WIRIKAPAI 19
Ya Mo ADezire Yekova Nga Ndikidi AKristano?
Wangia ani aDezire Yekova, ani ima ida kuti gupai nga ani nga ndikidi aKristano. Tipagine? Mo wisigingo gu gopai ani amaamburu gaani aida riihe, na gu rimo nakpara rani ani du kia, gbiati gu nyemuse ani ayugoho tipa akuarani.
1. Adezire Yekova namaamburu gayo aida rii gine?
Yesu aya: ‘Ga [Mbori] pai nga rengo.’ (Yoane 17:17) Wakina Yesu, aDezire Yekova namaamburu gayo aida ti aregbo dũ rii Fugo Mbori. Mo wisigingo agu apangbanga du tipa rani ti gi gaani regbo re. Bara ti digido 19 kama agarã, badona nga ga abawiriki Baibiri atona ka wisigo Baibiri sirisiri. I amoimburu gayo aida rii gupai Baibiri apehe, na zavura ho gayo aida adu ni kia ti agu aida nga ga kura akanisa. Sidu, i atona ka tungusapa agu arengo nga ga Baibiri fu kura aboro. a
2. Tipagine ani ayamba tirani ti ni nga aDezire Yekova?
Yekova naya tipa airisiko we i nga aDezire ko bambiko i nape rengo tipa ko. (AEbere 11:4–12:1) Ni kpiapai, mbata kusayo, Mbori aya fu gako aboro wẽ: ‘Oni nga gimi adezire.’ (Mo gedi Yesaya 43:10.) I nayamba Yesu a ‘nga Ndikidi Dezire.’ (Yugoti 1:5) Sidu, rogo gu garã nangia 1931 ani adi gu rimo kurirani nga aDezire Yekova. Ani na ngbarago kadu na gu rimo re rirani.
3. Waigu aDezire Yekova awirika ga Yesu nyemuse?
Yesu aima kpinyemu gako abawiriki gbe si ki sa gupai nga i du fuko wakina gako aborokporo. (Mo gedi Marako 3:35.) Wakina gure a, aDezire Yekova nga agu aborokporo du ni kodikodi yo rogo zegino dunduko. Si nga ndu gupai ani ayamba tirani ti ni nga awirina. (Firemona 1, 2) Na ani nagiasangba gu zinahe agia a nga: ‘Oni kpí nyemu awirina.’ (1 Petero 2:17) ADezire Yekova nayugo gi nyemuse re rogo dungu agene, wa gu nga ka undo awirinarani aidipase nga aguyo du rogo zingo rogo zegino.
MO WIRIKI KURA DUNGU APAI
Mo wirikinga pai gbe tipa gu pangbanga nga ga aDezire Yekova, na ki bingo gu kura gopai nayugo gupai nga ani nga ndikidi aKristano.
Ndikidi aKristano namaamburu gayo aida rii Baibiri na i kini yuguhe fu kura aboro
4. Ani namaamburu gaani aida rii Baibiri
Yekova agumba gupai nisangbanebi nga agu arengo nga ga Baibiri nika kura akura ku yangura. Mo gedi Daniere 12:4, na tifuoho, mo ki sakipai tipa gi sanahe re:
-
Ginihe nika ‘máa pai’ dagba ga Mbori aboro wa i nikaa ndu kindi kumbatayo kaa wisigo Baibiri?
Mo bingo wai badona nga ga abawiriki Baibiri kodihe na Charles Russell, awisigi Fugo Mbori. Mo bi gu VIDIO re, na tifuoho, mo ki sakipai tipa gu sanahe ngbe fuoho.
-
Rogo gu vidio re, waigu Charles Russell gbiati agu akurako i Aawirika Baibiri na yo aawisigo Baibiri?
Ya mo mo iningo gipai re?
Ti kura aregbo, ani naamanga ariapai amanga ti bete agu apai ani naidi kutini. Tipagine? Kina wai uru naakura si kini sa gupai nga aboro nibi agu ahe du auru kpotosende no yeye, kina wo a Mbori nambu gene furani ani ini agu arengo du rogo Fugoko yo yeye. (Mo gedi Asanza 4:18.) Si du wa vura duhe nga Baibiri aˈarianga tihe te, ani ninaamanga ariapai amanga ti agu apai ani naidi kutini wa gaani giarogopai yo nga ga Baibiri amaapai.
