20 CAJ YACHACUY
Congregaciunninchicunaga ali camacashgami caycan
Jehovaga munan imapis ordenado canantami (1 Corintios 14:33). Chaymi lapan congregaciunnincunaga ali camacashga caycan. ¿Imanirtaj chayta ninchi? ¿Imanotaj yanapacushwan chayno ali camacashgala cananpaj?
1. ¿Pitaj lapan congregaciuncunapa pushacojnin caycan?
“Congregaciunpa umanga Cristumi” (Efesios 5:23, TNM). Quiquin Jesusmi cielupita ricaycämun congregaciuncunacho imapis ali camacänanpaj. Carguntapis gosh ‘tantiaj y yäracuypaj esclavuta’, paycunaga ali aroj ancianucunami, y Jehovapa testiguncunata Pushajcuna nirpis reguinchimi (leiriy Mateo 24:45-47). Unaynolami cay ancianucunaga may chaycho congregaciuncunata ali camacächir pushan (Hechos 15:2). Paycunaga munacärishgalanta manami ruranchu, quiquin Jehová y Palabran yanapänanta ashin y musyapäcunmi paycunapa janancho Cristo caycashganta.
2. ¿Pïcunataj ancianucunaga y imatataj rurapäcun?
Ancianucunaga ali shongulanwan Diosta sirvejcunami, Bibliapita ali yachachicojcunami y congregaciuncunacho hermanucunata täpajcunami. Yanapacärishganpita guellayta mañacärinanpaj ‘trucanga lapan voluntänincunawanmi’ arupäcun, manami “guellay raycula” (1 Pedro 5:1, 2). Siervo ministerialcunapis yanapacärinmi ancianucunata, espiritual cajcho pogurcäriptenga tiempuwanga ancianumanpis ticrapäcunmanmi.
Jina Jehovapa testiguncunata Pushajcunaga waquin ancianucunata cargunta gon congregaciunta watucärinanpaj. Chaynopa waugui panicuna shacyächishga cananpaj. Cay watucamojcunami pipis ancianuno y siervo ministerialno yanapacuyta munaptin acran (1 Timoteo 3:1-10, 12; Tito 1:5-9).
3. Testigo carga, ¿imatataj ruranchi jucninchi jucninchi?
Lapanchimi congregaciunninchicho “TAYTA DIOSTA alabapäcuy” Biblia nishganta ruranchi. Puncun puncun Jehovapita yachachicurpis paytaga alabayculanchimi (leiriy Salmo 148:12, 13).
SHUMAJ YACHACURCUNAPAJ
Parlarishun pushamajninchi Jesuspita; imanotaj ancianucuna payta gatipäcunman y jucninchi jucninchipis imanotaj paycunata yanapacushwan.
4. Jesusga ali pushacoj y shacyächicojmi
Jesusga yanapaycalämänanchipämi aunimanchi. Leipäcuy Mateo 11:28-30 y caycunapita parlapacäriy:
-
¿Imano pushacojninchitaj Jesusga? ¿Imano ricacunanchitataj munan?
¿Imatataj ancianucunapis ruran Jesusnola ali pushacoj cananpaj? VIDEUTA ricapäcuy.
Bibliaga ali claro wilacun ancianucuna imano yanapacunanpaj.
Leipäcuy Isaías 32:2 y 1 Pedro 5:1-3 y caycunapita parlapacäriy:
-
Jesusga shacyächejmi waquincunata. ¿Imanotaj ricacunqui Jesusno ancianucunapis shacyächicoj capäcuptin?
-
¿Ima mastataj ancianucuna rurapäcun Jesusnola cananpaj?
5. Yachachicärishgannolami ancianucunaga cawapäcun
¿Ancianucuna imano pushacoj canantataj Jesús munan? VIDEUTA ricapäcuy.
Jesusga alimi wilacamurgan pushacoj hermanucuna imano yanapacamunanpaj. Leipäcuy Mateo 23:8-12 y caypita parlapacäriy:
-
¿Imanotaj ancianucuna canman Biblia nishganno? ¿Curacuna o pastorcunaga Biblia nishganno ali pushacojchuraj capäcun?
-
Ancianucunaga Jehovata cuyarmi familianta yanapan.
-
Congregaciuncho lapan hermanucunapaj yarpachacärin.
-
Diospita yachachicuycarlami carcaycan.
-
Ali yachachicojmi capäcun. Pichapacuychopis yanapacärinmi.
6. Ancianucunatami yanapacunchi
Bibliaga wilacunmi ganas ganasla ancianucunata yanapacunapaj. Leipäcuy Hebreos 13:17 y caypita parlapacäriy:
-
¿Imanir-raj Bibliaga nin cushi cushila ancianucunata cäsucunapaj? ¿Gampäga alichu chayga caycan? ¿Imanir?
Leipäcuy Lucas 16:10 y caypita parlapacäriy:
-
Imalachopis yanapacunapaj captenga, ¿imanirtaj ancianucunata yanapashwan?
WAQUINCUNA NIPÄCUN: “Wasilächopis Diosta adurämi, quevä iglesiamanraj aywaycäshaj”.
-
¿Imanirtaj alapa ali canman hermanunchicunawan juntacarcur-raj Diosta aduraptinchi?
ICHIC YACHACUY
Congregaciunpa uman japuymi Jesús caycan; y autoridänintaga ancianucunapis respetapäcunmi. Y shacyächicoj ancianunchicunataga noganchipis ganas ganaslami yanapacunchi.
Yarpänapaj
-
¿Pitaj lapan congregaciuncunata pushaycan?
-
¿Imanopataj ancianucuna yanapacurcaycan congregaciuncho?
-
¿Imachotaj jucninchi jucninchipis yanapacuycanchi?
MASLATA YACHACUNAYQUIPAJ
Ricäriy imanotaj Jehovapa testiguncunata Pushajcuna y ancianucunapis alapa yarpachacärin cristiano masincunapaj.
Sasacunapa pasar imanotaj hermanuncunata shacyächergan (4:22)
Yachacuy imanotaj yanapacärin congregaciuncunata watucojcuna.
Leiriy congregaciuncho ima ruraynincunataj warmicunapaj caycan.
“¿Jehovapa testiguncunacho warmicunaga yachachicärinchu?” (Wilacamoj, 1 setiembre quilla, 2012)
Yachacuy imatataj ancianucuna ruran hermanuncunaraycur.
“Ancianucuna yanapämanchi cushishgala Diosta sirvinapaj” (Wilacamoj, 15 enero quilla, 2013)