ITYOUGH 19
Mbashiada mba Yehova ka Mbakristu mba Mimi?
Se Mbashiada mba Yehova, se na jighjigh ser se mba Mbakristu mba mimi. Sha ci u nyi? Nenge ase ape atesen a ase a dugh, man er iti yase i lu kposo shi se doo ayol a ase yô.
1. Atesen a Mbashiada mba Yehova due hana?
Yesu kaa ér: “Ka kwaghôron [u Aôndo] a lu mimi ye.” (Yohane 17:17) Atesen a Mbashiada mba Yehova cii due ken Mkaanem ma Aôndo, er akaa a Yesu tesen ior la kpa lu nahan. Ikyav i tesen yô, nenge ase yiase yase i Mbashiada mba Yehova, hii shighe u i yilan se ér Mbahenen Bibilo la. Ken inyom i 1870 la, annongo u i yilan ér Mbahenen Bibilo la hii u tôvon sha atesen a Bibilo zulee. Atesen a ve cii yange a zua sha kwagh u Bibilo i tese yô, aluer atesen shon kaha a atesen a ukwaghaôndo je kpaa. Maa ve hii u tesen ior mimi u Bibilo u ve lu henen la. a
2. Er nan ve se yer ayol a ase ser Mbashiada mba Yehova?
Yehova yer mbacivir un ér mbashiada nav sha ci u mba pasen ior kwagh na sha mimi. (Mbaheberu 11:4–12:1) Ikyav i tesen yô, sha ayange a tsuaa la, Aôndo kaa a ior nav ér: ‘Ka ne ne lu mbashiada Av ye.’ (Ôr Yesaia 43:10.) I yila Yesu ér: “Orshiada u jighjigh.” (Mpase 1:5) Sha nahan yô, ken inyom i 1931 la, se tôô iti i Mbashiada mba Yehova la. Doo se kpishi er i yer se sha iti ne yô.
3. Mbashiada mba Yehova ka ve dondo ikyav i Yesu la sha u doon ayol a ve nena?
Mbahenen mba Yesu yange ve doo un ishima je, ve lu un er ka mba hen tsombor na nahan. (Ôr Marku 3:35.) Kape Mbashiada mba Yehova kpa ve lu ken mzough tar sha won cii, ve lu tsombor môm je la. Ka nahan ve se yilan ayol a ase ser anmgbianev mba nomso man mba kasev ye. (Filemon 1, 2) Shi ka se dondo tindi u a kaa ér: “Mzough u anmgbianev cii a̱ doo ne ishima” la. (1 Peteru 2:17) Mbashiada mba Yehova ka ve tese dooshima ne sha igbenda kposo kposo, er u wasen mbacivir Aôndo a ve imôngo hanma ijiir i ve lu sha tar cii shighe u kwagh a tser ve nahan.
HEN KWAGH I ZA SHIMI
Seer tôvon sha kwagh u yiase i Mbashiada mba Yehova nahan nenge akaa agen a a tese ér se mba Mbakristu mba mimi yô.
Atesen a Mbakristu mba mimi cii ka a due ken Bibilo, shi ve pasen mbagen kwagh u a kpaa
4. Atesen a ase cii zua sha kwagh u Bibilo i tese yô
Yehova yange tsenga ôron ér shighe ngu van u se va seer kaven akaa a Bibilo i tese la yô. Ôr Daniel 12:4, maa lam nen sha mpin ne:
-
Ka nyi yange i kaa ér ior mba Aôndo vea va “seer” zuan a mi er vea za hemen u timen ken Bibilo laa?
Nenge er Charles Russell kua mbahenen Bibilo mbagen yange ve hen Mkaanem ma Aôndo yô. Nenge VIDIO i i lu heen ne, maa lam nen sha mpin u a dondo ne.
-
Ken vidio la, Charles Russell man Mbahenen Bibilo mbagen mbara yange ve time ken Bibilo nena?
U fa kpa?
Ashighe agen ka se hide se nyôôso atesen a ase agen. Sha ci u nyi? Er iyange ka ia due a taan ve i wanger i seer a seer nahan, kape Aôndo kpa ka a seer tan se iwanger ken Mkaanem nam kure kure je la. (Ôr Anzaakaa 4:18.) Er Bibilo i gem ga nahan kpa, ka sea va seer zuan a iwanger sha kwagh u Bibilo i tese yô, se hide se nyôôso atesen a ase.
5. Ka se pase mimi sha kwagh u Yehova
Er nan ve se tôô iti i Mbashiada mba Yehova laa? Nenge VIDIO i i lu heen ne, maa lam nen sha mpin u a dondo ne.
