GIHEVBULO 19

Ina Dzifakazi dza Jehovha Makristo nya lisine?

WOMBISA

Ethu Dzifakazi dza Jehovha ho khodwa gu khethu hi Makristo nya lisine. Khu ginani? Omu nya gihevbulo gegi, hi na wona omu si seketedwago umo sihevbudzo sathu, egi gi girago hi ranwa pwani hi Dzifakazi dza Jehovha ni edzi hi yeyedzago khidzo gu khethu hi ngu haladzana khu gyathu.

1. Sihevbudzo sa Dzifakazi dza Jehovha so seketedwa avba nya ginani?

Jesu a di khuye: “Magana [ya Nungungulu] khayo ma gu lisine.” (Johane 17:17) Gufana ni Jesu, sihevbudzo sathu so seketedwa omu nya Lito la Nungungulu. Khu giyeyedzo, wona matimu nya vathu va Jehovha ya matshiguni gwathu, gukhugeya khu va 1870. Ga tepo yoyo, tsawa nya wudugwana nya vathu wu di pheya gu gevisisa gwadi milowo nya Bhibhiliya. Avo va di vbweta guti gwadi esi Bhibhiliya yi si hevbudzago. Tepo va nga ba va pwisisa lisine nya Bhibhiliya, va di gu khodwa ga isoso ambari si nga ba si hambanide ni esi si nga ba si hevbudzwa khu dzitshetshe. Khavbovbo, va di pheya gu bhuleya lisine lolo nya Bhibhiliya ga vambe. a

2. Khu ginani hi ranwago pwani hi Dzifakazi dza Jehovha?

Jehovha o rana vakhozeyi vaye khuye dzifakazi dzaye kholu va ngu hevbudza lisine maningano khuye. (Vahebheru 11:4–12:1) Khu giyeyedzo, ga dzitepo dza gale, Nungungulu embede vathu vaye, khuye: “Enu mu dzifakazi dzangu.” (Leri Isaya 43:10.) Jesu o ranwa pwani i “fakazi nya guthembege.” (Gutuledwa 1:5) Khu gighelo gyogyo, khu 1931 hi di pheya gu thumisa lina Dzifakazi dza Jehovha. Hi ngu tsaka ngudzu khu gu ranwa khu lina leli.

3. Dzifakazi dza Jehovha dzo pimedzeya kharini lihaladzo la Jesu?

Jesu a di gu va haladza ngudzu vapizane vaye nyo bwe a va wona nga valongo vaye. (Leri Marko 3:35.) Khu ndziya nyo fane, Dzifakazi dza Jehovha dzo wumba ndranga mweyo nyo pwanane mafuni gwatshavbo. Khiso si hi girago hi ranana vandriyathu. (Filemoni 1, 2) Nigu ho engisa gileletelo gegi: “Haladzani vandriyanu.” (1 Pedro 2:17) Hi ngu yeyedza lihaladzo lolo khu dzindziya nyo hambanehambane, ngudzungudzu tepo vandriyathu va vbwetago giphaso.

GIRA WUGEVISISI NYO ETE

Hevbula simbe khu Dzifakazi dza Jehovha gasi u tugula simbe sighelo si yeyedzago gu khiso avo Makristo nya lisine.

Makristo nya lisine mo seketeya sihevbudzo sawo omu nya Bhibhiliya ma bwe ma bhuleya vambe esi ma si hevbulago

4. Sihevbudzo sathu so seketedwa omu nya Bhibhiliya

Jehovha profetide gu khuye mapwisiselo yathu nya Bhibhiliya ma naya ma engedzeya. Lerini Dhaniyeli 12:4, mu vbedza mu bhula khu giwudziso gegi:

Ginani gi nga hadzi pwisisega gwadi tepo vathu va Nungungulu va gevisisago Bhibhiliya?

Wona edzi tsawa nya vathu, gupata ni Charles Russell, va nga ba va hevbula khidzo Lito la Nungungulu. Sistirini VHIDHYU, mu vbedza mu bhula khu giwudziso gegi.

