LESEN 19
Wiswei, ol Zeoba Witnis i Prapa Kristian a?
Mipla ol Witnis blo Zeoba bilib mipla ol prapa Kristian. Aukam mipla spik diskain? Wea bilib blo mipla kam prom? Aukam mipla kole miplaselp Zeoba Witnis? Wiskain mipla soe lab po wananada?
1. Wea bilib blo ol Zeoba Witnis i kam prom?
Zizas bin spik: “Dem wod blo [God] i mata tru.” (Zon 17:17) Seimkain wase Zizas, wanem ol Witnis blo Zeoba i bilib, mata kam prom Wod blo God. Tingbaut wiskain grup blo mipla bin stat. Lo iya 1870, wan Baibol stadi grup bin kam tugeda sole ol ken prapa stadi Baibol po paindaut wanem i tru. Nomata wanem ol lan po bilib bin dipren prom ol tising blo ol sos, dempla bin meikso wanem ol bilib i kam prom Baibol. Den, dempla bin stat po sere dat trutok ol bin lan prom Baibol wea ol nada pipol. a
2. Aukam mipla yuze da neim, Zeoba Witnis?
Zeoba kole demwan uda wosip em, ol witnis blo em, bikoz ol mata spik trutok baut uda em. (Ibrupipol 11:4–12:1 NWT) Prom bipotaim, God spik po ol pipol blo em: “Yupla ol witnis blo mi.” (Rid Aizaia 43:10.) Zizas, em “man po mata spik stret ebridem wod blo God”, dasmin em bin Witnis blo God. (Rebaleisan 1:5) So, wea iya 1931, mipla bin teke da neim, Zeoba Witnis. Mipla pil praud po kare dat neim.
3. Wiskain ol Witnis blo Zeoba soe seimkain lab wase Zizas?
Zizas bin prapa labe klostuman blo em, ane dempla bin wase pamle blo em. (Rid Mak 3:35.) Seimkainwei, ol Witnis blo Zeoba zoin tugeda po kam wan big woldwaid pamle. Daswai, mipla kole wananada bala ane sisi. (Pilemon 1, 2) Ane mipla obei da oda: “Demwan uda i labe God i mas wantaim labe amenpamle blo dempla.” (1 Zon 4:21) Ol Witnis blo Zeoba soe dis lab lo olkainwei, wase wen mipla elpe ol amenpamle, raun da wold wen ol i nidem.
TINGBAUT MO NAU
Lan mo baut wiskain ol Zeoba Witnis bin stat, ane luk wanem i prubem mipla ol prapa Kristian.
Bilib blo ol prapa Kristian mata kam prom Baibol ane dempla serem wea ol nada pipol
4. Bilib blo mipla mata kam prom Baibol
Zeoba bin spik, em go meikso yumpla go sabe mo kliawan, mining blo Baibol. Rid 2 Korint 4:6, ane tokbaut dis kwestin ya:
-
Wanem God go gibe pipol blo em, wen dempla kip stadi po paindaut mo prom Baibol?
Paindaut wiskain wan Baibol stadi grup, wea i gad wan man wea dempla, Charles Russell, bin stadi Wod blo God tugeda. Plei da BIDYO, ane tokbaut dis kwestin ya.
-
Lo da bidyo, wiskain wei Charles Russell ane demwan wea da Baibol stadi grup, bin meke stadi blo da Baibol?
Yu bin sabe a?
Samtaim, bilib blo mipla i seinz. Aukam? Wase san i kamap moningtaim ane lelbet lelbet, deilait go meke ol samting kam mo klia, so God go lelbet lelbet, meke mining blo Wod blo em kam mo klia tu. (Rid Proberb 4:18.) Wa, Baibol no seinz, bat wen mipla kam po sabe Baibol mo kliawan, wi go seinze bilib blo mipla, sole i go lainap wea Baibol.
5. Da neim blo mipla soe wanem mipla go mekem
Aukam mipla bin teke da neim, Zeoba Witnis? Plei da BIDYO, ane tokbaut dis kwestin ya.
