REIREI 20
Aroni Bairean te Ekaretia
Iehova bon te Atua ae e aki mangaongao. (1 I-Korinto 14:33) Ngaia are ti kantaningaia bwa a na baireaki raoi naba ana aomata. E kangaa ni baireaki raoi te ekaretia ni Kristian? Ti na kangaa ni boutokaa anne?
1. Antai atun te ekaretia?
“Kristo ngkai [bon] atun te ekaretia.” (I-Ebeto 5:23) E kaira aia mwakuri ana aomata Iehova ni katobibia te aonnaba mai karawa. E mwiokoa “te toro ae kakaonimaki ma ni wanawana” Iesu, ae te kurubu ae uarereke ae kaainaki irouia unimwaane aika mwaatai ae ataaki naba bwa te Rabwata n Tautaeka. (Wareka Mataio 24:45-47.) N aroia abotoro ao unimwaane ake n te moan tienture i Ierutarem, e anganga naba te kaetieti te Rabwata n Tautaeka nakoia ekaretia ni katobibia te aonnaba. (Mwakuri 15:2) Ma bon tiaki mataniwi n ara botaki naakai. A onimakina Iehova ao ana Taeka ibukin te kairiri, ao a aantaeka nakon ana kairiri Iesu.
2. Antai unimwaane ao tera tabeia?
Unimwaane boni Kristian aika ikawai n te onimaki aika reireinia ana aomata Iehova man te Baibara ao n tararuaiia, n aroia ni buokiia ao ni kaungaia. A aki kabooaki ibukin aia mwakuri. Ma a beku “ibukini kukurein [nanoia] i matan te Atua, ao tiaki ibukin te kani karekearo n te babakanikawai, ma ibukin [ingaingaia].” (1 Betero 5:1, 2) A buokaki unimwaane aikai irouia tabonibai, ake a kona ni manga katauaki imwina bwa unimwaane.
E rineiia tabeman unimwaane te Rabwata n Tautaeka bwa mataniwi n te aono ae uarereke. A kawari ekaretia nako n anga te kairiri ao te kaungaunga. A rineiia unimwaane ma tabonibai aika boraoi aroia ma kaetieti aika n te Baibara, mataniwi n te aono ae uarereke.—1 Timoteo 3:1-10, 12; Tito 1:5-9.
3. Tera tabeia taani Kakoaua n tatabemania nako?
A bane kaain te ekaretia ni “karaoiroa aran Iehova” n aroia n anganga aia kaeka n taiani bobotaki ao n uataboa te mwakuri ni minita n aron aia konaa.—Wareka Taian Areru 148:12, 13.
REIAKINA AE BATI RIKI
Noria bwa te aeka n tia kairiri raa Iesu, a kangaa unimwaane ni kakairi n ana katoto, ao ti na kangaa n aantaeka iroun Iesu ao n uaia ni mwakuri ma unimwaane.
4. Iesu bon te tia kairiri ae akoi
E kaoira Iesu bwa ti na butimwaeia bwa ara tia kairiri. Wareka Mataio 11:28-30, ao maroroakina te titiraki aei:
-
Tera ae tangiria Iesu bwa ti na namakinna ni kaineti ma ana kairiri?
A kangaa unimwaane ni kakairi n ana katoto Iesu? Kaota te TAAMNEI.
E reireinia unimwaane te Baibara aroia ni karaoa aia mwakuri.
Wareka Itaia 32:2 ao 1 Betero 5:1-3, ao maroroakin titiraki aikai:
-
Tera am namakin n ataakin ae a kabanea aia konaa unimwaane ni buokiia tabemwaang n aron Iesu?
-
Baikara aanga tabeua ake a karaoi unimwaane ni kakairi iai iroun Iesu?
5. A angareirei unimwaane man aia katoto
Tera ae tangiria Iesu bwa a na iangoia unimwaane ibukini mwiokoaia? Kaota te TAAMNEI.
E anga te kaetieti Iesu nakoia te koraki ake a kairiri n te ekaretia. Wareka Mataio 23:8-12, ao maroroakina te titiraki aei:
-
Tera ae anaaki iai nanom ni kaokoron ana kaetieti te Baibara ibukia unimwaane ao te bae ko noria irouia mataniwi n Aaro?
-
A teimatoa unimwaane ni kakorakoraa aia onimaki ma aia utu,
-
A tabeakinia kaain te ekaretia ni kabane unimwaane
-
A katoatai n uarongorongo unimwaane
-
Bon taan angareirei unimwaane. A buoka naba te kaitiaki ao bwaai riki tabeua
6. Ti kona n uaia ni mwakuri ma unimwaane
E anganira bukina ae kakawaki te Baibara ngkai ti kona ni mwakuri ma unimwaane. Wareka Ebera 13:17, ao maroroakin titiraki aikai:
-
E aera ngkai e taekinna te Baibara bwa ti riai ni kukurei n ongeaba irouia naake a kairiri? Bukin tera?
Wareka Ruka 16:10, ao maroroakina te titiraki aei:
-
E aera ngkai ti bon riai n teimatoa n ongeaba irouia unimwaane, e ngae naba ngkana te bwai ae taraa n aki kakawaki?
A TAKU TABEMAN: “Ko aki kainnanoia ae ko na kaaina te Aro ae baireaki raoi.”
-
E aera ngkai ko iangoia bwa e raoiroi bwa ko na kaaina te ekaretia?
KAKIMOTOTOANA
Iesu bon atun te ekaretia. Ti kakatonga ngkai ti uaia ni mwakuri ma unimwaane aika beku i aan ana kairiri Iesu, ibukina bwa a buokira ao n reireinira man aia katoto.
Kauring
-
Antai atun te ekaretia?
-
A kangaa unimwaane ni buoka te ekaretia?
-
Tera tabeia taan taromauria Iehova n tatabemania nako?
NORI NABA AIKAI
Nora te bae a rangi ni moanibwaia te Rabwata n Tautaeka ao unimwaane tabeman ibukia Kristian ni boong aikai.
Nora tabeia mataniwi n te aono ae uarereke.
Maiun te Mataniwi n te Aono ae Uarereke n Taabo Aika Tionako (4:51)
Nora aron aia kakorakora unimwaane ni kaungaia raoia n te onimaki.
“‘Bon Raao ni Mwakuri Ibukini Kimwareireira’—Unimwaane n te Ekaretia” (Te Taua-n-Tantani, Tianuare 15, 2013)