Yahwa mačči d Ṛebbi n usexṛeb (1 Ikurintiyen 14:33). Ihi, agdud-is ilaq ad yili iṣeggem. Amek i geţwellih Yahwa tajmaɛt tamasiḥit? Yerna, d acu i gezmer ad yexdem yal yiwen deg-neɣ akken aţ-ţeqqim tṣeggem?

1. Anwa i d aqerru n tejmaɛt?

‘Lmasiḥ d aqerru n tejmaɛt’ (Ifasusiyen 5:23). Yeţwellih-ed seg igenwan ayen akk i xeddmen iqeddacen n Yahwa yellan di ddunit meṛṛa. Ɛisa yesbedd ‘akli unṣiḥ aɛeqli’, yiwet n terbaɛt n lecyux, yeţţusemman daɣen “Asqamu amwellah” (ɣer-ed Matta 24:45-47). Asqamu amwellah yeţweṣṣi yerna yeţwellih tijemmuyaɛ yellan di ddunit meṛṛa, akken i llan xeddmen yemceggɛen akk-d lecyux n Yarucalim di lqern amezwaru (Lecɣal 15:2). Lameɛna, mačči d irgazen-agi i d iqerra n tuddsa-nneɣ. Ţţaǧǧan Yahwa akk-d Wawal-is a ten-wellhen, ţţaǧǧan daɣen Ɛisa a ten-iwelleh di leqdic-nsen.

2. D acu-t ccɣel iɣef i ţţuwekklen lecyux n tejmaɛt?

Lecyux n tejmaɛt d imasiḥiyen yetɛeqqlen i gessexdamen Adlis Iqedsen akken ad sselmden, ad sseǧhden w’ad ɛiwnen mkul yiwen di tejmaɛt. Irgazen-agi ur ţwaxellaṣen ara ɣef leqdic i xeddmen. Qeddcen ɣef tejmaɛt “seg wul, akken yebɣa Yillu, mačči s ṭṭmeɛ, lameɛna s leḥṛaṛa” (1 Buṭrus 5:1, 2). Ţţebdaden ɣer tama-nsen iqeddacen imɛawnen, i gzemren daɣen ad uɣalen d lecyux ɣer zdat.

Kra n lecyux yeţwekkil-iten Wesqamu amwellah akken ad ilin d ineqqaden n tɣalayt. Rezzun ɣef waṭas n tjemmuyaɛ bac a tent-weṣṣin yerna a tent-sseǧhden. D nutni daɣen i geţwekkilen atmaten akken ad uɣalen d lecyux neɣ d iqeddacen imɛawnen, ɛlaḥsab n wayen i d-yecreḍ Wedlis Iqedsen (1 Timutawus 3:1-10, 12; Titus 1:5-9).

3. D acu-t ccɣel iɣef i geţţuwekkel yal Inigi n Yahwa?

Yal yiwen si tejmaɛt ‘yeţḥemmid isem n Yahwa’ m’ara iţekki deg inejmuɛen akk-d m’ara yeţberriḥ ɛlaḥsab n tezmert-is (ɣer-ed Ahellil 148:12, 13).

 A NNADI A NEFHEM AKTEṚ

4. Ɛisa d amḍebber aḥnin

Iḍleb-aɣ-d Ɛisa ma nebɣa ad yili d amḍebber fell-aneɣ. Ɣret-ed Matta 11:28-30, mbeɛd hedṛet ɣef westeqsi-yagi:

• Amek ara nḥuss i yiman-nneɣ ma neqbel ad yili Ɛisa d amḍebber fell-aneɣ?

5. Lecyux ţţaǧǧan-d lemtel n lɛali i wiyaḍ

1. Lecyux sseǧhaden lɛalaqat-nsen akk-d Yahwa yerna ţɛawanen tiwaculin-nsen ad xedment akka.

2. Lecyux ţḥebbiṛen ɣef mkul yiwen si tejmaɛt.

3.   Lecyux zgan ţberriḥen.

4. Lecyux ţqeddimen-d lxeṭbat, meɛna ţɛawanen daɣen di leqdic n usizdeg akk-d wayen nniḍen.

6. Lecyux ḥwaǧen lemɛawna-nneɣ

Adlis Iqedsen yessefhem-ed acuɣer i gesɛa azal a neţţaɣ awal i lecyux m’ara ţţaṭṭafen leqrarat. Ɣret-ed Iɛebṛaniyen 13:17, mbeɛd hedṛet ɣef yesteqsiyen-agi:

• Adlis Iqedsen yeṭṭalab-aɣ-d a neţţaɣ awal yerna a neţḍuɛ wid i ɣ-iţwellihen. Ɛlaḥsab-ik d lmeɛqul wayagi? Acuɣer?

Ɣret-ed Luqa 16:10, mbeɛd hedṛet ɣef westeqsi-yagi:

• Acuɣer i gesɛa azal a nxeddem afus deg ufus akk-d lecyux, ula di leḥwayeǧ i d-yeţbanen ur sɛint ara azal?

 AYEN I D-NELMED

Ɛisa d aqerru n tejmaɛt. Lecyux n tejmaɛt ţţaǧǧan-t a ten-iwelleh. Nekni nxeddem yid-sen afus deg ufus axaṭer sseǧhaden-aɣ yerna ţţaǧǧan-aɣ-d lemtel n lɛali.

A d-nesmekti

• Anwa i d aqerru n tejmaɛt?

• D acu-t ccɣel iɣef i ţţuwekklen lecyux n tejmaɛt?

• D acu-t ccɣel iɣef i geţţuwekkel yal aqeddac n Yahwa?