Jehovaqa mana munanchu imapis patan uranta ruwakunanta (1 Corintios 14:33). Kaypitaj yachakusun llajtanqa imatapis mana patan urantachu ruwasqanta, imapis allin llojsinanpaj yanapakuyta atisqanchejta ima.

1. ¿Pitaj congregacionpa uman?

Cristoqa “congregacionpa uman” (Efesios 5:23). Jesusqa cielomantapacha qhawamushan Diospa llajtanpi imaschus ruwakushasqanta. Chayrayku payqa jallpʼantinpi kaj congregacionesta ñaupajman pusanankupaj ‘allin kamachi yuyayniyojta’ churan. Paykunaqa sumaj wakichisqa ancianos kanku, uj mashkhallataj kanku. Paykunataqa rejsikullantaj Diospa Llajtanta Kamachejkuna sutiwan (Mateo 24:45-47 leey). Paykunaqa ñaupa tiempomanta apóstoles, ancianos jina ruwanku (Hechos 15:2). Chantapis Diospa yanapayninta maskʼanku, Bibliawan yanapachikunku, Jesuspa kamachisqanta kasukunku, nitaj Diospa llajtanmanta dueñoschu kanku.

2. ¿Pikunatataj ancianos nikun, chanta ima llankʼaytataj japʼinku?

Ancianosqa sumaj wakichisqa cristianos kanku. Paykunaqa congregacionpi Bibliawanpuni yachachiwanchej, ovejitasta michejkuna jinataj yanapawanchej, kallpachawanchej ima. Chayta ruwasqankumantataj mana cobrankuchu, manaqa ‘tukuy sonqo ruwanku’, nitaj “imata japʼiyta munaspachu chayta” ruwanku (1 Pedro 5:1, 2). Ancianosqa congregacionpi siervos ministerialeswan yanapachikunku. Siervos ministerialestaj tiempowan ancianos kayta atillankutaj.

Diospa Llajtanta Kamachejkunaqa wakin ancianosta ajllanku congregacionesta waturinankupaj. Paykunataj ashkha congregacionesta visitarej rispa hermanosta yuyaycharinku, kallpacharinku ima. Chantapis ancianos, siervos ministeriales kanankupaj Bibliaj nisqanman jina kausakoj hermanosta churanku (1 Timoteo 3:1-10, 12; Tito 1:5-9).

3. ¿Imatataj sapa uj cristiano congregacionpi ruwan?

Congregacionpeqa tukuy hermanos ‘Jehová Diospa sutinta jatunchanku’. Chaytataj ruwanku reunionespi parlarispa, takispa, atisqankuman jina predicaspa ima (Salmo 148:12, 13 leey).

 ASTAWAN YACHAKUNA

4. Kamachejninchej Jesusqa llasa qʼepinchejmanta samarichiwanchej

Jesusqa munan payta kamachejninchejta jina qhawananchejta. Mateo 11:28-30 leeriychej, chantá yachakojta tapuriy:

• ¿Imayna kamachejtaj Jesús kasqa? ¿Imaraykutaj ajina kamachejniyoj kayta munanchej?

5. Ancianosqa ruwasqasninkuwan yachachiwanchej

1. Ancianosqa Diosman qayllaykunankupaj kallpachakunku. Familiankutapis yanapanku astawan Diosman qayllaykunankupaj.

2. Ancianosqa waj hermanosta yanaparinku.

3.   Ancianosqa tukuy atisqankuta predicanku.

4. Ancianosqa sumaj yachachejkuna kanku. Chantapis tantakuna wasipi llimphuchaspa, waj ruwanasta ruwaspa ima yanapaysikunku.

6. Ancianosta kasukuna

Bibliapi willawanchej imaraykuchus ancianosta kasukuna kasqanta. Hebreos 13:17 leeriychej, chantá yachakojta tapuriy:

• Kay leerisqanchejman jina, ¿imaraykutaj ancianosta kʼumuykukoj sonqowan kasukuna kasqa? ¿Paykunata kasukuy kausayninchejpi yanapawasunmanchu?

Lucas 16:10 leeriychej, chantá yachakojta tapuriy:

• ¿Imaraykutaj ancianosta pisi imaspipis kasukunanchej kanman?

 ¿IMASTÁ YACHAKUNCHEJ?

Kaypi yachakunchej Jesús congregacionpa uman kasqanta, ancianostaj paypa kamachiyninpi kasqankuta. Yachakullanchejtaj ancianosta tukuy sonqo kasukuna kasqanta. Imaraykuchus paykunaqa cuidawanchej, ruwasqankuwantaj yachachiwanchej.

Yuyarikunapaj

• ¿Pitaj congregacionpa uman kasqa?

• ¿Imaynatataj ancianos hermanosta yanapanku?

• ¿Imatataj sapa cristiano ruwananchej kasqa?