JIʼTE 21
Tchi paʼ pou bo ne sing tchoung pepoung a
A tchuʼ mouywe a Jéova Si tchye m ne Nefo é simgne goung mgheghô môkpe awè. Yenge tchoung tchente thwa téʼ te a po tcheng ge pyeshe pô youʼ yap ya bô. Yéso le bo tcheng ge pekhu pye ghapte tchoung pepoung bô pou a goung pô awè ! (Matio 28:19, 20) A be Mkwithè Jéova youʼgne ne mtchoʼ Yéso bô m tchi ge ke ?
1. Matio 24:14 bo dogne tyôʼ m tchi ge ke ?
Yéso le tchwadzu gôm ge : “Pou gô sôʼ sing tchoung pepoung yeng ne Nefo tchum goung dzu awè.” (Matio 24:14) Mkwithè Jéova de ŋwègne ne ne gre faʼ tuôdeng bô. Pye sing tchoung pepoung tchum goung dzu awè ne mghôm 1 000 te twôk. Me faʼ gwye bô hente kaktuô ba ne tchente nyapte ya. Pye kate fing ne kouʼgne ne ghe ya te a be ge Jéova kwite.
2. Pye kaktuô deng ge ke te ne sing Ghôm Si bi pômneng ?
Pye sing Ghôm Si ba tsuʼkele ye pye fing ne yô pômneng ne a. Paʼ mkritè ne dendze wôdzu khe a, pye sing Ghôm Si “mdye mdye.” (Mfaʼ 5:42) Yeng tchi ne ghe kwite wôk ne ghôm nwe bi mshouʼmshouʼ pô ne baya gouʼdzu le. Paʼ pômneng te neng be dye pou goung tchwe awè a pe, pye sing Ghôm Si ba ne medou mtsuʼ mye pou djô medou pô ne a. Pye be goung tchwe awè be tcheng msô ne gôm nwe ne Jéova ba ne potse tsye é pap ne ghe a bi pyeshe pô.
3. Ne sing tchoung pepoung be faʼ be dé we ?
Ne tchwiʼte tchoung pepoung bi pyeshe pô be faʼ goung mkritè nyenyô awè. Pye de faʼ tsôk bô paʼ ywe tuôdeng téʼ a. Pye tchente sing Ghôm Si deng paʼ pye fing a, nekele pye jye ge a fing ne ha vôk bi pô. (Ké 1 Timotio 4:16.) Pou te bé wôk ne faʼ bô pe, nekele Bible gôm ge : “Po ke kwi pe néné, po ha pe néné.” (Matio 10:7, 8) Te goung pô awè né bing ne youʼ tchoung pepoung ye pye tchwiʼte a pe. Daʼge, pye sing Ghôm Si ne gô a dze nekele ne ghe poʼo daʼte ge pye djouʼgne bi Jéova, neng be gre ge é ŋwègne.
PING TCHENG NE GÔ DZE
Ping dagne she potse ne deng kaktuô ye Mkwithè Jéova gre te ne sing Ghôm Si tchum goung dzu awè a, neng djô paʼ Jéova kwite wôk a.
Faʼ ne sing Ghôm Si tchum dzu : (A) Kosta Rika, (B) États-Unis, (C) Bénin, (D) Thailande, (E) Yap, (F) Suède
4. Pye tchente faʼ téʼ te ne khouʼgne ne tchoʼ goung pô awè
Mkwithè Jéova tchente kaktuô te ne sing tchoung pepoung bi pô ne goung mtsuʼ awè. Yô VIDÉO, neng gômte ne hente yenge.
-
Ke tchente sya o ne deng kaktuô ye Mkwithè Jéova gre ne ne sing Ghôm Si a ?
Ké Matio 22:39 ba Roma 10:13-15, neng gômte ne mhente menge :
-
Tsôk faʼ ne sing Ghôm Si daʼte ge pye khoung pyeshe pô m tchi ge ke ?
