YE TI MANDA 19
Eskê aTémoin ti Jéhovah ayeke atâ Chrétien?
So e yeke aTémoin ti Jéhovah, e mä na bê so e yeke atâ Chrétien. Ngbanga ti nyen? Gbu li na ndö ti ye so ayeke na gunda ti aye so e mä na bê na ni, iri so asara si e yeke nde nga na ndoye so ayeke na popo ti e.
1. Nyen la ayeke na gunda ti aye so aTémoin ti Jéhovah amä na bê na ni?
Jésus atene: “Tënë ti [Nzapa] ayeke tâ tënë.” (Jean 17:17). Legeoko tongana ti Jésus, Mbeti ti Nzapa ayeke lakue na gunda ti aye so aTémoin ti Jéhovah amä na bê na ni. Gbu li na ndö ti mbaï ti aTémoin ti Jéhovah ti laso. Na ngu 1870 tongaso, mbeni groupe ti aWamandango Bible akomanse ti gi nda ti atënë so ayeke na yâ ti Bible nzoni. Aye so Bible afa la ayeke na gunda ti mabe ti ala, même tongana a yeke nde na ati so a-eglize afa. Na pekoni, ala komanse ti fa atâ tënë ti Bible so na azo. a
2. Ngbanga ti nyen la e mû iri Témoin ti Jéhovah?
Jéhovah airi awakua ti lo atémoin ti lo ndali ti so ala yeke fa tâ tënë na ndö ti lo (aHébreu 11:4–12:1). Na tapande, ândö, Nzapa atene na azo ti lo: “Ala yeke atémoin ti mbi.” (Diko Ésaïe 43:10). A iri Jésus “Témoin so ayeke be-ta-zo”. (Apocalypse 1:5). Tongaso, na ngu 1931 e mû iri Témoin ti Jéhovah. A nzere na e so iri so ayeke na ndö ti e.
3. Tongana nyen la aTémoin ti Jéhovah asara ye na ndoye tongana Jésus?
Jésus aye lani adisciple ti lo mingi asara si ala yeke tongana sewa ti lo. (Diko Marc 3:35.) Legeoko nga, aTémoin ti Jéhovah ayeke sewa ti aita so ayeke na yâ ti dunia kue so ayeke beoko. Ndani la e yeke iri terê aita (Philémon 1, 2). E yeke sara nga ye alingbi na commandement so atene: “Ala ndoye sewa ti e ti aita kue.” (1 Pierre 2:17). E aTémoin ti Jéhovah e yeke fa ndoye so na yâ ti aye mingi, na tapande e yeke mû maboko na amba ti e aChrétien na yâ ti dunia kue na ngoi so ala yeke na bezoin ni.
GI TI HINGA AYE MINGI
Gi ti hinga ye nzoni na ndö ti mbaï ti aTémoin ti Jéhovah nga bâ ambeni ye so afa so e yeke atâ Chrétien.
Bible la ayeke na gunda ti aye so atâ Chrétien amä na bê na ni nga ala yeke fa ni na azo
4. Bible la ayeke na gunda ti aye so e mä na bê na ni
Jéhovah atene kozo awe so na lâ ti nda ni e yeke mä yâ ti atâ tënë ti Bible nzoni ahon ti kozo. Diko Daniel 12:4 nga na kete tënë na gbe ni, na pekoni kiri tënë na hunda so:
-
Nyen la “ayeke ga mingi” na popo ti azo ti Jéhovah tongana ala ngbâ ti gi nda ti atënë ti Bible?
Bâ tongana nyen la mbeni groupe ti aWamandango Bible, so Charles Russell ayeke na popo ti ala, amanda lani Bible. Zia VIDÉO ni, na pekoni kiri tënë na ahunda so:
-
Na yâ ti vidéo so, tongana nyen la Charles Russell nga na amba ti lo aWamandango Bible amanda lani Bible?
Mo hinga?
Na ambeni ngoi, e changé fason so e comprendre na ambeni ye so e mä na bê na ni. Ngbanga ti nyen? Gï tongana ti so lumière ti lâ ayeke su yeke yeke na aga kota lâ na amû lege na zo ti bâ ndo polele, Nzapa asara si yeke yeke azo amä yâ ti Bible. (Diko aProverbe 4:18.) Bible achangé ape, me tongana e mä ya ni nzoni, e yeke changé aye so e fa.
5. E sara ye alingbi na iri ti e
Ngbanga ti nyen la e mû iri Témoin ti Jéhovah? Zia VIDÉO ni, na pekoni kiri tënë na hunda so:
-
Ngbanga ti nyen la a yeke na lege ni so e mû iri Témoin ti Jéhovah?
