NʼOCHUFWENYAJ 19
¿Ha wichi toj yen lhometa Heowa hopehen cristianos toj matchehen?
Olhamel toj ohopehen wichi toj yen lhometa Heowa omatitche toj olhamel ohope cristianos toj matchehen. ¿Atsi mʼak toj tamenej? ¿Atsi lhip toj talhe mʼak toj olhamel otʼekhaye? ¿Atsi mʼak toj tamenej toj olhamel olhayen hopeya wichi toj yen lhometa Heowa? ¿Chi malhyej (Ep hote) toj olhamel onʼalit lhamejen ohumnhayaj?
1. ¿Atsi lhip toj talhe mʼak toj tʼekhaye wichi toj yen lhometa Heowa?
Jesús ifwenho pʼante Dios toj yok: «Ämet häpe tʼat mʼak tä matche» (Juan 17:17). Hop wichi toj yen lhometa Heowa iten tʼat mʼak toj Jesús iwoye pʼante: mʼak toj olhamel otʼekhaye talho tʼat Dios Lhomet. Malhyej toja natetshan historia toj yome wichi toj yen lhometa Heowa toj ichun pʼante. Toj nekchom 1870, iche wichi iyhaj toj matche toj lhaikhajyenej toj itetshan hop Biblia. Mʼak toj tʼekhaye pʼante italhtho hop Biblia tej toj iche Iglesias toj tatayhla mʼak toj lhamel tʼekhaye. Wet toj paj mʼak toj matche toj lhamel ihanej ifwenho hop iyhaj. a
2. ¿Atsi mʼak toj tamenej toj olhamel olhayen lheya wichi toj yen lhometa Heowa?
Heowa yome toj wichi toj nʼokwiyej lham hopehen lakawos hop toj ifwel mʼak toj matche toj talhe lham (Hebreos 11:4-12:1). Malhyej toja, toj pajche Dios ifwenho laka wichi toj yok: «Amel, [...], ahäpehen iyhäj tä hiwʼenpe mʼayhay tä owoye» (yahyen Isaías 43:10). Wet Jesús nʼoyen lheya Dios «Lesilätyajwo tä afwtintsaj» (Apocalipsis 1:5). Hop toj tamenej toj nekchom 1931 olhamel otshupiye nʼolheytso toj ohopehen wichi toj yen lhometa Heowa. Wuj toj olhamel oyen kajyaja toj ochumyenlhi nʼolheytso.
3. ¿Chi malhyej (Ep hote) toj wichi toj yen lhometa Heowa iten Jesús lehumnhayaj?
Jesús wuj pʼante toj ihumnhen lechufwenkay malhyej at che hope lewʼet lheley (yahyen Marcos 3:35). Hop olhamel wichi toj yen lhometa Heowa toj ihi nilhok honhatna ohopehen nʼowʼet lheley toj hipʼakwek. Wet hop toj tamenej toj olhamel lewhay toj oyom lhamehen nʼoyok «ipunfwa» (Filemón 1, 2). Hate, olhamel ohanlhi nʼofwonyajna: «Huminay apuhfwas» (1 Pedro 2:17). Wujpe lenʼayhay toj olhamel onʼalit nʼohumnhayajtso; malhyej toja, lewhay che olhamel opunfwas toj ihi nilhok Honhat ihi tʼat lewitʼay olhamel ochʼote tʼat.
NATʼAYHETTSHI TOJ NALECHUFWENEJ
Natafwelej wichi toj yen lhometa Heowa laka historia wet natetshan mʼayhay toj inʼalit toj hopehen cristianos toj matchehen.
Cristianos toj matchehen mʼak toj tʼekhaye talho tʼat Biblia wet ifwenho wichi iyhaj mʼak toj ihanej.
4. Mʼak toj olhamel otʼekhaye talho tʼat Biblia
Heowa yome pʼante toj mʼak toj matche toj ihi Biblia lhayʼehila lhip toj kalelhaj. Yahyen Daniel 12:4 wet ame mʼayhayna:
-
¿Atsi mʼak toj «tʼayhtshi» toj iyej Dios laka wichi che itetshan hop Biblia?
Tetshan chi malhyej (ep hote) pʼante toj iyhaj wichi toj lhaichufwenej Dios Lhomtes lhaichufwenej Biblia, Charles Russell iyej pʼante lhamel. Yahin VIDEO wet ame mʼayhayna:
-
Malhyej toj ihi video, ¿chi malhyej (ep hote) pʼante toj itetshan Dios Lhomtes Charles Russell wet iyhaj toj lhaichufwenej Biblia?
Tetshan lhipna
Ichepej toj olhamel owo elha mʼak toj otʼekhaye. ¿Atsi mʼak toj tamenej? Hop toj Dios tachʼot namehen toj lhimpajpej natafwelej Lhomet, malhyej toj nechʼe ifwala lewhay toj inupha ifwala tachʼot namehen lhimpajpej toj natafwelej lhip toj natiyajche (yahyen Proverbios 4:18). Toj malhyejtso, tej toj Biblia iwohitʼa elha, toj lhayʼepej lhip toj olhamel otafwelej owo elha mʼak toj olhamel otʼekhaye.
