GURUY NI 19
Pi Mich Rok Jehovah e Yad e Tin Riyul’ e Kristiano, Fa?
Gamad e Pi Mich Rok Jehovah e ba mich u wan’mad ni gamad e tin riyul’ e Kristiano. Mang fan? Am lemnag e n’en be tor e michan’ romad ngay, nge re ngachal ni ma gagiyelnag ni gamad ba thil, nge t’ufeg ni bay u thilmad.
1. Mang e be tor e michan’ ko Pi Mich Rok Jehovah ngay?
I gaar Jesus: “[Got] mu fil ngorad e tin nib riyul’, ni er e thin rom.” (John 17:17) Kab kafram i yib ni ma guy e Pi Mich Rok Jehovah rogon ni nge puluw e michan’ rorad ko Thin rok Got ni bod ni i rin’ Jesus. Am lemnag e n’en ke rin’ e Pi Mich Rok Jehovah ni unog e Piin Ma Fil e Bible ngorad kafram. Bang ko duw ni 1870, ma aram mar tababgad ni ngar filed e Bible nib fel’ rogon u taabang ya nge yag nra nanged e n’en nri be fil. Ra guyed rogon ni nge puluw e pi n’en ke michan’rad ngay ko n’en be yog e Bible ni yugu aram rogon nib thil e pi n’em ko n’en be machibnag e pi yurba’ i teliw. Tomuren, ma aram mar tababgad i weliy ko girdi’ e pi machib nem nib riyul’ ni kar filed u lan e Bible. a
2. Mang fan ni gamad ma yog ni gamad e Pi Mich Rok Jehovah?
Ma yog Jehovah ni pi tapigpig rok e yad e mich rok ni bochan e yad ma weliy e tin riyul’ u murung’agen. (Hebrews 11:4–12:1) Bod ni yog Got ngak e girdi’ rok kakrom ni gaar: “Gimed e mich rog.” (Mu beeg e Isaiah 43:10.) Ma Jesus e yima yog ni ir “faanem nib yul’yul’ ni i weliy murung’agen Got ngak e girdi’.” (Revelation 1:5) Aram fan nnap’an e duw ni 1931 ma gamad mel’eg fare ngachal ni Pi Mich Rok Jehovah ni ir e ngaun pining ngomad, ma ri gamad ba felfelan’ ngay ni ngaug feked e re ngachal nem.
3. Uw rogon ni ma dag e Pi Mich Rok Jehovah e t’ufeg ni i dag Jesus?
Rib t’uf pi gachalpen Jesus rok, ma ma tayrad ni yad bod girdien e tabinaw rok. (Mu beeg e Mark 3:35.) Ku arrogon e Pi Mich Rok Jehovah ni yad bod reb e tabinaw ni bay u ga’ngin yang e fayleng nib taareban’rad. Aram fan ni gamad ma yog ni gamad bogi walag. (Filemon 1, 2) Ku gamad ma fol ko fare thin nni tay chilen ni be gaar: “Nge t’uf romed e pi cha’ ni gimed ni ke mich Got u wun’rad.” (1 Peter 2:17) Boor e kanawo’ ni ma dag e Pi Mich Rok Jehovah e re t’ufeg ney riy, ni bod ni yad ma ayuweg e piin taareb e michan’ rorad ni yad bay u ga’ngin yang e fayleng u nap’an ni ke t’uf e ayuw rorad.
KUM FIL BOCH BAN’EN U MURUNG’AGEN
Kum fil boch ban’en u murung’agen chepin e Pi Mich Rok Jehovah nge ku boch ban’en ni be micheg ni gamad e tin riyul’ e Kristiano.
Tin riyul’ e Kristiano e be tor e michan’ rorad ko Bible ma yad ma weliy ko girdi’
4. Be tor e michan’ romad ko Bible
I yog Jehovah u m’on riy nra tamilang e tin riyul’ u Bible. Mu beegew e Daniel 12:4, mi gimew weliy e fulweg ko re deer ni baaray:
-
Mang e ra pi’ Got ko girdi’ rok u nap’an ni yad ra ulul ni ngar filed e Bible?
Mu guy rogon ni fil ba ulung i girdi’ ni yad ma fil e Bible e Thin rok Got, nib muun be’ ngay ni ka nog Charles Russell ngak. Mu yaliyew e re VIDEO ney, mi gimew weliy e fulweg ko re deer ni baaray.
-
Uw rogon ni i fil Charles Russell nge fapi pumoon ni yad ba muun ngak e Bible?
Baaray murung’agen ban’en
Yu ngiyal’ e gamad ma yal’uweg boch ban’en u rogon ni gamad ma weliy boch e machib romad. Mang fan? Ma tamilangnag Got e Thin rok u wan’dad ni buchuuw ma buchuuw, ni bod e yal’ ni be for nga lang ni be ga’ raen i yan nge mada’ ko ngiyal’ ni kari tamilang daken e binaw. (Mu beeg e Proverbs 4:18.) Ere yugu aram rogon nder ma thil e thin nu Bible, machane nap’an nra tamilang reb e machib riy u wan’mad ma gamad yal’uweg rogon ni gamad be weliy.
