LESON 19
Vavolombelon̈o Jehovah ma Ten̈a Kristianin̈y?
Zahay Vavolombelon̈o Jehovah mino fa zahay ten̈a Kristianin̈y. Fotony nan̈ino? Diniha miorin̈y aminino ma raha inoanay ndreky an̈aran̈a mampiavaka zahay, avio fifankatiavan̈a misy aminay.
1. Miorin̈y aminino ma raha inoany Vavolombelon̈o Jehovah?
Jesosy nivolan̈a: ‘Volan̈a Zan̈ahary fo marin̈y.’ (Jaona 17:17) Vavolombelon̈o Jehovah letrizay man̈ano karaha nataony Jesosy fo. Raha jiaby inoandro miorin̈y amy Baiboly aby. Diniha baka tantarany vo nanamponoany Vavolombelon̈o Jehovah izioty. Tamy taon̈o 1870 tan̈y, nisy olo vitsivitsy niaraka nandiniky tsarabe Baiboly. Nataondro nifan̈araka tamizio aminjay raha ninoandro, ndray iro io tsy mifan̈araka amy raha ampianarindro leglizy aby io. Iro avy tio aminjay komansy nitory taminolo ny marin̈y haindro io. a
2. Nan̈ino ma zahay nangala an̈aran̈a Vavolombelon̈o Jehovah?
Vavolombelon̈onany ivolan̈any Jehovah iro panomponany aby io, fotony iro io man̈ambara ny marin̈y momba izy. (Hebreo 11:4–12:1) Ohatra, taminandra taloha tan̈y, Zan̈ahary nivolan̈a tamy vahoakanany: “Anaro vavolombelon̈onaka.” (Vakia Isaia 43:10.) Jesosy koa “Vavolombelon̈o Atokisan̈a.” (Apokalypsy 1:5) Safe tamy 1931 zahay nangala an̈aran̈a Vavolombelon̈o Jehovah io. Ten̈a ravoravo zahay mitondra an̈aran̈a io.
3. Akory ataony Vavolombelon̈o Jehovah mangala tahaka fitiavan̈any Jesosy?
Ten̈a tiany Jesosy mare iro pianatranany aby io, ke efa karaha olo kibo araiky taminany fitondrasany iro io. (Vakia Marka 3:35.) Tsisy ny hafa amy zen̈y koa ataony Vavolombelon̈o Jehovah erantany amy zioty. Zahay miray sain̈y ke mifandray tsara, efa karaha olo kibo araiky. Zen̈y mahavy zahay mifampikaiky rahalahy ndreky ranabavy. (Filemona 1, 2) Zahay koa man̈araka didy ty: “Tiava iro rahalahy jiaby amy finoan̈a.” (1 Petera 2:17) Maro fomba an̈aboahany Vavolombelon̈o Jehovah fitiavan̈a io. Ohatra amy zen̈y, izikoa misy namanay tatrany antambo, zahay jiaby erantany man̈ampy.
ALEVA ONON̈O
Diniha tantarany Vavolombelon̈o Jehovah, avio zahava porofo hafa koa fa iro ten̈a Kristianin̈y ankitin̈y.
Miorin̈y amy Baiboly finoan̈any ten̈a Kristianin̈y avio iro mitory izio aminolo
4. Miorin̈y amy Baiboly finoan̈anay
Jehovah efa nivolan̈a fa fahamarin̈ana amy Baiboly io hahaihazava fo. Vakia Daniela 12:4, avio iaraha dinihin̈y fan̈ontanian̈a ty:
-
Vahoakany Zan̈ahary koa fa nanohy nandiniky Baiboly fo, ino raha ‘nitombo be’?
Diniha akory nataony pianatra Baiboly vitsivitsy nandiniky Volan̈a Zan̈ahary, an̈atinizen̈y Charles Russell. Alifasa VIDEO io, avio iaraha dinihin̈y fan̈ontanian̈a ambany io.
-
Tamy video tio in̈y, akory nataondry Charles Russell nandiniky Baiboly?
Asa mba hainao?
Ndraikindraiky, mila nahitsy fahatakaran̈a raha inoanay amy Baiboly ao. Fotony nan̈ino? Mira ataony masoandra mahaimazava tsihelihely in̈y koa ataony Zan̈ahary man̈azava fahamarin̈ana amy Baiboly ao. (Vakia Ohabolana 4:18.) Ndray zen̈y, Baiboly io tsy miova. Fa izikoa fa mahaimazava fahazahoanay raha koran̈inizio, zahay efa man̈itsy fampianaran̈anay edy.
5. Zahay mifen̈y miain̈y mifan̈araka aminy an̈aran̈a indesinay io
Nan̈ino ma zahay nangala an̈aran̈a Vavolombelon̈o Jehovah zen̈y? Alifasa VIDEO io, avio iaraha dinihin̈y fan̈ontanian̈a ambany io.
