μπουτ ψέματα λέσκε. Ντικχ ντούι ανταλέ ψεματένταρ.
Μερικές θρησκείες σικλιαρένα ι τζενέν σο ακολουθίνενα-λεν ότι ο Ντεβέλ μανγκέλα τι ντεν-λες λατρεία αντράλ κατά εικόνες. Αλλά ισί μπαγιά ανταβά; Διαβάνεν Λευιτικό 26:1 ντα σοράν συζητίνεν ο ερωτήσεις:
-
Καγιά ισί η αλήθεια; Σαρ ντικχέλα ο Ιεχωβά ο είδωλα;
Μερικά παπάζια σικλιαρένα ότι ο Ιησούς ισί ο Ντεβέλ. Αλλά ισί μπαγιά ανταβά; Διαβάνεν Ιωάννης 20:17 ντα σοράν συζητίνεν ο ερωτήσεις:
-
Καγιά ισί η αλήθεια; Ισί ο Ιησούς ο Ντεβέλ;
-
Σαρ νιωθίνεσα σο σικλιλάν ότι ο Ιεχωβά μπουτσσαντάς πι Μαρτυρέν τι μουτθαβέν ι αλήθεια λέσκε ντα λέσκε Τσσαβέσκε;
6. Μανγκάσα ο εκ ι γιαβερές
Η Γραφή βακερέλα ότι ο Χριστιανοί πρέπει τι αβέν ενωμέ σαρ ο μέρη ι σωμάσκε. Διαβάνεν 1 Κορινθίους 12:25, 26 ντα σοράν συζητίνεν ο ερωτήσεις:
-
Σο πρέπει τι κερέν ο αληθινοί Χριστιανοί κάνα λένγκε πφραλά τσσίντενα μπουτ;
-
Τθερέσα ντικχλό τούι ο μανγκιπέ σο τθερένα ο Μάρτυρες ι Ιεχωβάσκε;
Κάνα ο Μάρτυρες ι Ιεχωβάσκε εκχέ τθανέστε τσσίντενα μπουτ, ο γιαβερά Μάρτυρες σαρό κο ντουνιάς κερένα κάτι ανταλέσκε σουγκό. Για παράδειγμας, ντικχέν ο ΒΙΝΤΕΟΣ. Σοράν συζητίνεν ι ερώτηση:
-
Σαρ βοηθιντέ ο Μάρτυρες ι Ιεχωβάσκε ο εκ ι γιαβερές σοράν κατά τυφώνας;
Ο αληθινοί Χριστιανοί σικαβένα πουμαρό μανγκιπέ οντουλένγκε σο τθερένα ανάγκη
ΜΕΡΙΚΑ ΤΖΕΝΕ ΒΑΚΕΡΕΝΑ: «Ο Μάρτυρες ι Ιεχωβάσκε ισί νεβί θρησκεία».
-
Από κάνα βακερέλα ο Ιεχωβά πι λαόσκε ότι ισί λέσκε μάρτυρες;
ΧΑΝΙΚ ΛΑΦΙΝΤΖΑΡ
Ο Μάρτυρες ι Ιεχωβάσκε ισί αληθινοί Χριστιανοί. Ισινάμ εκ φαμιλί σαρό κο ντουνιάς σο ντάσα λατρεία ι Ντεβλές, σο βασίνασα οντουλά σο πακιάσα κι Γραφή ντα σο μουτθαβάσα ι αλήθεια ι Ιεχωβάσκε.
Σο Σικλιλάν;
-
Σόσκε λιντάμ ο ναβ Μάρτυρες ι Ιεχωβάσκε;
-
Σαρ συμπεριφερίντιβασα ο εκ κο γιαβέρ;
-
Τούι, πακιάσα ότι ο Μάρτυρες ι Ιεχωβάσκε ισί αληθινοί Χριστιανοί;
ΡΟΝΤΕ
Σίκλιουβ πο μπουτ αμαρέ ιστοριάκε.
Μάρτυρες ι Ιεχωβάσκε —Σικαντέ Πίστη, Μέρος 1: Κατά Καρανίκι κο Σάφκι (1:00:53)
Ντικχ εκ περίπτωση σο σικαβέλα σαρ ο Μάρτυρες ι Ιεχωβάσκε πουτσσαρντέ ο ψεύτικα λάφια σο σικλιαρένα ο τζενέ.
Λε ο απαντήσεις κο ερωτήσεις σο μπέκιμ τι τθερές ι Ιεχωβάσκε Μαρτυρένγκε.
«Σο Πουτσέλα ο Ντουνιάς ι Ιεχωβάσκε Μαρτυρένγκε» (Ιστοσελίδα)
Ο Στίβεν τθερέλας αζόμ μπουτ χολί ι τζενένγκε σο τθερένας γιαβέρ φυλή σο κερέλας λένγκε ζιάνι. Σίκλιουβ σο ντικχλάς κο Μάρτυρες κι Ιεχωβάσκε σο κερντάς-λες τι αλλάνελ.
«Μι Ζωή Καζόμ Τζάλας Αβέλας πο Μπέτι» (Η Σκοπιά 1 Ιουλίου 2015)
a Κατά 1879 μέχρι αντιβές, ο περιοδικός Η Σκοπιά βακερέλα ι αλήθεια ι Γραφιάκι.