5. Gamad ma machibnag e tin riyul’ u murung’agen Jehovah
Mang fan nug mel’eged fare ngachal ni Pi Mich Rok Jehovah ni ir e ngaun pining ngomad? Mu yaliyew e re VIDEO ney, mi gimew weliy e fulweg ko re deer ni baaray.
-
Mang fan nib puluw fare ngachal ni kug mel’eged ni Pi Mich Rok Jehovah?
Mang fan ni ke mel’eg Jehovah e girdi’ ni ngar manged pi mich rok? Boor ban’en nde riyul’ ni kan wereg u murung’agen e bin riyul’ e Got. Ere yad e rayog ni ngar gagiyelnaged e tin riyul’ u murung’agen. Am lemnag l’agruw ko pi ban nem.
Bay boch e teliw ni yad ma fil ko girdi’ rorad ni baadag Got ni ngar fanayed e liyos ni fan ko liyor rorad ngak. Machane mu beegew e Levitikus 26:1, mi gimew weliy e fulweg ko gal deer ni baaray:
-
Mang e tin riyul’? Uw rogon e liyos u wan’ Jehovah?
Bay boch e tayugang’ ko teliw ni yad ma fil ni Jesus e ir Got. Machane mu beegew e John 20:17, mi gimew weliy e fulweg ko pi deer ni baaray:
-
Mang e tin riyul’? Taareb rogon Got nge Jesus, fa?
-
Uw rogon u wan’um ni kam nang ni ke l’og Jehovah e Pi Mich rok ni ngar machibnaged e tin riyul’ u murung’agen nge Fak?
6. Gamad ma t’ufeged gamad
Be taarebrogonnag e Bible e piin Kristiano nga yu yang u ba dowef. Mu beegew e 1 Korinth 12:25, 26, mi gimew weliy e fulweg ko gal deer ni baaray:
-
Mang e susun nge rin’ e tin riyul’ e Kristiano u nap’an nra gafgow boch i yad?
-
Mang e kam guy u rogon e t’ufeg ni bay u thilin e Pi Mich Rok Jehovah?
Nap’an nra gafgow e Pi Mich Rok Jehovah ni yad bay u reb e nam, ma ka chingiyal’ nem me guy e tin ka bay e Pi Mich u ga’ngin yang e fayleng rogon ni ngar ayuweged yad. Mu yaliyew e re VIDEO ney ni be dag reb e kanawo’ ni kar rin’ed e re n’ey riy. Tomuren mi gimew weliy e fulweg ko re deer ni baaray.
-
Uw rogon ni ayuweg e Pi Mich Rok Jehovah pi walagrad u tomuren e re yoko’ ney?
Tin riyul’ e Kristiano e yad ma t’ufeg e piin ke t’uf e ayuw rorad
MA GAAR BOCH E GIRDI’: “Pi Mich Rok Jehovah e barba’ e teliw ni ka fini sum.”
-
Wuin e tabab Jehovah ni nge yog ni pi tapigpig rok e yad e pi mich rok?
N’EN KAN FIL
Pi Mich Rok Jehovah e yad e tin riyul’ e Kristiano. Gamad bod reb e tabinaw ni bay u ga’ngin yang e fayleng ni be tor e michan’ romad ko Bible, ma gamad ma machibnag e tin riyul’ u murung’agen Jehovah.
Ngan Sul u Daken
-
Mang fan nug mel’eged fare ngachal ni Pi Mich Rok Jehovah ni ir e ngaun pining ngomad?
-
Uw rogon e ngongol romad ngomad?
-
Ga be lemnag ni Pi Mich Rok Jehovah e yad e tin riyul’ e Kristiano, fa?
MU GAY MURUNG’AGEN
Kum fil boch ban’en u murung’agmad.
Jehovah’s Witnesses—Faith in Action, Part 1: Out of Darkness (1:00:53)
Mu guy reb e kanawo’ ni ke gagiyelnag e Pi Mich Rok Jehovah boch e machib nde riyul’ riy.
Mu pirieg e fulweg u boch e deer nrayog ni ga ma lemnag u murung’agen e Pi Mich Rok Jehovah.
“Frequently Asked Questions About Jehovah’s Witnesses” (web page)
Stephen e ma gafgownag e girdi’ nib thil ramaen dowrad ni bochan e be fanenikayrad. Mu beeg murung’agen e n’en ni guy u thilin e Pi Mich Rok Jehovah ni ir e k’aring ni nge thilyeg e ngongol rok.
“Murung’agen Be’—Stephen e Thilyeg Rogon e Lem Rok” (Fare Wulyang ko Damit No. 1 2022)
a Ka nap’an e duw ni 1879, me tabab e girdi’ rok Jehovah ni ngar ngongliyed Fare Wulyang ko Damit ni nge tamilangnag e n’en be yog e Bible.
