Yéhova a ne é Zamba ya a ding éyòng mam me ne ntaan mbeng (1 Kòrinti 14:33). Asu té, a ne mbeng na ékoen dzié é tòbò mbembe ntaan. Akia afé mam me ne ntaan akonda bekristen? Akia afé bi ne dzam sug ntaan mam té?

1. Za a ne nlo ya akonda bekristen?

“Kristu a ne nlo ya akonda” (Éfési 5:23). Tò ane a ne a yob, Yésus a tòngʼlò ésié bebò bisié be Yéhova a si ése. Yésus a nga telé “Olò o ne feg ai mewog”​​—man andzogoro bemvendé be ne biwolo mfaa ya nsisim, ba loé fe bò na Tin ékoen (Langʼa Matéus 24:45-​47). Ane bapostel ai bemvendé ya Yérusalem a ntet mimbu osu, dzam deda fe melu maan ma, Tin ékoen ya ve mekonda mese betebega (Mimbòen mi apostel 15:2). Dzam da, bemvendé beté be seki nlo ya akonda. Ba bò Yéhova mewog ai zen ya Ébug dzié, ba yebe fe na Yésus nnye a tòngʼlò bò.

2. Beza be ne bemvendé ai ésié éfé ba bò?

Bemvendé be ne é babedzang be ne biwolo mfaa ya nsisim, ba yegele mintomba mi Yéhova ai zen ya Mimfufub mintilen, ba nòni mintomba mi Yéhova, ba vòli bò, be wonogo fe bò. Ba yaane ki bò mòni asu ésié té. Dzam da, ba sié ane Bibel a dzo na: “Bòen dò ai nyien wân ane Zamba a ding, te mia bò dò ai ndòg mòni, bòen dò ai nnem évak” (1 Pétrus 5:1, 2). Bediakon ba vòli bemvendé, ane abog da lot, bediakon ba lere mefulu ma bò na bò fe be tòbò bemvendé.

Tin ékoen ya telé bemvendé bezing na be tòbò benfeb mekonda. Ba dzòm mekonda asu yi na ba ve mò betebega ai awono. Ba bebe betebega ya Bibel a ve asu yi na be yem beza be ne tebe bemvendé ai bediakon (1 Timotéus 3:1-​10, 12; Titus 1:5-9).

3. Mbege mbé Mboala Yéhova ase a bege?

Bot bese ya akonda ba lugu “dzoé Yéhova” éyòng ba tòbò a bikoen ya akonda ai éyòng ba kat foé ya Édzoé abog ase be ne ngul ya bò dò​ (Langʼa Salmen 148:12, 13).

 TUENE FAG

4. Yésus a ne ndzoé a ne mvam

Yésus a banda bia. Langʼa Matéus 11:28-30 ai yalen minsili mi tsaa mi:

• Dzé wò woren éyòng wò yebe Yésus ane ndzoé woé?

5. Bemvendé ba lere mvulna

1. Bemvendé ba baala élat dzaba ai Yéhova, ba bò fe na  menda mebot maba me tòbò éwolo a nsisim

2. Bemvendé ba mvamen ai mot ose ya akonda

3.   Bemvendé ba kat foé mban

4. Bemvendé ba bò bikat mam akonda. Ba vòli fe bò mfuben abaa Édzoé ai bisié bife

6. Bemvendé ba yangʼen na bi sug ésié dzaba

Bibel a lere bia amu dzé é ne ai nfi na bi sug mintsigen bemvendé ba nòng. Langʼa Hébréa 13:17 ai yalen minsili mi tsaa mi:

• Bibel a béndé bia na bi bò bemvendé mewog, na bi suu biabeben édzoé dzaba, mfaa woé ye nala wò yeane? Amu dzé?

Langʼa Lukas 16:10 ai yalen a nsili hi:

• Asu dzé é ne nfi na bi sug ésié bemvendé tò a ban mam?

 OBALBAS

Yésus a ne nlo ya akonda. Bemvendé ba suu bòbeben édzoé dzié. Bi ne mintak ya sug bò amu ba ve bia awono, be lerege fe bia mvulna.

Dzé bia baala

• Za a ne nlo ya akonda?

• Bisié bifé bemvendé ba bò akonda?

• Mbege mbé Mboala Yéhova ase a bege?