-
Aukam da neim, Zeoba Witnis, i raitwan po yuzem?
Aukam Zeoba bin suze pipol po kam witnis blo em? Dempla go mata tok stret wanem i tru baut Zeoba, bikoz i gad mina tumas lai baut em. Tingbaut 2 dem laitok ya.
Sam rilizan tise grup blo dempla diskain, God wande dempla po yuze ol kabing blo imiz po wosip em. Wiswei, i tru a? Rid Labitikas 26:1, ane tokbaut dis kwestin ya:
-
Prom dis skripsa, wiskain Zeoba pil baut ol kabing blo ol imiz, wea wosip?
Sam lida blo rilizan tise Zizas i God. Bat, wanem i tru? Rid Zon 20:17, ane tokbaut dem kwestin ya:
-
Wiswei, Zizas i God a?
-
Wanem piling blo yu, nau yu sabe Zeoba bin sane ol Witnis blo em, po pris wanem i tru, baut em ane Boi blo em?
6. Mipla labe wananada
Da Baibol spik ol Kristian mas zoin po kamwan, seimkain wase ol bodipat i kam tugeda tu. Rid 1 Korint 12:25, 26, ane tokbaut dem kwestin ya:
-
Wanem ol prapa Kristian go mekem, wen ol bala ane sisi blo dempla i sapa?
-
Wanem yu bin tekenotis baut da lab ol Witnis blo Zeoba i gad po wananada?
Wen ol Witnis blo Zeoba i sapa lo wan eria lo ert, ol nada bala ane sisi raun da wold, wantaim gopo elp. Po luk wiskain ol i mekem, plei da BIDYO. Den tokbaut dis kwestin ya.
-
Wiskain ol Zeoba Witnis bin soe lab po wananada, apta da bigrein ane strongwin bin smase dat ples?
Ol prapa Kristian soe lab po demwan uda nide elp
SAM PIPOL SPIK: “Ol Zeoba Witnis i wan kasa niu rilizan.”
-
Bat, wen Zeoba bin stat po kole demwan uda wosip em, ol witnis blo em?
WANEM YU BI LAN
Ol Zeoba Witnis i ol prapa Kristian. Mipla wan woldwaid amenpamle uda wosip Zeoba, bilib blo mipla mata kam prom Baibol ane mipla tok stret baut wanem i tru baut Zeoba.
Wiskain Yu Go Spik
-
Aukam mipla bin teke da neim, Zeoba Witnis?
-
Wiskain mipla trite wananada?
-
Wiswei yu tingk, ol Zeoba Witnis i prapa Kristian a?
PAINDAUT MO
Lan mo baut stori blo mipla.
Jehovahʼs Witnesses—Faith in Action, Part 1: Out of Darkness (1:00:53)
Luk wanwei ol Witnis blo Zeoba bin soe da rong blo ol lai tising.
Gede dem ansa po ol kwestin yu mait go gad, baut ol Witnis blo Zeoba.
“Ol Kwestin Pipol Askem Baut Ol Witnis blo Zeoba” (web page)
Stephen bin nadakain eite pipol blo ol nada kantri, so em bin tere dempla. Paindaut wanem em bin tekenotis baut ol Witnis blo Zeoba, dat bin mube em po wande seinz.
“My Life Was Going From Bad to Worse” (The Watchtower, July 1, 2015)
a Prom iya 1879, mipla bin printe Da Wastaua magazin po eksplein wanem Baibol i spik.
Yu Mait Laik Dem Samting Ya Tu
OL KWESTIN PIPOL ASKEM
Wanem dem Baibol Stadi Lesen ol Zeoba Witnis i Gibem po Pipol?
Wea dis niu wei po stadi Baibol dat ol Zeoba Witnis i mekem, i pri, ane yu ken yuze eni Baibol yu wandem. Yu welkam po inbait pamle blo yu ane eni pren po stadi tu.