-
Jéova djouʼ ne é m ge ke ne pô pye wap sing tchoung pepoung a ?—Lé khè 15.
5. Pye bemte faʼ pou a Si
Medou mtchoung daʼte ge Jéova be tse dze ne faʼ tsôk. Taʼ foʼte, tchum pap goung Nouvelle Zélande, taʼ fe ye tso tsye be Paul a, le pe ne sing Ghôm Si didye m didye ne taʼ bwadzu djô taʼ mamdjwi. Pe fôkdzu tyèʼ bô, mamdjwi bô le be é ghe priya bi Si, ne ghe gwim tso Si, Jéova, be hente ge mo sôʼ dé é. Paul gôm ge : “Mhawa ta ne tchye, mye ŋwak didye é.”
Ké 1 Korinto 3:9, neng gômte ne hente yenge :
-
Mfoʼte paʼ ye a tchye Nouvelle Zélande a daʼte ge Jéova be tse dze ne faʼ ne sing Ghôm Si m tchi ge ke ?
Ké Mfaʼ 1:8, neng gômte ne hente yenge :
-
Nweke a tcheng ge Jéova kwite wôkpe te pe kouʼgne ne faʼ faʼ tsôkpe ?
A ke be o ji jye le ?
Baya gapdzu le, ne yôk tchouʼte tchum gapdzu, pou dagne wôk tchi paʼ pye fing ne ne sing Ghôm Si a. A pe be o yèm ghô ne taʼ ne mtchouʼte bô, be o ke sè ge ke ne paʼ pou ne dagne wôk ne ghô pé sing Ghôm Si a ?
6. Pye djouʼgne ne mtchoʼ Si ne ghô sing Ghôm Si
Ne dendze wôdzu kre, mghèbo pekhu Yéso le tela ne ghe ge ka wap ping sing Ghôm Si. Mdendze mkritè le be doʼ shou ne ne “gre ge pou jye tchoung pepoung dye fyèʼ”, ne ne daʼte ge a tcheng ge wap sing Ghôm Si. (Filipo 1:7, nwt.) Mkwithè Jéova gre pe poʼo tyôʼô. *
Ké Mfaʼ 5:27-42, neng gômte ne hente yenge :
MO FING NE HENTE GE : “Nweke Mkwithè Jéova gô didye m didye ?”
-
O fing ne paʼ ge ke ?
YE NE KHAMTE
Yéso le ghôm bi pekhu pye ge wap sing tchoung pepoung bi goung mgoung awè. Jéova bo kwite temlaʼ é ne ghe faʼ bô.
O lagne ke ?
-
Pou bo sing tchoung pepoung tchum goung dzu awè m tchi ge ke ?
-
Faʼ tsôk daʼte ge pye koung pyeshe pô m tchi ge ke ?
-
O yô ge faʼ ne sing Ghôm Si fing ne ghe ge pou ŋwègne a ? Nweke ?
YÔ SHE POTSE NE
Yô tchi paʼ Mkwithè Jéova sing Ghôm Si tchum mtisoung mgugwye a.
Paris: Témoignage public spécifique aux grandes villes (5:11)
Mkwithè Jéova be wap ghe la te ne ne kwite pô pye wap khu goung yap dou ne shou a ?
Ils étanchent la soif spirituelle dʼhommes et de femmes refugiés (5:59)
Youʼ paʼ taʼ mo bo toute nweke ne tchye goung vôk tsye awè tchum faʼ ne sing Ghôm Si le ghe ge é ŋwègne a.
Yô paʼ ne tsu she mshè dze pe fyèʼ shè le ghe ge faʼ ne sing Ghôm Si ghô pe dze a.
“Les prédicateurs se défendent devant les tribunaux” (Le Royaume de Dieu en action, chapitre 13)
^ Si né be mo ye é ha ôda bi pye ne sing Ghôm Si a. A tchye m poʼo te Mkwithè Jéova le pe tcheng ôda bi sôm momsoung te ne sing tchoung pepoung.