VHIDHYU: Lisine nya Bhibhiliya li tugudwa nyaluphya (7:45)

Kha nga hi si wonidego omu nya vhidhyu, Charles Russell ni vambe vathu va di gu hevbula kharini Bhibhiliya?

U di gu dziti?

Dzimbe dzitepo hi ngu tshuka hi tshukwadzisa mapwisiselo yathu nya Bhibhiliya. Khu ginani? Kha nga lidambo li yago li wenengedza vbadugwanavbadugwana tepo gugyago, Nungungulu o hi phasa gu pwisisa Bhibhiliya vbadugwanavbagwana. (Leri Mavingu 4:18.) Lisine gu Bhibhiliya kha yi vbindrugedzi, ganiolu tepo hi yago hi pwisisa gwadi esi yi si ganeyago, ho vbindrugedza sihevbudzo sathu.

5. Ho vbanya khu guya khu lina lathu

Khu ginani hi hathidego lina Dzifakazi dza Jehovha? Sistirini VHIDHYU, mu vbedza mu bhula khu giwudziso gegi.

VHIDHYU: Lina li hi tivegisago (2:56)

Khu ginani hi nga ganeyago gu khethu lina Dzifakazi dza Jehovha li hathidwe gwadi?

Khu ginani Jehovha a hathidego vathu gasi va khala dzifakazi dzaye? Khu gu dzifakazi dzodzo dzi hadzi vhikeya Jehovha ga malipha ma ganeledwago maningano khuye. Hongoleni hi wonani mavili yakona basi.

Dzitshetshe nyo khaguri dzo hevbudza gu khidzo Nungungulu o vbweta gu khuye vathu va thumisa sifananiso gasi gu mu khozeya. Lerini Levhi 26:1, mu vbedza mu bhula khu siwudziso sesi:

Ina ka, khu levbini lisine? Uye Jehovha o si wona kharini sifananiso?

Vathangeyi nyo khaguri nya dzitshetshe vo hevbudza gu khavo Jesu khu Nungungulu. Lerini Johane 20:17, mu vbedza mu bhula khu siwudziso sesi:

Ina ka, khu levbini lisine? Ina Nungungulu ni Jesu muthu wa moyo?
Wo dzipwa kharini khu guti gu khuwe Jehovha hathide Dzifakazi dzaye gasi gu bhuleya vambe vathu lisine maningano khuye ni Gyanana gyaye?

6. Hi ngu haladzana khu gyathu

Bhibhiliya yo fananisa Makristo ni sivbango nyo hambanehambane nya givili nya muthu. Lerini 1 Vakorinto 12:25, 26, mu vbedza mu bhula khu siwudziso sesi:

Ginani egi Mukristo nya lisine a yedego gu gira o wona Mukristo mukwawe na gu tshaniseka?
Ginani gi yeyedzago gu khigyo Dzifakazi dza Jehovha dzi ngu haladzana?

Tepo Dzifakazi dza Jehovha dzi tshanganago ni gigaradzo ga litigo nyo khaguri, vandriyadzo va mafuni gwatshavbo va ngu vbweta gu phasedzeya. Gasi gu wona giyeyedzo gimwegyo, sistirini VHIDHIYU. Khavbovbo, mu bhula khu giwudziso gi landreyago.

VHIDHYU: Haiti gu veta furakawu Matthew (5:29)

Kha nga hi si wonidego, Dzifakazi dza Jehovha dzo yeyedza kharini gu khidzo dzi ngu haladzana tepo gu dugeleyago dzimhango nya tumbunugo?

Makristo nya lisine ma ngu yeyedza lihaladzo ga ava va vbwetago giphaso

VAMBE VARI KHAVO: “Dzifakazi dza Jehovha i tshetshe niyo basi yi ngarigo gu duga.”

A phede lini Jehovha gu rana vakhozeyi vaye khuye dzifakazi dzaye?

REZUMO

Dzifakazi dza Jehovha Makristo nya lisine. Ethu hi ndranga ya mafuni gwatshavbo nya vakhozeyi va Nungungulu, hi seketeyago sihevbudzo sathu omu nya Bhibhiliya ni gu hevbudza vambe lisine khu Jehovha.