Ngbanga ti nyen la Jéhovah asoro ambeni zo ti ga atémoin ti lo? Ngbanga ti so ala yeke fa na azo tâ tënë na ndö ti Jéhovah so ayeke tâ Nzapa, ndali ti so a tene amvene mingi na ndö ti lo. Bâ ambeni mvene use so a tene na ndö ti lo.
Ambeni bungbi ti vorongo nzapa afa na azo ti ala so Nzapa aye ti tene e sara kua na ayanda ti voro lo. Me diko Lévitique 26:1, na pekoni kiri tënë na ahunda so:
-
Tâ tënë ni ayeke so wa? Jéhovah apensé nyen na ndö ti vorongo lo na lege ti ayanda?
Ambeni kota zo ti nzapa atene Jésus ayeke Nzapa. Me diko Jean 20:17, na pekoni kiri tënë na ahunda so:
-
Tâ tënë ni ayeke so wa? Eskê Jésus ayeke Nzapa?
-
So mo hinga so Jéhovah atokua aTémoin ti lo ti fa tâ tënë na ndö ti lo nga na Molenge ti lo, a sara mo tongana nyen?
6. E ye terê na popo ti e
Bible ahaka aChrétien na ambage ti terê nde nde ti zo. Diko 1 aCorinthien 12:25, 26, na pekoni kiri tënë na ahunda so:
-
A lingbi atâ Chrétien asara ye tongana nyen na ngoi so ambeni mba ti ala Chrétien ayeke bâ pasi?
-
Eskê mo bâ so aTémoin ti Jéhovah andoye terê na popo ti ala?
Tongana aTémoin ti Jéhovah ayeke bâ pasi na mbeni ndo, hio amba ti ala aTémoin na yâ ti dunia kue ayeke mû maboko na ala. Ti bâ mbeni tapande ni, zia VIDÉO ni. Na pekoni kiri tënë na hunda so:
-
Tongana nyen la ngangu so aTémoin ti Jéhovah asara ti aidé amba ti ala na ngoi ti akpale afa so ala ye amba ti ala?
Atâ Chrétien afa ndoye na mbage ti azo so ayeke na yâ ti bezoin
AMBENI ZO ATENE: “Bungbi ti aTémoin ti Jéhovah ayeke mbeni fini bungbi ti vorongo Nzapa.”
-
Lawa la Jéhovah akomanse ti iri awakua ti lo atémoin ti lo?
NA NDURU TËNË
A-Témoin ti Jéhovah ayeke atâ Chrétien. E awakua ti Nzapa na yâ ti dunia kue, e yeke sewa ti lo. Bible la ayeke na gunda ti aye so e mä na bê na ni na e yeke fa na azo tâ tënë na ndö ti Jéhovah.
Dango bê
-
Ngbanga ti nyen la e mû iri Témoin ti Jéhovah?
-
E yeke sara ye na amba ti e aTémoin tongana nyen?
-
Mo pensé so aTémoin ti Jéhovah ayeke atâ Chrétien?
GI NDA TI YE
Manda ye na ndö ti mbaï ti e.
A-Témoin de Jéhovah asara ye na mabe. Kozo mbage ni: Ala sigi na yâ ti bingo (1:01:53)
Bâ mbeni tapande so afa tongana nyen la aTémoin ti Jéhovah asigi na nda ti afango ye ti wataka.
Wara kiringo tënë na ahunda so peut-être mo yeke na ni na ndö ti aTémoin ti Jéhovah.
“Atënë so azo ayeke hunda ka na ndö ti aTémoin ti Jéhovah” (na ndö ti site)
Stephen ake lani mingi azo ti ambeni mara nde asara si lo tiri na ala. Gi ti hinga ye so lo bâ lani na popo ti aTémoin ti Jéhovah so apusu lo ti changé.
“Gigi ti mbi ayeke ga gi lani sioni sioni” (Tour ti Ba Ndo ti lango 1 ti juillet 2015)
a Ngbene ye na ngu 1879 ti ga na ni, awakua ti Jéhovah asigi na Tour ti Ba Ndo ti fa nda ti atënë so Bible atene.
Bâ nga
ATËNË SO AZO AYEKE HUNDA KA
A-Témoin ti Jéhovah ayeke manda Bible na azo tongana nyen?
Mo peut ti sara kua na traduction ti Bible so mo ye na temps so a-Témoin ti Jéhovah ayeke manda Bible na mo senge senge. Mo peut ti tisa afami ti mo kue wala ambeni kamarade ti mo.
