Jehová pux kiye̱ʼita el orden (1 Corintios 14:33). Inó̱n iga pan ia̱ltepe̱ʼ Dios nochimej sentekipanowaj. ¿Kén tekipanowa ia̱ltepe̱ʼ Dios? ¿Te̱ wel tikchi̱waj iga maye̱ʼtekipano ia̱ltepe̱ʼ Dios?

1. ¿A̱ʼ yéj kiojkuiltiá ia̱ltepe̱ʼ Dios?

«Cristo yawi tsontekon de la congregación» (Efesios 5:23, TNM). Desde ajko Jesús kitstoʼ nochi yej kichi̱wa ia̱ltepe̱ʼ Jehová pan nochi Ta̱jli. Kito̱ka̱wij al «esclavo fiel wan prudente»: se̱ alimpa grupo de ancianos yej kipiáj experiencia moi̱xmati no̱ ken el Cuerpo Gobernante o Comité yej Teojkuiltiá (xiktajto̱lti Mateo 24:45-47). Ijko̱nsan ken kichi̱wayaj los apóstoles wan los ancianos de Jerusalén de achto siglo, Comité yej Te̱ojkuiltiá kiojkuiltiá nochi ia̱ltepe̱ʼ Dios (Hechos 15:2). Pero ini̱nmej tajta̱gamej ayá̱ yawij líderes de ia̱ltepe̱ʼ Dios. Kinekij iga Jehová wan Itajto̱l makiojkuilti̱kan, wan kichi̱waj ken Jesús kijtowa.

2. ¿Te̱ kichi̱waj yej tayaka̱naj o los ancianos?

Yej tayaka̱naj yawij tajta̱gamej yej kiwi̱gajya komati tiempoj iga yawij fieles a Dios, yejeme̱n te̱machtiáj pan la Biblia, te̱anima̱rowaj wan te̱pale̱wiáj. Yejeme̱n ayá̱ kitaniáj tomi̱n, kichi̱waj ken kijtowa la Biblia: «Xikyo̱lmakaka̱n iga xikchi̱waka̱n ken Dios kineki, iwá̱n amo xiktekiꞌchi̱waka̱n. Ayéj iga tomi̱n mamitzyo̱ltila̱naka̱n» (1 Pedro 5:1, 2). Los ancianos ayá̱ tekipanowaj ise̱ltimej, kipale̱wiáj los siervos ministeriales, yejeme̱n no̱ después wel yawij ancianos o yej tayaka̱naj.

Comité yej teojkuiltiá kitapejpena sekin ancianos iga matekipano̱kan ken tayaka̱naj de circuito. Ini̱nmej tokni̱wan kipaxa̱lowiliáj miak congregaciones yej kiojkuiltiáj wan ki-anima̱rowaj. Wan no̱ kitapejpenaj iga matekipano̱kan ken ancianos wan siervos ministeriales yej kichi̱waj ken la Biblia kijtowa (1 Timoteo 3:1-10, 12; Tito 1:5-9).

3. ¿Te̱ kichi̱wa cada sejsé̱ yej tajto̱lmoya̱waj de Jehová?

Nochimej pan tanechko̱lis kiweyichi̱waj «ito̱ka̱ Jehová» kua̱ comentarowaj, kipano̱ltiáj discursos, demostraciones wan kua̱ takui̱kaj. Wan no̱ kua̱ motekiʼtiliáj iga matajto̱lmoya̱wakan (xiktajto̱lti Salmo 148:12, 13).

 MATIMOMACHTI̱KAN MA̱J DE INÍ̱N TEMA

4. Jesús yawi se̱ líder yej te̱yo̱ltaliá

Jesús te̱maka iní̱n invitación. Xiktajto̱ltikan Mateo 11:28-30 wan xitajto̱kan de iní̱n:

• ¿Kén kineki Jesús iga matimomachi̱likan iga yéj te̱ojkuiltiá?

5. Yéj tayaka̱naj kichi̱waj ken iga tamachtiáj

1. A) Yej tayaka̱naj momachtiáj de Itajto̱l Dios wan no̱ kipale̱wiáj ifamiliaj.

2. B) Yej tayaka̱naj moyo̱lmiktiáj iga nochimej yej asij pan tanechko̱lis.

3.  C) Yej tayaka̱naj nochipa tajto̱lmoya̱waj.

4. D) Yej tayaka̱naj tamachtiáj. Wan no̱ tapale̱wiáj pan la limpieza wan seuʼmej tejté̱.

6. Matikchi̱wakan yej te̱ijliáj yej tayaka̱naj

La Biblia te̱ijliá té íga matikchi̱wakan yej te̱ijliáj yej tayaka̱naj. Xiktajto̱ltikan Hebreos 13:17 wan xitajto̱kan de iní̱n:

• ¿Té íga kijtowa la Biblia iga matikchi̱wakan ken te̱ijliáj yej te̱ojkuiltiáj? Téj, ¿kén tikita inó̱n?

Xiktajto̱ltikan Lucas 16:10 wan xitajto̱kan de iní̱n:

• Kua̱ yej tayaka̱naj te̱ijliáj matikchi̱wakan tejté̱ yej tejeme̱n tikitaj ayá̱ pux importante, ¿té íga moneki matikchi̱wakan ken te̱ijliáj?

TE̱ TIMOMACHTIJ

Jesús kiojkuiltiá ia̱ltepe̱ʼ Dios. Yej tayaka̱naj kichi̱waj ke̱nsan Jesús kichij, wan tejeme̱n tikchi̱waj yej yejeme̱n te̱ijliáj iga te̱cuidarowaj wan kichi̱waj ken iga tamachtiáj.

Matikejla̱mikikan te̱ timomachtijkej

• ¿A̱ʼ yéj kiojkuiltiá ia̱ltepe̱ʼ Dios?

• ¿Te̱ kichi̱waj yej tayaka̱naj pan la congregación?

• ¿Te̱ moneki makichi̱wakan los siervos de Jehová?