EISHOMO 20
Oku Ekibiina Kitebeekanisiibwe
Yehova ni Ruhanga w’obuteeka. (1 Abakorinso 14:33) N’ahabw’ekyo, n’abaheereza be baine kuba batebeekanisiibwe gye. Ekibiina Ekikristaayo kitebeekanisiibwe kita? Nitubaasa kwongyera tuta aha buteeka bwakyo?
1. Omutwe gw’ekibiina n’oha?
‘Kristo niwe mutwe gw’ekibiina.’ (Abaefeso 5:23) Naayebembera emirimo y’abaheereza ba Yehova omu nsi yoona ari omu iguru. Yesu akatoorana ‘omwambari omwesigwa kandi ow’obwengye,’ nibo bareeberezi abakuzire omu by’omwoyo kandi abarikwetwa Akakiiko Akareeberezi. (Shoma Matayo 24:45-47.) Nk’entumwa omu kyasha ky’okubanza, n’abareeberezi omuri Yerusaalemu, Akakiiko Akareeberezi nikareeberera ebibiina omu nsi yoona. (Ebyakozirwe 15:2) Kwonka abashaija aba ti beebembezi b’ekibiina kya Yehova. Nibasherura obuhabuzi ahari Yehova n’omu Kigambo kye, kandi nibeeta ahansi y’obushoboorozi bwa Yesu.
2. Abareeberezi baine bujunaanizibwa ki?
Abareeberezi n’ab’eishe-emwe abakuzire omu by’omwoyo abarikwegyesa barikwihirira aha Byahandiikirwe, kandi nibareeberera abaheereza ba Yehova barikubahwera kandi bakabagumya. Tibarikushashurwa ahabw’omurimo ogu. Kureka, nibaheereza ‘beeyendeire nk’oku Ruhanga arikukunda, ti habw’omururu gw’okutunga ebintu, kureka baine omutima ogurikukunda.’ (1 Petero 5:1, 2) Abareeberezi nibahwerwaho abaheereza, nabo nyentsya abarikubaasa kutunguuka bakaba abareeberezi.
Akakiiko Akareeberezi nikatoorana abareeberezi abamwe kutaayaayira ebibiina. Nibataayaayira ebibiina bitari bimwe na bimwe kugumya ab’eishe-emwe n’okubahabura. Nibatoorana abahikire kuba abareeberezi n’abaheereza omu bibiina, barikwihirira aha birikwetengyesa ebiri omu Byahandiikirwe.—1 Timoseo 3:1-10, 12; Tito 1:5-9.
3. Buri Mujurizi wa Yehova aine bujunaanizibwa ki?
Buri omwe ‘naahimbisa eiziina rya’ Yehova arikwejumba omu nteerane z’ekibiina n’omu buheereza nk’oku embeera ze zirikumubaasisa.—Shoma Zaaburi 148:12, 13.
SHWIJUMA GYE
Manya emitwarize ya Yesu omwebembezi waitu, oku abareeberezi barikuteeraho kumutooreza, n’oku turikubaasa kumworobera, kandi tukakwatanisa n’abareeberezi.
4. Yesu n’omwebembezi orikuruhuura
Yesu naatweta omu muringo gwa rukundo. Shoma Matayo 11:28-30, kubaasa kugarukamu ekibuuzo eki:
-
Yesu naayenda ngu twehurire tuta ahansi y’obwebembezi bwe?
Abareeberezi nibatooreza bata Yesu? Zaana VIDIYO.
Baibuli neeyoreka gye oku abareeberezi baine kukora omurimo gwabo.
Shoma Isaaya 32:2 na 1 Petero 5:1-3, kubaasa kugarukamu ebibuuzo ebi:
-
Okuteeraho kw’abareeberezi kuruhuura abandi nk’oku Yesu yaakozire, nikukureetera kwehurira ota?
-
Ni miringo ki endiijo ei abareeberezi barikubaasa kutoorezamu Yesu?
5. Abareeberezi nibataho eky’okureeberaho kirungi
Yesu naayenda ngu abareeberezi batware bata obujunaanizibwa bwabo? Zaana VIDIYO.
Yesu akataho omutindo ahabw’abo abarikubanza omu maisho omu kibiina. Shoma Matayo 23:8-12, kubaasa kugarukamu ekibuuzo eki:
-
Emitindo ya Baibuli ei abareeberezi barikukuratira, neetaana eta aha y’abeebembezi b’ediini?
-
Abareeberezi nibaguma bahami omu by’omwoyo hamwe n’ab’amaka gaabo
-
Abareeberezi nibafayo ahari boona omu kibiina
-
Abareeberezi nibaguma nibeejumba omu kubuurira
-
Abareeberezi n’abeegyesa. Nibahwera n’omu kuboneza n’endiijo mirimo
6. Nitubaasa kukwatanisa n’abareeberezi
Baibuli neeyoreka enshonga nkuru ahabw’enki twine kukwatanisa n’abareeberezi. Shoma Abaheburaayo 13:17, kubaasa kugarukamu ekibuuzo eki:
-
Ahabw’enki Baibuli neetuhiga kworobera abareeberezi n’okweta ahansi y’obushoboorozi bwabo?
Shoma Luka 16:10, kubaasa kugarukamu ekibuuzo eki:
-
Ahabw’enki ni kikuru kukwatanisa n’abareeberezi nangwa n’omu nshonga ezirikureebeka nka nkye?
ABAMWE NIBAGIRA NGU: “Toine kuba omu diini etebeekanisiibwe gye.”
-
Nooteekateeka ngu omuntu naagasirwa ata yaaramiza Ruhanga omu kibiina ekitebeekanisiibwe gye?
OMU BUGUFU
Yesu niwe mutwe gw’ekibiina. Nikitushemeza kukwatanisa n’abareeberezi abarikumworobera ahakuba nibaturuhuura, kandi nibatuteeraho eky’okureeberaho kirungi.
Okweijutsya
-
Omutwe gw’ekibiina n’oha?
-
Abareeberezi nibahwera bata ekibiina?
-
Buri muheereza wa Yehova aine bujunaanizibwa ki?
JUMBURA EBINDI
Manya oku Akakiiko Akareeberezi n’abareeberezi b’ekibiina barikufayo munonga aha Bakristaayo bagyenzi baabo obunaku obu.
Manya obujunaanizibwa bw’abarikutaayaayira ebibiina.
Shoma oreebe omwanya mukuru gw’abakazi omu kibiina.
“Abajurizi ba Yehova shi Baine Abakazi Abaheereza?” (Omunaara gw’Omurinzi, Seputemba 1, 2012)
Yetegyereze oku abareeberezi barikukora n’amaani kugumya ab’eishe-emwe bagyenzi baabo.
“Abareeberezi Nibakora Naitwe Kutureetera Kushemererwa” (Omunaara gw’Omurinzi, Jenwari 15, 2013)
Noobaasa Kukunda n'Ebi
EBIBUUZO EBIRIKUKIRA KUBUUZIBWA
Omushomo gw’Okwegyesa Baibuli ogw’Abajurizi ba Yehova Niki?
Omu ntebeekanisa ya busha ey’okuhikaanisa ebiteekateeko ey’Abajurizi ba Yehova, noobaasa kukoresa envunuura ya Baibuli yoona. Noobaasa kwega n’eka yaawe yoona nari kweta banywani baawe.
