PELAJARAN 21

Ise do na Paboahon Barita na Uli di Liat Portibi on Saonari?

PANGOLU

Nungnga taboto satokkin nai dang adong be sitaonon bahenon ni Jahowa marhite Harajaonna. Porlu do tapaboa barita na uli on tu sude halak! Alana disuru Jesus do sude halak na mangihutton ibana asa paboahon barita na uli on. (Mateus 28:19, 20) Songon dia do Saksi Jahowa mangulahon paretta ni Jesus on?

1. Aha do buktina nungnga terjadi hata na di Mateus 24:14 i saonari?

Nungnga dipaboa Jesus hian, “Dibaritahon ma barita na uli taringot tu Harajaon i di liat portibi on.” (Mateus 24:14) Las do roha ni Saksi Jahowa mangulahon ulaon na penting on. Dipaboa hami do barita na uli di liat portibi on tu lobi sian 1.000 bahasa! Ikkon denggan do diatur ulaon on, jala godang do na ikkon diulahon. Alai boi do marhasil ulaon on ala diurupi Jahowa hami.

2. Songon dia do caranami paboahon barita na uli?

Dipaboa hami do barita na uli tu sude halak na dijuppangi hami. Songon halak Kristen di abad na parjolo, marbarita do hami “sian jabu tu jabu”. (Ulaon ni Apostel 5:42) Marhite cara on, boi ma hami marbarita na uli tu marjuta halak ganup taon. Alai ala dang sai di jabu akka halak, marbarita do tong hami di akka inganan na rame. Jala sai dilului hami do cara lao paboahon barita na uli taringot Jahowa dohot lomo ni rohana tu akka halak.

3. Tugas ni ise do sasittongna paboahon barita na uli?

Tugas ni halak Kristen do paboahon barita na uli. Tugas na penting do on di hami, alana boi do on paluahon ngolu ni jolma. Jadi berusaha do hami mangulahon on sian nasa tolapnami. (Jaha 1 Timoteus 4:16.) Dang digaji hami lao mangulahon ulaon on. Alana Bibel mandok, “Ala dang margarar dijalo hamu sudena i, lehon hamu ma i dang margarar.” (Mateus 10:7, 8) Molo marbarita na uli hami, na mangoloi paretta ni Jahowa do hami disi jala mambahen las rohana. Jadi nang pe dang sude halak olo manangihon barita na dipaboa hami, toktong do hami marbarita.

ASA LAM TAATTUSI

Taida ma aha do na diulahon Saksi Jahowa lao paboahon barita na uli tu liat portibi on, jala songon dia Jahowa mangurupi nasida.

Marbarita na uli di liat portibi on: (A) di Kosta Rika, (B) di Amerika Serikat, (C) di Benin, (D) di Thailand, (E) di Yap, (F) di Swedia

4. Berusaha do hami manjuppangi sude halak

Berusaha do Saksi Jahowa marbarita na uli tu sude halak manang didia pe. Putar ma VIDEO, dung i bahas ma sukkun-sukkun on:

VIDEO: Marbarita “Sahat Ro di Ujung ni Tano On” (7:33)

Boha do perasaanmuna mangida upaya na dibahen Saksi Jahowa lao marbarita na uli?

Jaha Mateus 22:39 dohot Rom 10:13-15, dung i bahas ma sukkun-sukkun on:

Toho do ulaon marbarita patuduhon holongnami tu akka halak?
Boha do perasaan ni Jahowa mangida akka halak na paboahon barita na uli?—Ida ayat 15.

5. Dongan sakarejo ni Debata do hami

Godang do pengalaman na patuduhon diurupi Jahowa do hami tikki marbarita na uli. Contohna, adong sahalak bawa na margoar si Paul di Selandia Baru. Tikki marbarita na uli ibana sian jabu tu jabu, pajuppang ma ibana dohot sahalak borua. Nungnga martangiang sebelumna borua i tu Debata, jala dijou ibana do goar ni Debata, i ma Jahowa. Dipangido ibana do tu Debata asa ro sasahalak manjuppangi ibana. Tolu jom dukkon i, sahat ma si Paul di jabuna.

Jaha 1 Korint 3:9, dung i bahas ma sukkun-sukkun on:

Songon dia do pengalaman ni si Paul patuduhon na diurupi Jahowa do hami tikki marbarita?

Jaha Ulaon ni Apostel 1:8, dung i bahas ma sukkun-sukkun on:

Boasa ikkon diurupi Jahowa hami tikki marbarita na uli?

Diboto hamu do?

Di parpunguan parsitongaan ni minggu, diajari do hami marbarita na uli. Molo nga hea diida hamu i tikki marpungu, boha do pandapotmuna taringot i?

6. Dioloi hami do paretta ni Debata asa marbarita na uli

Di abad na parjolo, diorai akka musu do halak Kristen marbarita na uli. Alai dipakke nasida do hukum lao mambela hak ni nasida marbarita na uli. (Pilippi 1:7) Songon i ma tong na diulahon Saksi Jahowa saonari. a

Putar ma VIDEO.