Jeová aé yepé Deus organizado. (1 Korintowaraitá 14:33, 40) Ape, imiraitá ta urikuté ta umuñhã mayé yawé. Ma mayé ufuncionari congregação? Maã muíri yandé yaprecisari yamuñhã congregação upé?

1. Awá congregação ruixawa?

‘Kristo aé [congregação] akanga.’ (Efezowaraitá 5:23) Iwaka suí, Jesus umuñhakunta Jeová miraitá murakí resé. Aé uparawaka yepeyepé apigá kirimbawaá espiritualmente ta umuñhakunta arama yané resé, yaserukawaá aintá mayé Corpo Governante. (Releri Mateu 24:45-47.) Kuxiíma kuera, apóstoloitá asuí anciãoitá Jeruzalẽ upé ta umeẽ orientação congregaçãoitá supé. (Ato 15:2) Yaweté yuíri yané tempo upé Corpo Governante umeẽ orientação congregaçãoitá supé pañhe kuá mundo upé. Ma aintá umbaá yané ruixawa. Aintá ta umbué Bíblia resé ta ukuá arama maã Jeová uputari ta umuñhã arama asuí ta usendú maã Jesus umunduwaá.

2. Awá anciãoitá, asuí maã aintá ta umuñhã?

Anciãoitá aintá cristão kirimbá espiritualmente ta usariwaá Bíblia ta umbué arama Deus miraitá. Aintá ta uputari ta umusurí asuí ta uajudari awaitá ta umuñhã Jeová vontade. Aintá ti ta uganhari dinheiro ta umuñhã arama kuayé. Amurupité, aintá ‘usarú aintá surisawa rupí, kuayé Deus uputariwaá yawé, ti ta usikari ta uyuka aintá irum sikuyara ta usarú resewara aintá, ta usarú aintá ta piá suriwaá irum’. (1 Pedro 5:1, 2) Awaitá ta upurakí mayé servo ministerial ta uajudari anciãoitá asuí ta upoderi kurí ta upitá mayé ancião yuíri ta umuñhã ramé maã Bíblia umunduwaá.

Corpo Governante uparawaka yepeyepé ancião ta upurakí arama mayé circuito superintendente. Aintá ta uvisitari siya congregaçãoitá ta umeẽ arama orientação asuí ta umusurí arama ta mũitá. Circuito superintendente usari Bíblia ta umaã arama awá upoderi upurakí mayé servo ministerial u ancião. — 1 Timóteo 3:1-10, 12; Tito 1:5-9.

3. Maã muíri Umbeusá Jeová resé urikuté umuñhã?

Pañhe yandé congregação upé ‘yalouvari Jeová rera’ yayumuatiriwaá upé asuí yambeu ramé Bíblia resé amuitá supé. — Releri Salmuitá 148:12, 13.

 REYUMBUÉ PIRI ARAMA

4. Jesus aé yepé ruixawa purangawaá

Jesus umuñhã yepé convite purangawaá yandé arama. Peleri Mateu 11:28-30. Ariré pekuntari kuá resé:

• Mayé Jesus umundú yané resé? Mayé aé uputari yayusaã arama?

5. Anciãoitá ta uxari ta rangá

1. Anciãoitá ta umukimbá ta amizade Jeová irum asuí ta uajudari ta anama ta umuñhã arama kuayé yuíri

2. Anciãoitá ta umuñhakunta pañhe awá resé congregação upé

3.   Anciãoitá ta umbeuwara Bíblia resé

4. Anciãoitá ta umbué Deus Ñheenga resé. Aintá ta umuñhã amú maã yuíri, mayé ta uyusí uka mamé ta uyumuatiriwaá.

6. Yapoderi yajudari anciãoitá

Bíblia umbeu marã importante yajudari anciãoitá. Peleri Ebreoitá 13:17. Ariré pekuntari kuá resé:

• Marã Bíblia umbeu yarikuté yasendú anciãoitá yané piá suí? Maã remanduári kuá resé?

Peleri Luka 16:10. Ariré pekuntari kuá resé:

• Marã importante yapoiari anciãoitá pañhe maã upé?

 MAÃ REYUMBUÉ

Jesus aé congregação ruixawa, asuí anciãoitá ta usendú maã aé umunduwaá. Yapitá surí yajudari rupí anciãoitá ñhãsé aintá mira purangawaá asuí ta uxari ta rangá yandé arama.

Remanduári arama

• Awá congregação ruixawa?

• Mayé anciãoitá ta uajudari congregação?

• Maã muíri yandé yaprecisari yamuñhã congregação upé?