5. Ani naraka ringbisihe kuti rimorani
Tipagine ani adi gu rimo kurirani ti ni nga aDezire Yekova? Mo bi gu VIDIO re, na tifuoho, mo ki sakipai tipa gu sanahe ngbefuoho.
-
Tipagine rẽarẽ ti ni i yambu rani nga aDezire Yekova?
Tipagine Yekova nasia aboro ti ni i du ni gako adezire? Wa duhe nga aboro aima gumba dungu aziree tipa ko, i rengbe ka yugo gupai nga ko nga ndikidi Mbori. Mo wisigingo pai tipa aziree ue dagba agu aziree re.
Kura bete apambori nayugo gupai fu gayo aboro nga Mbori naida i mangisunge na akpiahe rogo gayo irisombori yo. Ya mo rengo du? mo gedi Pa Amotumo 26:1, na tifuoho, mo ki sakipai tipa agi asanahe re:
-
Gini arengo gi veresi re agumbaha? Ga Yekova bipai nga gine tipa akpiahe?
Kura bete abangbembatayo rogo apambori nayugo gupai nga Yesu nga Mbori. Ya mo rengo du? mo gedi Yoane 20:17, na tifuoho, mo ki sakipai tipa agi asanahe re:
-
Gini arengo gi veresi re agumbaha? Ya mo Mbori gbiati Yesu nga bangisa boro?
-
Si nasa ro mo du wai ka ino gu rengo nga Yekova akedi gako aDezire tipa i tungusipa gu rengo du tipa ko gbiati Wiriko?
6. Ani ima kpinyemu akuarani
Baibiri naringbisa aKristano kuti pa apapara kpoto boro. Mo gedi 1 AKorindo 12:25, 26, na tifuoho, mo ki sakipai tipa agi asanahe re:
-
Ginipai si aida ndikidi aKristano mangihe ho akurayo arungo ni?
-
Ginipai mo nabihe tipa gu nyemuse du dagba aDezire Yekova?
Ho gu kura aDezire Yekova arungo ni rogo gu kura papara zegino, akurayo aDezire Yekova rogo zegino dunduko namangapai ni kina ipo ka undo yo. Tipa ka bi kpiapai sa, mo bi gu VIDIO re. Na tifuoho, mo ki sakipai tipa gu sanahe ngbe fuoho.
-
Waigu gu sunge fu undo nga ga aDezire Yekova ayugo nyemuse?
Ndikidi aKristano nayugo nyemuse fu aguyo du rogo zingo
GU KURA ABORO NAPE GUPAI NGA: “Gu pambori nga ga aDezire Yekova gbua nga vovo pambori.”
-
Gini regbo du Yekova atona ka yamba airisiko nga gako adezire?
GINIPAI MO NAWIRIKIHE?
ADezire Yekova nga ndikidi aKristano. Ani nga agu aborokporo du rogo zegino dunduko nga airisi Yekova namaamburu gaani aida rii Baibiri na kini yugu rengo tipa Yekova.
Fugöpai
-
Tipagine ani adi gu rimo ti ni kurirani nga aDezire Yekova?
-
Waigu ani amangapai na akuarani?
-
Ya mo mo nabihe nga aDezire Yekova nga ndikidi aKristano?
MO WETEKE GU KURA APAI
Mo wirikinga dungu apai tipa agu apangbanga du tipa rani.
ADezire Yekova—Idapase Rogo Mangapai yo, Bambata Paparaha: I Akuru Rogo Bitimo Kusayo (1:00:53)
Mo bingo kpiapai nga ga wai aDezire Yekova akusi aziree yugopai ku yangura.
Mo gbia akaragapai tipa agu asanahe mo narengbe ka du na ni tipa aDezire Yekova.
Stephen aima soga agu aboro du na rangi kpotoyo kia si kini sa gupai nga ko naazubo yo. Mo bingo gupai ko abihe dagba aDezire Yekova yo nga gu nafõ ko ko mangi ariapai.
“Gimi Raka Aagberã Kina Kumbatayo” (Ngbaõbambu Sinziri, Bamburu 1, 2015)
a Natona rogo 1879 ga Yekova aboro aima kusa agu amagazini nga Ngbaõbambu Sinziri tipa si sakirogo agu apai Baibiri apehe.
