ILINNIAGASSAQ 20
Ilagiit aaqqissugaanerat
Jehova Guuti aaqqissuussisuuvoq. (Korintimiunut 1. 14:33, 40) Taamaattumik naatsorsuutigisinnaavarput innuttai aaqqissuussaasut. Ilagiit kristumiut qanoq aaqqissuussaappat? Ilagiinnillu qanoq ingerlalluartitseqataasinnaavugut?
1. Kina ilagiinnut siulersuisuua?
‘Kristusi ilagiinnut niaquuvoq,’ tassa siulersuisuuvoq. (Efesossimiut 5:23) Nunarsuaq tamakkerlugu Jehovap innuttaasa suliaat qilammiit nakkutigai. Aamma “inussiaq aalajaallunilu silatooq” toqqarsimavaa, taannalu tassaavoq utoqqaanertat amerlanngitsut Siulersuisoqatigiinnik taaneqartartut. (Matiusi 24:45-47 atuarsigit). Taakkulu kristumiut siulliit nalaanni apustilit utoqqaanertallu Jerusalemmimiittut ilaarlugit nunarsuaq tamakkerlugu ilagiinnik ilitsersuisarput. (Apustilit Suliaat 15:2) Nammineersinnaanatik nalunnginnamikku Biibili misissorlugu Jehovamit Jiisusimillu siulersorneqartarput.
2. Utoqqaanertat sulerisarpat?
Utoqqaanertat angutaapput kristumiut inersimalluartut. Biibili tunngavigalugu ilinniartitsisarput, aamma savanik paarsisutut ilagiinniittut paaralugit qiimmassarlugillu ikiortarpaat. Ilagiinni suliatik akissarsissutigineq ajorpaat. Utoqqaanertat Biibilimi ima kajumissaarneqarput: “[Guutip] saavani kajumillusi … iluanaarniapilunneq pinnagu piumassuseqarnerli pillugu kiffartoritsi.” (Petrusimit 1. 5:1, 2) Utoqqaanertat ilagiinni kiffartortunit ikiorneqartarput. Aamma ilagiinni kiffartortut utoqqaanertanngornissartik sulissutigisinnaavaat.
Siulersuisoqatigiit utoqqaanertat ilaat ilagiinnik nakkutilliisussatut toqqartarpaat, nakkutilliisullu ilagiit qiimmassarniarlugit ilitsersorniarlugillu tikeraartarpaat. Aamma Biibilimi piumasaqaatinik eqqortitsisunik utoqqaanertassanik ilagiinnilu kiffartortussanik toqqaasarput. – Timuutiusimut 1. 3:1-10, 12; Tittusi 1:5-9.
3. Jehovap Nalunaajaasuisa tamarmik suna akisussaaffigaat?
Ilagiinniittut tamarmik ‘Jehovap aqqa unnersiutigisarpaat’ ataatsimiinnerni peqataasarnermikkut sapinngisaminnillu oqaluussisarnermikkut. – Tussiaat 148:12, 13 atuarsigit.
ITISILIINEQ
Jiisusi siulersuisutut qanoq ittuunersoq, utoqqaanertat qanoq ilaarniartaraat uagullu Jiisusi naalallugu utoqqaanertat qanoq tapersersorsinnaagigut paasiniaruk.
4. Jiisusi siulersuisuuvoq inussiarnersoq
Jiisusip siulersuinerminik akuersinissatsinnik asannilluni kajumissaarpaatigut. Matiusi 11:28-30 atuarsigit apeqqullu una eqqartorlugu:
-
Jiisusi siulersuisutut qanoq ittuua, qanorlu misigitikkusuppaatigut?
Utoqqaanertat Jiisusi qanoq ilaartarpaat? VIDEO takusiuk.
Biibilimi allassimavoq utoqqaanertat ilagiinniittut qanoq pissuseqarfigissagaat.
Esaja 32:2 aamma Petrusimit 1. 5:1-3 atuarsigit apeqqutillu uku eqqartorlugit:
-
Utoqqaanertat Jiisusi ilaarlugu sapinngisaminnik qiimmassaaniartarmata qanoq misigivit?
-
Utoqqaanertat Jiisusi allatigut qanoq ilaartarpaat?
5. Utoqqaanertat maligassiuisarput
Jiisusip utoqqaanertat suliassaminnut qanoq isiginnittaaseqarnissaat kissaatigaa? VIDEO takusiuk.
Jiisusi utoqqaanertanik ilitsersuivoq. Matiusi 23:8-12 atuarsigit apeqqutillu uku eqqartorlugit:
-
Utoqqaanertat Biibilimi qanoq peqquneqarpat? Isumaqarpit upperisarsioqatigiit allat siuttuisa tamanna maleruartaraat?
-
Utoqqaanertat ilaquttatillu sapinngisaminnik Jehovamut attaveqarluarniartarput
-
Utoqqaanertat ilagiinniittut isumassortarpaat
-
Utoqqaanertat oqaluussisarput
-
Utoqqaanertat ilinniartitsisarput. Aamma eqqiaaqataasarlutillu allatigut ikiuuttarput
6. Utoqqaanertat tapersersorsinnaavagut
Biibilimi nassuiarneqarpoq sooq utoqqaanertat tapersersortassagigut. Hebræerit 13:17 atuarsiuk apeqqullu una eqqartorlugu:
-
Biibilimi siulersortitsinnut maniguulluta kajumillutalu naalaqquneqarnerput qanoq isumaqarfigaajuk?
Lukkarsi 16:10 atuarsiuk apeqqullu una eqqartorlugu:
-
Sooq soqutaarpasinngikkaluaraangalluunniit utoqqaanertat naalattassavagut?
OQARTOQARTARPOQ: “Nammineq piumasattut guutisiorsinnaavutit.”
-
Ilagiinnut Jiisusip siulersugaanut ilaaneq qanoq iluaqutissartaqarpa?
EQIKKAANEQ
Jiisusi ilagiinnik siulersuisuuvoq. Utoqqaanertat Jiisusimit siulersortittut inussiarnersuummata maligassiuisarmatalu kajumilluta tapersersortarpagut.
Uteqqiineq
-
Kina ilagiinnik siulersuisuua?
-
Utoqqaanertat ilagiinnut qanoq iluaqutaasarpat?
-
Ilagiinniittut tamarmik suna akisussaaffigaat?
NAMMINEQ MISISSUGASSATIT
Siulersuisoqatigiit utoqqaanertallu allat ilagiinniittut qanoq isumassorusukkaat paasiniaruk.
Suliatta inerteqqutigineqarnerani qatanngutitta nakussatsinneqarnerat (4:22)
Ilagiinnik nakkutilliisut sulerisarnersut paasiniaruk.
Arnat ilagiinni pingaaruteqarnerat pillugu misissuigit.
“Arnat Jehovamik Nalunaajaasut ilinniartitsisarpat?” (Napasuliaq Alapernaarsuiffik-mi allaaserisaq)
Utoqqaanertat uppeqatitik qiimmassarniarlugit ilungersornerat pillugu misissuigit.