CHIIYO 19

Bakamboni baJehova MaKristu Bachoonzyo Na?

LIZYA

Mbukunga tuli Bakamboni baJehova, tusyoma kuti tuli maKristu bachoonzyo. Nkamboonzi nitwaamba oobo? Akaambo kazintu nzitusyoma, zina lyesu litusiyanisya abamwi alubo tulayandana.

1. Nzibasyoma Bakamboni baJehova zizwa kuli?

Jesu wakaamba kuti: “Ijwi [lyaLeza] nkasimpe.” (Johane 17:17) Mbuli Jesu, nzibasyoma Bakamboni baJehova zizwa muJwi lyaLeza. Atubone zyakachitikila Bakamboni baJehova chiindi, bakali kwiitwa kuti Basikwiiya Bbayibbele. Kuma1870 Basikwiiya Bbayibbele bakasaanguna kuyanduulisisya kasimpe kamuBbayibbele. Bakasaanguna kusyoma zyakali kwaamba aBbayibbele nikuba kuti amwi macheechi teenzyaakali kusyoma pe. Mpawo bakasaanguna kukambawukila bamwi kasimpe aako. *

2. Nkamboonzi nitwiitwa kuti Bakamboni baJehova?

Jehova waamba bakombi bakwe kuti mbaakamboni bakwe nkaambo baambilizya kasimpe atala anguwe. (Bahebrayo 11:4–12:1) Muchikozyano, Leza wakabuzya bakombi bakwe bachiindi kuti: “Ndinywe bakamboni bangu.” (Bala Isaya 43:10.) Jesu wiitwa kuti “Kamboni Uusyomeka.” (Ciyubunuzyo 1:5) Twakasaanguna kwiitwa kuti Bakamboni baJehova mu1931. Tulabotelwa kwiitwa azina eeli.

3. Bakamboni baJehova batondeezya biyeni kuti balaaluyando mbuli Jesu?

Jesu wakali kubayanda basikwiiya bakwe alubo wakali kubabona mbuli bamumpuli yakwe. (Bala Marko 3:35.) Munzila iikozyenie, Bakamboni baJehova balijisini, nimpuli iimwi yamunyika yoonse. Eezi nzizyo zipa kuti twiitane kuti bakwesu abachizi. (Filimoni 1, 2) Alubo tuswiilila mulawu wakuti: “Amube aluyando kuciinga coonse cabakwesu.” (1 Petro 2:17) Bakamboni baJehova batondeezya luyando oolu munzila zisiyene-siyene, mbuli kugwasya bakombinyina bali munyika yoonse chiindi nibayanda lugwasyo.

YIYA ZYIINGI

Bona zintu zyakachitwa aBakamboni baJehova chiindi mpawo ubone bukamboni butondeezya kuti tuli maKristu bachoonzyo.

MaKristu bachoonzyo basyoma zyaambwa aaBbayibbele akukambawukila bamwi

4. Nzitusyoma zizwa muBbayibbele

Jehova wakaamba kuti kasimpe kali muBbayibbele kakali kuyooyubununwa. Bala Daniele 12:4 amakani aamunsi, mpawo musandule mubuzyo uutobela:

Niinzi chakali kuyoovula chiindi bakombi baLeza nibakali kuyooyinkilila kunembo kabayanduulisisya nzilyaamba Bbayibbele?

Bona basikwiiya Bbayibbele kuswaanizya aCharles Russell mbubakayanduulisisya muJwi lyaLeza. Mweebele VIDIYO, mpawo musandule mubuzyo uutobela.

VIDIYO: Mbukakayubunuka Kasimpe Kali muBbayibbele (7:45)

Njiili nzila njaakabelesya Charles Russel abeenzinyina kuti bamvwisisisye Bbayibbele?

Walizi na?

Chimwi chiindi nga twachincha nzitusyoma. Nkamboonzi? Mbukunga kuti kakuchisiya-siya tatukonzyi pe kuzibona kabotu zintu pesi nikuyobungweemuka nga twabona zintu mbuli mbuzibede. Munzila iikozyenie, Leza utugwasya mbichaani-mbichaani kuti tumvwisisisye Jwi lyakwe. (Bala Tusimpi 4:18.) Bbayibbele talichinchi pe, pesi swebo nga twabambulula nzitusyoma kuti nzila njitulimvwisisyaayo Bbayibbele yachincha.

5. Tupona kweendelana azina lyesu

Nkamboonzi nitutegwa Bakamboni baJehova? Mweebele KAVIDIYO, mpawo musandule mubuzyo uutobela.

KAVIDIYO: Zina Lyaamba Nzituchita (2:56)

Nkamboonzi nitweelela kwiitwa kuti Bakamboni baJehova?

Nkamboonzi Jehova naakasala bantu kuti babe Bakamboni bakwe? Akaambo kakuti bakali kuyootondeezya kuti nguLeza wakasimpe mbukunga bantu biingi baamba makani akubeja atala anguwe. Atubone amwi makani aakubeja ngibakaamba.

Zimwi zikombelo ziyiisya bantu kuti beelede kukomba kababelesya zifanikisyo. Bala Levitiko 26:1, mpawo musandule mibuzyo iitobela:

Bbayibbele lityeni? Jehova ukubona biyeni kubelesya zifanikisyo?

Zimwi zikombelo ziyiisya kuti Jesu nguLeza. Bala Johane 20:17, mpawo musandule mibuzyo iitobela:

Bbayibbele lityeni? Leza aJesu muntu uumwi na?
Kuziba kuti Jehova wakatuma Bakamboni bakwe kuti bakambawuke kasimpe atala anguwe aMwanaakwe kupa kuti umvwe biyeni?

6. Tulayandana abakombima

Bbayibbele likozyanisya maKristu azipanzi zyamubili. Bala 1 Bakorinto 12:25, 26, mpawo musandule mibuzyo iitobela:

MaKristu beelede kuchitaanzi kuti bamvwa kuti bakombinyina baba mupenzi?
Niinzi nzwaakabona zitondeezya kuti Bakamboni baJehova balayandana?

Kuti Bakamboni bakuli imwi nyika baswaanana aapenzi, Bakamboni baJehova bali munyika yoonse nga babweza ntaamu kuti babagwasye chakufwambaana. Kuti ubone mbubakagwasya bakombinyina, mweebele VIDIYO. Kuzwa waawo, musandule mubuzyo uutobela.

VIDIYO: Bakamboni Mbubakagwasya Bakombinyina bakuHaiti (5:29)

Nzibakachita Bakamboni baJehova zitondeezya biyeni kuti balaaluyando?

Makristu bachoonzyo balabagwasya bakombinyina baswaanana aamapenzi

BAMWI BAAMBA KUTI: “Bakamboni baJehova nchikombelo chipya.”

Ndiilili Jehova naakatalika kwiita bakombi bakwe kuti mbaakamboni?

CHIFWIINSYO

Bakamboni baJehova maKristu bachoonzyo. Tuli mpuli yabakombi baJehova iijanika munyika yoonse, nzitusyoma zizwa muBbayibbele alubo twaambilizya kasimpe kali atala aJehova.