-
Nan̈ino ten̈a mety tsarabe an̈aran̈a Vavolombelon̈o Jehovah io?
Nan̈ino ma Jehovah nifidy olo hataony Vavolombelon̈onany? Fotony maro raha vandy volan̈inolo momba Zan̈ahary ke iro io man̈ambara ny marin̈y momba izy. Diniha baka aroe amindro vandy aby io.
Fivavahan̈a sasany mampianatra olo fa tiany Zan̈ahary zen̈y fampiasan̈a sary koa mivavaka aminany. Marin̈y ma zen̈y? Vakia Levitikosy 26:1, avio iaraha dinihin̈y fan̈ontanian̈a aby ty:
-
Izikoa andininy io zahan̈a, karakory fahitany Jehovah fampiasan̈a sary?
Misy pitariky fivavahan̈a koa mampianatra fa Jesosy io Zan̈ahary. Marin̈y ma zen̈y? Vakia Jaona 20:17, avio iaraha dinihin̈y fan̈ontanian̈a aby ty:
-
Marin̈y ma Jehovah ndreky Jesosy araiky zen̈y fo?
-
Ino tsapanao koa fa nahay fa Jehovah nan̈iraka Vavolombelon̈onany hitory ny marin̈y momba izy ndreky Zanakanany?
6. Zahay mifankatia
Ampitovisiny Baiboly amy rantsambatan̈a isankarazany Kristianin̈y. Vakia 1 Korintianina 12:25, 26, avio iaraha dinihin̈y fan̈ontanian̈a aby ty:
-
Ino raha tokony hataony Kristianin̈y, izikoa misy namandro sahiran̈a?
-
Akory fahitanao fifankatiavan̈a misy amy Vavolombelon̈o Jehovah?
Izikoa misy Vavolombelon̈o Jehovah amy tany araiky sahiran̈a mare, zahay jiaby man̈erantany efa samy mifen̈y edy man̈ampy iro. Zahava ato ohatra amy zen̈y, alifasa VIDEO io. Avio iaraha dinihin̈y fan̈ontanian̈a ambany io.
-
Nan̈ino ezakany Vavolombelon̈o Jehovah man̈ampy namandro ahitan̈a fa iro mifankatia?
Ten̈a Kristianin̈y man̈aboaka fa tia olo sahiran̈a
MISY OLO MIVOLAN̈A: “Vavolombelon̈o Jehovah io fivavahan̈a vaovao.”
-
Nanomboko ombian̈a ma Jehovah nikaiky panomponany vavolombelon̈onany?
INO RAHA NIANARANAO TATO?
Vavolombelon̈o Jehovah ten̈a Kristianin̈y. Zahay jiaby erantany mira olo kibo araiky fo. Miorin̈y amy Baiboly raha jiaby inoanay, baka io koa zahay mampianatra olo ny marin̈y momba Jehovah.
Fan̈ontanian̈a Fameren̈ana
-
Nan̈ino ma zahay nangala an̈aran̈a Vavolombelon̈o Jehovah io?
-
Akory fifampitondrasanay jiaby ao?
-
Fahitanao izy ma Vavolombelon̈o Jehovah ten̈a Kristianin̈y?
ZAHAVA
Ianara raha momba tantaranay.
Nan̈aboaka Finoan̈andro Vavolombelon̈o Jehovah—Fizaran̈a 1: Niala Tamy Hiziky (1:00:53)
Zahava akory nataony Vavolombelon̈o Jehovah nan̈ambara fa diso raha ampianariny fivavahan̈a hafa aby io.
Zahava valiny fan̈ontanian̈a mety tianao ho hay momba Vavolombelon̈o Jehovah.
“Raha Matetiky An̈ontanianolo Momba Vavolombelon̈o Jehovah” (pazy aminy Internet)
Navy kafiry mare Stephen taloha. Zahava nan̈ino nandrisiky izy hiova fahitavany fa mifankatia ankitin̈y Vavolombelon̈o Jehovah.
“Zaho Taloha Kafiry Mare” (Tilikambo Fiambesan̈a 1 Zie 2015)
a Tamy taon̈o 1879 niboahany gazety Tilikambo Fiambesan̈a voanalohany. Izio man̈ambara fahamarin̈ana amy Baiboly.
Mety ho Tianao Koa
RAHA MATETIKY AN̈ONTANIANOLO
Karakory ma Atao Mianatra Baiboly Zen̈y?
Tsy man̈efa mianatra Baiboly amy Vavolombelon̈o Jehovah. Mety tahominao miaraka mianatra aminao koa havanao ndreky kamaradinao. Lera anao mianatra, anao afaka mampiasa zay fandikanteniny Baiboly tianao.