5. Olhamel oyen lhometa mʼak toj matche toj talhe Heowa
¿Atsi mʼak toj tamenej toj olhamel otshupiye toj olhayen hopeya wichi toj yen lhometa Heowa? Yahin VIDEO wet ame mʼayhayna:
-
¿Atsi mʼak toj tamenej toj tʼuhawetej toj nʼolheyna wichi toj yen lhometa Heowa?
¿Atsi mʼak toj tamenej toj Heowa tatshupiye wichi hopkhilak hope lakawos? Hop toj nʼoyome mʼak toj kamatache toj nʼotiyej lham, wichina yomhiyela mʼak toj matche toj talhe Heowa, Dios toj matche. Natetshan iyhaj mʼayhay toj kamatache.
Iche religiones iyhaj toj ichufwenej wichi toj is che ichumyenlhi nʼopeykas hopkhilak nʼokwiyej Dios. Mat, ¿ha matche tajtso? Yahyen Levítico 26:1 wet ame mʼayhayna:
-
Malhyej toj ihi versiculona, ¿chi malhyej (ep hote) Dios letichunhayaj toj itiyej hop nʼopeykas?
Iche iyhaj toj lhetekej religiones ichufwenej wichi toj Jesús hope tʼat Dios. Mat, ¿ha matche tajtso? Yahyen Juan 20:17 wet ame mʼayhayna:
-
Malhyej toj ihi versículo, ¿ha Jesús hope tʼat Dios?
-
¿Chi malhyej (Ep hote) toj lelat ame toj lehanej toj Heowa ichene lakawos hopkhilak ichufwenej wichi mʼak toj matche toj talhe lham wet lhos?
6. Olhamel olhaihumnhen
Biblia itechʼaynej hop cristianos nʼotʼisan lhipey. Yahyen 1 Corintios 12:25, 26 wet ame mʼayhayna:
-
¿Atsi mʼak toj is che iwoye cristianos toj matchehen che iyhaj lepunfwas lewitʼayhyajay ihi?
-
Mʼak toj am lehanej, ¿chi malhyej (ep hote) toj wichi toj yen lhometa Heowa inʼalit lhamejen lehumnhayaj?
Lewhay toj wichi toj yen lhometa Heowa lewitʼay ihi, lepunfwas toj ihi honhatil iyhaj, ilafwel toj tachʼote lhamel. Hopkhilak lehanej toja, yahin VIDEO. Che paj ame mʼayhayna:
-
¿Ha lefwetaj toj inʼalit nʼohumnhayaj wichi toj yen lhometa Heowa toj ikelit toj iwoye mʼayhay toj tachʼote lepunfwas? ¿Atsi mʼak toj tamenej?
Cristianos toj matchehen inʼaltej lehumnhayaj hop iyhaj toj iwatla nʼochʼotyaj.
IYHAJ WICHI YOME TOJA: «Wichi toj yen lhometa Heowa hope religión toj nechʼayek».
-
¿Atsi lewhay toj Heowa iwo lheya «wichi toj yen lhometa Heowa» hop laka wichi toj nʼokwiyej lham?
MʼAYHAY TOJ LETETSHANNE
Wichi toj yen lhometa Heowa hopehen cristianos toj matchehen. Olhamel ohopehen nʼowʼet lheley toj nʼokwiyej Dios, mʼak toj otʼekhaye talho tʼat Biblia wet ochufwenej wichi mʼak toj matche toj talhe Heowa.
Mʼayhay toj nalechufwenejne
-
¿Atsi mʼak toj tamenej toj olhamel otshupiye nʼolheyna wichi toj yen lhometa Heowa?
-
¿Chi malhyej (Ep hote) toj olhamel onʼalit lhamejen ohumnhayajay?
-
¿Ha am lematitche toj wichi toj yen lhometa Heowa hopehen cristianos toj matchehen?
IWOYEK LEWʼEN IYHAJ MʼAYHAY:
Tafwelej tʼat olhamel oka historia.
Yahin nʼochufwenyajay toj kamatache toj elh toj wichi toj yen lhometa Heowa inʼalit.
Ukwe lechulhyaj nʼoyʼatshanhay toj am iwoyek lewʼen toj yomeje wichi toj yen lhometa Heowa.
Lewakw ichaje pʼante Stephen toj iwoye mʼak toj niʼisa. Tafwelej mʼak toj lham hiwʼen pʼante toj iyej wichi toj yen lhometa Heowa toj inityenej hop lham toj iwo elha mʼak toj ihi.
«Mʼak toj oihihte tʼaytshi toj niʼisa» (La Atalaya, 1 toj julio toj 2015)
a Hop La Atalaya, toj olhamel ochumetcha toj inupha nilhokej meses, kamaj nʼoyenlhi tʼat talhe toj nekchom 1879 pajtha ifwalasna.
Hate nʼalej toj iwoyek lehumin
M’AYHAY TOJ WICHI TAY’ATSHAN LHAMEHEN
¿Chi malhyej (Ep hote) toj ichufwen Biblia hop wichi toj yen lhometa Heowa?
Iwoyek alechufwenej Biblia lelhayʼe elh wichi toj yen lhometa Heowa wet lechumyenlhi aka Biblia. Wet hate iwoyek lelhayʼe hawʼet lheley wok akalayʼis toj lehuminche.
