KĨTHOOMO KĨA 20
Ũrĩa Kĩũthũrano Kĩbanganĩtue
Jehova nĩ Mũrungu wa mũtaratara. (1 Akorintho 14:33) Kwou arĩrĩgĩĩra antũ baawe bethĩrwe babanganĩtue. Nĩatĩa kĩũthũrano kĩa Gĩkristũ kĩbanganĩtue? Nĩatĩa tũũmba kũgwata mbaru mĩtaratara ya kĩũthũrano?
1. Nũũ ũtongagĩĩria kĩũthurano?
‘Kristo niwe mutwe’ jwa kĩũthũrano. (Aefeso 5:23) Arĩ ĩgũrũ, natongagĩĩria ngũgĩ cia antũ ba Jehova nthĩgũrũne yonthe. Jesũ nathuurĩte “nthumba iria yagirite na injume”—gakundi kaniini ka akũrũ bagimaru barĩa baĩjĩkene na riĩtwa rĩngĩ ta Kĩama kĩrĩa Gĩtongagĩĩria. (Thooma Mathayo 24:45-47.) O ta atũmwa ba karine ya mbere na akũrũ naarĩa Jerusaremu, Kĩama kĩrĩa Gĩtongagĩĩria nĩkĩejanaga mwerekera kĩrĩ kĩuthũrano nthĩgũrũne yonthe. (Mathithio 15:2) Ĩndĩ akũrũ baba tĩ atongeeria ba ũthuranĩri bwetũ. Nĩberĩgagĩĩra Jehova na Rũteto rwawe nĩkenda bona ũtongeeria, na bakathĩkĩra Jesũ arĩ kĩongo kĩao.
2. Akũrũ ba kĩũthũrano bethagĩrwa na ngũgĩ irĩkũ?
Akũrũ ba kĩũthũrano nĩ arũme Akristũ bagimaru barĩa baritanaga kuumania na Rũteto rwa Mũrungu, na bakarĩĩthia antũ ba Jehova na njĩra ya kũbatetheeria na kũbekĩra inya. Batĩrĩagwa tontũ bwa ngũgĩ ĩu yaao. Ĩndĩ batumĩkaga tĩ ‘untu bwa kwirigiira into biria bitiagirite, indi ni untu bwa guciendera na nkoro ciao bongwa.’ (1 Petero 5:1, 2) Akũrũ ba kĩũthũrano nĩbatethagua nĩ nthũmba cia ũtungatĩri, barĩa, nyuma ya kagiita bombaga gũkinyĩra kaanya ga kwaa akũrũ ba kĩũthũrano.
Kĩama kĩrĩa Gĩtongagĩĩria nĩkĩthuuraga akũrũ bamwe ba kĩũthũrano bakaa ategeeri ba mũthiũrũko. Nĩ barĩũngagĩra bĩũthũrano mwanya mwanya kũbaa ũtongeeria na kũbekĩra inya. Nĩbekaga akũrũ ba kĩũthũrano na nthũmba cia ũtungatĩri, barĩa, bethagĩrwa baingĩtie mendekithia ja Kĩmandĩko.—1 Timotheo 3:1-10, 12; Tito 1:5-9.
3. O Mũkũũjĩ wonthe wa Jehova arĩ na kaanya karĩkũ?
Bonthe ndene ya kĩũthũrano ‘nibakumagia riitwa ria Mwathani [Jehova]’ na njĩra ya kũgwata mbaru mĩcemanio na ũtungatĩri kũringana na ũũmbi bwa o muntũ.—Thoooma Zaburi 148:12, 13.
ĨNJA NKŨRŨKI
Iritane Jesũ nĩ mũtongeeria ũkari atĩa, ũrĩa akũrũ ba kĩũthũrano bageragia kũthingata ngerekano yaawe, na ũrĩa tũũmba kũgwata mbaru Jesũ na akũrũ ba kĩũthũrano.
4. Jesũ nĩ mũtongeeria ũmũkiru na mwinyiia
Jesũ nagũtũgwata ũgeni na njĩra ya wendo tũmwĩtĩkĩĩria arĩ mũtongeeria weetũ. Thooma Mathayo 11:28-30, rĩu bwarĩĩrie kĩũria gĩkĩ:
-
Nĩatĩa Jesũ akwenda twigua bwegie ũtongeeria bwawe?
