Е Йеховаске харешинел те овел редос. (1 Коринтяни 14:33) Тогава си нормално лескере народосте-да те овел редос, те овел организация. Саво редос иси андо сбори? Со ащи те керас аме, за те овел редос андо сбори?

1. Кой водинел о сбори?

„О Исусес си о шеро е сбориескоро.“ (Ефесяни 5:23) Таро небес ов водинел всичко со керел е Йеховаскоро народос ко цело светос. О Исусес избирингяс „о верно тай разумно роби“. Кавка си йекх цикни група пхралендар, колато бут време служинен сар старейшиня. Ленге пхенас също о Ръководно тяло. (Четине Матей 24:45-47.) Сарто керенас о апостоля тай о старейшиня андо Йерусалим презал о първо веки, о Ръководно тяло-да водинел саворе сборя ко цело светос. (Деяния 15:2) Ама калка пхрала нанай о водачя амаре организациякере. Он четинен и Библия, за те ахальовен со мангел о Йехова те керен тай мукен о Исусес те водинел лен.

2. Со керен о старейшиня?

О старейшиня си пхрала, колен иси близко амалипе е Йеховаса. Он сикавен околен тари Библия тай дикхен е Йеховаскере народоске, като помагинен ленге тай насърчинен лен. Калке пхрален на ден парес е букиенге, колато керен. О старейшиня на служинен „зорле, а вогиестар, нито соскето дехен о парес, икалде хохаймнаса, а соскето манген“. (1 Петър 5:1, 2) Андо сбори иси помощник-служителя, колато помагинен е старейшиниенге. Като накхел известно време, он-да ащи те служинен сар старейшиня.

О Ръководно тяло избиринел десаве старейшиниен те служинен сар окръжна надзорникя. Он жан различноне сбориенде, за те ден напътствия тай те утешинен е пхрален тай е пхениен. О окръжна надзорникя избиринен десаве пхрален те служинен сар помощник-служителя или старейшиня, ако дикхен, кай он керен о букя, колато пхенел и Библия, кай требе те керен. (1 Тимотей 3:1-10, 12; Тит 1:5-9)

3. Со требе те керел секо йекх Свидетели?

Саворе андо сбори „славинен е Йеховаскоро алав“, като ден отговоря, гилябен тай керен проповегя или задачес ко събрания тай като проповединен кизом ащи. (Четине Псалм 148:12, 13.)

 РОДЕ ПО-ХОРЕСТЕ

4. О Исусес си лачше вогиескоро водачи

О Исусес вогиестар канинел амен те мукас ов те водинел амен. Четинен Матей 11:28-30 тай хоратинен калке въпросиеске:

• Сар чувствинен пес о мануша, колен водинел о Исусес?

5. Пе примериеса о старейшиня сикавен околен

1. 1. О старейшиня ден всичко пестар, за те ащи он тай ленгере семейства те овен близка амала е Йеховаса

2. 2. О старейшиня дикхен секоне йекхеске андо сбори

3.  3. О старейшиня проповединен редовно

4. 4. О старейшиня сикавен околен. Он също чистинен тай помагинен авере букиенца

6. Сар ащи те помагинас е старейшиниенге тай те шунас лен

И Библия сикавел аменге соске си шукар те помагинас е старейшиниенге тай те шунас лен. Четинен Евреи 13:17 тай хоратинен калке въпросиенге:

• Соске и Библия пхенел, кай требе те овас готова те шунас калкен, колато водинен амен? Ту со мислинес?

Четинен Лука 16:10 тай хоратинен калке въпросиеске:

• Соске си важно те шунас е старейшиниен винаги, даже цикне букиенге?

 СО СИКЛИЛЯМ

О Исусес водинел о сбори. Аме синям готова те шунас е старейшиниен, соскето ов водинел лен тай он помагинен аменге тай сикавен амен, като ден амен шукар примери.

О най-важна букя таро уроки

• Кой водинел о сбори?

• Сар о старейшиня помагинен е пхраленге тай е пхениенге?

• Со требе те керел секо йекх таре Йеховаскере служителя?