-
Iti i Mbashiada mba Yehova la i kuma sha a ve vough sha ci u nyi?
Er nan ve Yehova a tsua ior ér ve lu mbashiada nava? Ka sha ci u ior er mbaaie sha kwagh u Aôndo, nahan gba u a pase ér ngu Aôndo u mimi. Nenge ase mbaaie mba uhar mban.
Ukwaghaôndo mbagen mba tesen ior vev ér Aôndo soo ér ve civir un a ieev. Kwagh la ka mimi? Ôr Levitiku 26:1, maa lam nen sha mpin ne:
-
Ivur la tese ér Yehova nengen ieev nena?
Mbahemenev mba kwaghaôndo mbagen mba tesen ér Yesu ka Aôndo. Nahan kpa, ôr Yohane 20:17, maa lam nen sha mbampin mban:
-
Ivur la tese ér ka Yesu a lu Aôndo kpaa yee?
-
Er u fe wer ka Yehova a tindi Mbashiada nav ér ve za pase ior mimi sha kwagh na kua Wan na nahan ka u nena?
6. Se soo ayol a ase
Bibilo tôô Mbakristu kar sha alegh a iyolough u pasen er i gbe u vea lu ken mzough yô. Ôr 1 Mbakorinte 12:25, 26, maa lam nen sha mbampin mban:
-
Gba u Mbakristu mba mimi vea er nena shighe u mba ve civir Aôndo a ve imôngo ve lu yan icana?
-
Ka nyi u nenge a mi i i tese ér Mbashiada mba Yehova soo ayol a ve?
Mbashiada mba Yehova mba ken veghertar ugen ka vea yaan ican yô, Mbashiada mba sha tar cii ve er kwagh fese u wasen ve. Wea soo u nengen ikyav i môm yô, nenge VIDIO i i lu heen ne. Maa lam nen sha mpin u a dondo ne.
-
Iwasen i Mbashiada mba Yehova ka ve za na Mbashiada mbagen la, tese ér ve doo ayol a ve nena?
Mbakristu mba mimi ka ve wase mba i gbe u a na ve iwasen la
IOR MBAGENEV KA VE KAA ÉR: “Kwaghaôndo u Mbashiada mba Yehova ka u he.”
-
Ka hanma shighe Yehova yange hii u yilan mbacivir un ér mbashiada nava?
KA NYI U HENE?
Mbashiada mba Yehova ka Mbakristu mba mimi. Se mba ken tsombor u mbacivir Aôndo sha tar cii shi atesen a ase zua sha kwagh u Bibilo i tese la shi se mba pasen ior kwagh u Yehova sha mimi.
Mbampin mba umbur kwagh u i hen yô
-
Er nan ve se tôô iti i Mbashiada mba Yehova laa?
-
Se mba eren kwagh a Mbashiada mbagen nena?
-
U nenge wer Mbashiada mba Yehova ka Mbakristu mba mimi?
SEER HENEN KWAGH
Seer henen kwagh u yiase yase.
Mbashiada mba Yehova Tese Jighjigh Ve sha Aeren, Vegher u Hiihii: Ve Due ken Ime Kera (1:00:53)
Nenge ikyav i môm i tesen er yange Mbashiada mba Yehova pon atesen a aiegh ken igbar yô.
Zua a iwanger sha akaa a alaghga aa tsume u sha kwagh u Mbashiada mba Yehova yô.
“Mbampin Mba Ior Ve Pin Hanma Shighe sha Kwagh u Mbashiada mba Yehova La” (peeji u sha Intanet)
Stephen yange kôr ior mba ve lu kwavyolough kposo a na ihyom je yô, ngôôr tan num sha a ve ga. Nenge ase kwagh u yange va nenge a mi hen atô u Mbashiada mba Yehova ve de ieren na la yô.
“Yange M Lu Saan Ishe Gban a Gba Kera” (Iyoukura, Setemba 1, 2015)
a Mbashiada mba Yehova yange ve hii u gberen magazin u Iyoukura ken inyom i 1879 la, u pasen ior kwagh u Bibilo i ôr yô.
Kwagh Ugen u Alaghga Shi Una Doo U Yô
MBAMPIN MBA IOR VE PIN HANMA SHIGHE LA
Mbashiada mba Yehova Ka Ve Hen Bibilo a Ior Nena?
Bibilo i Mbashiada mba Yehova ve henen a ior gbilin ne, u fatyô u teman kwaghhenen ne a hanma Bibilo i u soo cii. U fatyô u lôhôn or u hen tsombor wou shin ma ijende you we nana va ne hen Bibilo imôngo.