Bibiria nĩritanaga tarĩĩria ũrĩa akũrũ ba kĩũthurano babuĩrĩte kũrita ngũgĩ yaao.
Thooma Isaya 32:2 na 1 Petero 5:1-3, rĩu bwarĩĩrie biũria bibi:
-
Nĩatĩa ũntũ bũũ bũtũmaga wigua wamenya atĩ, o ta Jesũ, akũrũ ba kĩũthũrano nĩbethagĩrwa na wendi bwa kũthithĩria bangĩ na njĩra ya winyiia na ũkiri?
-
Nĩ na njĩra irĩkũ ingĩ akũrũ ba kĩũthũrano baigerekanagia na Jesũ?
5. Akũrũ ba kĩũthũrano nĩbatũritanaga gũkũrũkĩĩra ngerekano yaao
Jesũ eendaga akũrũ bethĩrwe na mwonere jũrĩkũ jwegie kaanya kaao? Tega VIDIO.
Jesũ nekĩte mantũ ja kũthingatagwa nĩ bonthe barĩa batongagĩĩria ndene ya kĩũthũrano. Thooma Mathayo 23:8-12, rĩũ bwarĩĩrie kĩũria gĩkĩ:
-
Nĩmbi bĩgũkũgwĩria bwegie mwanya gatĩgatĩ ka mantũ jarĩa Bibiria yonanĩtĩe jegie akũrũ ba kĩũthũrano, na jarĩa ũcionerete kĩrĩ atongeeria ba ndini?
-
Twomba kũgwata mbaru akũrũ ba kĩũthũrano
-
Thooma Ahibirania 13:17, rĩũ bwarĩĩrie biũria bibi:
-
Nĩkĩ, kana nĩkĩ tĩu?
• Nĩkĩ bũrĩ ũntũ bwa gĩtũmi kũgwatanĩra na akũrũ kĩnya kĩrĩ tũmantũ tũrĩa tũkwonekana tũrĩ tũniini?
A. Akũrũ nĩbaciĩkagĩra inya gĩkĩrundu o amwe na nja ciao.
-
B. Akũrũ nĩbamenyagĩĩra bonthe ndene ya kĩũthũrano
C. Akũrũ nĩbatũmagĩĩria na wĩthĩre
-
D. Akũrũ nĩ aritani. Kinya nĩbatethagĩĩria kũtheria na ngũgĩ ingĩ.
ANTŨ BAMWE BAUGAGA: “No ũthathayie Mũrungu kinya ũrĩ wenka.”
-
Ũrĩthũgaania nĩ itharimo birĩkũ muntũ oomba kwona nĩ ũntũ bwa kũthathayia amwe na bangĩ kĩũthũranone?
NA NJĨRA ĨNKUĨ
Jesũ nĩwe kĩongo gĩa kĩũthũrano. Nĩtũgwĩragua kũgwatanĩra na akũrũ ba kĩũthũrano barĩa batumĩkaga rungu rwawe, tontũ nĩbatũtethagia na njĩra ya winyiia na ũkiri nabagatũritana gũkũrũkĩĩra ngerekano yaao.
Gũcookera
-
Nũũ ũtongagĩĩria kĩũthũrano?
-
Nĩatĩa akũrũ batethagia kĩũthũrano?
-
Nĩ kaanya karĩkũ o mũthathayia wonthe wa Jehova arĩ nako?
CŨNKŨŨNA
Ona mantũ jarĩa jakũrikĩthia atĩ Kĩama kĩrĩa Gĩtongagĩĩria na akũrũ kĩũthũranone nĩbamakagĩra mono Akristũ naarua.
Iritane bwegie ngũgĩ irĩa ategeeri ba mũthiũrũnko bathithagia.
Thooma bwegie kaanya ka ekũrũ kĩũthũranone.
“Rĩ, Akũũjĩ ba Jehova nĩbethagĩrwa na atungatĩri antũ aka?” (Mnara wa Mlinzi, Septemba 1, 2012)
Cũnkũũna ũrĩa akũrũ ba kĩũthũrano baciũmagia gwĩkĩra barĩa bathathayia nabo inya.
