Jehová nchexruxiʼin thi ndakua duan xrá (1 Corintios 14:​33). Mexinxin chuʼen ke rajnee ndakua sincheʼena xrá. Kexrein duan xrá ngai naa congregación. Kexrein nanaa de jaʼana sunthuʼuna ke kain ndakua sachrje.

1. Kensen thi jiditauʼen nthiʼa congregación

“Cristo yaa thi jiditauʼen nthiʼa congregación” (Efesios 5:​23). Jesús desde ngajni jitsjeʼe kexrein jiduan xrá ngai rajnee Jehová nguixin ngataʼa Nunthe. Kuincheʼe inchi ni diʼin “esclavo fiel y prudente”: naa grupo de inchi ni anciano ke teditauʼena nthiʼa congregación ke chunxinxinina Cuerpo Gobernante (tsjeʼe Mateo 24:​45-​47). Jaña xraa ni apóstol ko ni anciano de Jerusalén de siglo saʼo, ni Cuerpo Gobernante teʼi ditauʼena nthiʼa rajnee Ndo Dio (Hechos 15:2). Aro ni xii teʼi ncheʼana thi jeʼena texraxauna, icha jian thjeena ke Jehová tsengijnana kunixin Thee ko dithikauna kainxin thi thetuʼan Jesús.

2. Keʼe xrá ncheʼe ni anciano

Ni anciano de congregación, ni teʼi ni udicha espiritualmente, tjaguna thi ndachro ngaa Thee Ndo Dio ko tsjeʼena ko thengijnana ni de congregación. Ni teʼi xengeʼanana ixi thi xrá ke ncheʼena. Icha jian xrá jiʼi “sachrjexin de ansaara sincheʼera para Dio”; ko kai chueʼanra “ke sachara icha jian ixi rinaura sincheʼera” (1 Pedro 5:​1, 2). Kai jii ni thengijna ni anciano ko jiʼi ni siervo ministerial, ni teʼi kai nchao rukjana anciano de congregación si sincheʼena thi ndachro ngaa Thee Ndo Dio.

Ni Cuerpo Gobernante thincheʼena inchi ni anciano para sinthena de superintendente de circuito. Ni chuuná teʼi ditsjeʼena tsje congregación, thengijnanana ko nchesujinana. Kai ni teʼi nchenombraana ni anciano ko ni siervo ministerial aro kunixin thi ndachro ngaa Thee Ndo Dio (1 Timoteo 3:​1-​10, 12; Tito 1:​5-9).

3. Kekaa ncheʼe naa ni Testigo

Kainxin ni the ngai congregación nchesayeʼena “Jehová” are xrathena. Kai are dikauna juajna jian (tsjeʼe Salmo 148:​12, 13).

 TANGI ICHA

4. Jesús ditauaná nthiʼa ko tsjeʼe de jaʼana

Jesús nthanthuxianá jiʼi. Tsjeʼera Mateo 11:​28-​30 ko tjaura de jiʼi:

• Kexrein nuʼen Jesús ko kexrein rinao ke tsunuana.

5. Ni anciano tjaguna kunixin thi ncheʼena

1. Ni anciano nchesujina thi jian xrakauna Jehová ko kai de ni nchianduʼana.

2. Ni anciano tana juachjaun ixi kainxin ni de congregación.

3.   Ni anciano de congregación thintueʼana de dikauna juajna jian.

4. Ni anciano tjaguna. Kai ncheruana ko ncheʼena icha xrá ngai congregación.

6. Thengijnaná ni anciano

Ngai Biblia dunthuuna unda chunda ke tsengijnaná ni anciano de congregación. Tsjeʼera Hebreos 13:​17 ko tjaura de jiʼi:

• Unda ndachro Biblia ke chunda ke suthikauna ni tetauaná nthiʼa. A degikuʼen ke nchao jii jiʼi. Ixi unda.

Tsjeʼera Lucas 16:​10 ko tjaura de jiʼi:

• Unda ixi anto renthe ke tsengijnaná ni anciano de congregación, ngai xrá maski dukuʼana ke renthe xrá.

 THI KUANGINÁ

Jesús thi jiditauʼen nthiʼa congregación. Ko ni anciano de congregación dithikauna thi thetuʼan Jesús, ko jaʼana duthikaunana ixi tsjeʼena de jaʼana, ko tjaguanana kunixin thi ncheʼena.

A xraxaun thi kuangi

• Kensen thi jiditauʼen nthiʼa congregación.

• Kexrein thengijna ni anciano congregación.

• Kekaa ncheʼe naa ni nchexree Jehová.