ISAMBILILO 20
Vino Iwungwe Likatungululwa
E Yehova ase Leza wacimvulunganya. (1 Wakorinte 14:33, 40) Fwandi tungenecela na wantu wakwenye ukukanawa mu cimvulunganya. Uzye iwungwe lya wina Klistu likatungululwa wuli? Tungawombela wuli ponga nalyo?
1. Weweni wino akatungulula iwungwe?
“Klistu ali namaka” pi wungwe. (Waefeso 5:23) E Yesu wawa kwi yulu, lelo akatungulula imilimo yino yikawombwa na wantu wa kwe Yehova ukuzinguluka insi yonsinye. Swinya wasonta iwumba litici ilya eluda wano wawomba pa myaka imivule ukuwa ‘amuzya wa cisinka swinya uwa mano’ nanti iwumba lino likatungulula. (Wazya Mateyu 24:45-47.) Wulyanye vino calinji ku watumwa na wa eluda mu Yerusalemu, avino ni wumba lino likatungulula likanena awamu mawungwe ivya kukukonka. (Imilimo 15:2) Lelo wa-a wonsi asa ntunguluzi zyi wungwe. Wakawazya Baibolo pa kuti wamanye vino Yehova akulonda wacite. Swinya wakayikundila ukukonka uwutunguluzi wa kwe Yesu.
2. Uzye wa eluda awaweni swinya amulimo ci wuno wakawomba?
Wa eluda awonsi wano wawombela e Yehova pa myaka imivule. Wakasambilizya awantu wa kwe Leza ivya mu Baibolo, ukuwavwa nga nu kuwawomelezya. Wasilipilwa pamulimo wuno wakawomba. “Wakayikundila ukuwomba ni myezo yawo yonsi ndi muno Leza akalondela, kukulambulwa pole.” (1 Peter 5:1, 2) Swinya kwawa na wawomvi wano wakatumicila wano wakakwavwa wa eluda. Wa-a awonsi nawo nga wakumanisya vino vikalondekwa mumawaliko wakakwiza mukuwa awa eluda.
Iwumba lino Likatungulula likasonta wa eluda wamwi ukuwa awakangalila wamuputule. Wa-a wakangalila wamuputule wa katandalila amawungwe kukuya mukuwomya awanawitu na wankazi. Awano wakasonta wa eluda na watumikila. Pakucita wo-o wakawomvya Baibolo ukulola nga wafisilepo pe vino vikalondekwa mu mawaliko.—1 Timoti 3:1-10, 12; Taitasi 1:5-9.
3. Amulimo ci wuno uwili wensinye mwi wungwe wawa nawo?
Wonsinyene mwi wungwe ‘wakatumvya izina lya Mfumu e Leza’ ukupitila mu kwasukapo pakulongana nu kuwizya ukufika pano pangapelela amaka yawo.—Wazya Amalumbo 148:12, 13.
SAMBILILA IVICILE PA-A
Lola nga cakuti e Yesu antunguluzi yamusango ci, vino wa eluda wakakwelezya na maka ukumukolanya na vino naswe tungamwivwila nu kuwombela ponga na wa eluda.
4. E Yesu antunguluzi ya luse
E Yesu watwita swensinye ukuti tuye kwe weliwe. Wazyani Mateyu 11:28-30, nu kulanzyanya ya-a amawuzyo:
-
Uzye e Yesu antunguluzi ya musango ci swinya akalonda twayivwa wuli?
Uzye wa eluda wakakolanya wuli e Yesu? Tambani e VIDYO.
E Baibolo yikatunena vino wa eluda wazipizile ukuwomba umulimo wawo.
Wazyani Ayizeya 32:2 ne 1 Peter 5:1-3, nu kulanzyanya ya-a amawuzyo:
-
Uzye ukayivwa wuli ukumanya ukuti wa eluda wakakwelezya na maka ukukolanya e Yesu wino akasansamusya wanji?
-
Amwinye namunji muno wa eluda wakakwelezya ukukolanya e Yesu?
5. Wa eluda wakasambilizya wanji mwe vino wakacita
Uzye e Yesu akalonda wa eluda walola wuli umulimo wawo? Tambani e VIDYO.
E Yesu walanzile vino wano wakatungulula wazipizile ukuwa. Wazyani Mateyu 23:8-12, nu kulanzyanya:
-
Uzye e Baibolo yalanda ukuti wa eluda wazipizile ukuwa wuli? Uzye ukulola ukuti intunguluzi zyamapepo zikakonka wo-o vino Baibolo yikalanda?
-
Wa eluda wakawomya wuciwuza wawo ne Yehova swinya avino wakakwavwa ni ndupwa zyawo ukuwa
-
Wakasakamala awa mwi wungwe wonsinye
-
Wakawizya lyonsinye
-
Awakasambilizya. Swinya wakakwavwilizyako na mukuyanya nga ni milimo yinji
6. Tungawombela ponga na wa eluda
E Baibolo yikatunena umulandu wuno cacindamila ukuwombela ponga na wa eluda. Wazyani Waheberi 13:17, nu kulanzyanya ya-a amawuzyo:
-
Amulandu ci wuno Baibolo yikatunenela ukuti tuzipizile ukuyikundila ukutontela wano wakatungulula? Amulandu ci wuno wasucila wowo?
Wazyani Luka 16:10, nu kulanzyanya lyo-o iwuzyo:
-
Amulandu ci wuno cacindamila ukuwombela ponga na wa eluda na mutuntu tuno tukaloleka ukuti atutici nkaninye?
WAMWI WAKATI: “Utazipizile ukuwa mwi wungwe lya mapepo ilili lyonsinye.”
-
Awuzima ci wuno ukulola ukuti umuntu angazana nga cakuti akupepa Yehova ponga ni wungwe?
IVISINKA VIKULU
E Yesu ayili intunguluzi yi wungwe. Tukakwivwa icete ukuwombela ponga na wa eluda wano wakakonka uwutunguluzi wakwe, amuno wakatusansamusya swinya wakatusambilizya mwe vino wakacita.
Avyani Vino Wasambilila?
-
Uzye intunguluzi yi wungwe weweni?
-
Uzye wa eluda wakakwavwa wuli awamwi wungwe?
-
Amulimo ci wuno wensinye mwi wungwe wawa nawo?
MANYILAPO NA VINJI
Lola vino vikalanjizya ukuti Iwumba Lino Likatungulula na wa eluda wawika nkaninye amano ku wina Klistu.
Lola umulimo wuno wakangalila wa muputule wakawomba.
Imikalile ya Kangalila wa Muputule Wano Wakawombela mu Twaya (4:51)
Lola umulimo wuno awanaci wakawomba mwi wungwe.
Lola vino wa eluda wakawombesya na maka ukuwomelezya awina Klistu wawuye.
‘Wa Eluda—Awawomvi Awanji Awakutusansamusya’ (Ulupungu lwa kwa Kalinda, January 15, 2013)
Mungakunda na vyoo
AMAWUZYO YANO AWANTU WAKAWUZYAPO SANA
Uzye Isambililo lye Baibolo Ilya Nte zya kwe Yehova Lyawa Wuli?
Mwe lyoo isambililo lino Inte zya kwe Yehova wakasambilila na wantu uwiilanye, mungawomvya e Baibolo iyili yonsinye ino mukulonda. Mungitako na wali wonsinye wano mukulonda.
